फोटो सौजन्य सोशल मिडिया
सायकलपटू हिरेन हिसालके यांच्यासह आर्यन रविंद्र देशमुख आणि विघ्नेश देवानंद कदम, श्रेया सुरेश पारटे, वंश, रोशन धुळे हे सायकल घेऊन रेबीज विरोधी जनजागृती करीत फिरत होते. विद्या विकास शाळेतील विद्यार्थ्यांनी विविध शाळेत जाऊन रेबीज विरोधात जनजागृती केली.
आज 28 सप्टेंबर जागतिक रेबीज दिनाचे औचित्य साधून संपूर्ण नेरळ शहरात रेबीजविरोधी जनजागृतीचा एक अनोखा उपक्रम पार पाडण्यात आला.
रेबीज हा अत्यंत गंभीर असा आजार आहे. या वर वेळीच प्रतिबंधात्मक उपचार केल्यास हा आजार टाळता येतो. आज जागतिक स्तरावर दरवर्षी सुमारे 59,000 मृत्यू रेबीजमुळे होतात. याच गंभीर विषयाची जाणीव ठेवून नेरळ येथिल विद्या विकास शाळेतल्या विद्यार्थ्यांनी हा संदेश नागरिकांपर्यंत पोहोचावा यासाठी सायकलपटू हिरेन हिसालके याने आपल्या सहकारी विद्यार्थ्यांसह सायकल रॅलीच्या माध्यमातून जनजागृती केली.
नेरळ येथिल विद्या विकास शाळेतल्या विद्यार्थ्यांनी सायकल रॅली काढून, आपल्या सायकलवर रेबीजविषयी माहितीचे फलक लावून या रॅली दरम्यान जनजागृती करण्यात आली. तसेच आपल्या ओळखीच्या लोकांना फोन लावून रेबीज म्हणजे काय? रेबीजची लक्षणे कोणती? जर कुत्रा चावला किंवा ओरखडा काढला असेल मग काय उपचार करावे? या विषयी सखोल माहिती देण्यात या सायकल रॅली मधून करण्यात आली. तर रेबीज प्रतिबंधासाठी लसीकरण कसे केले जाते ? याबाबत नागरिकांना माहिती देण्यात आली.
या मोहिमेत सुमारे 2, 000 माहितीपत्रकांचे वाटप करण्यात आले.या उपक्रमात अंतर्गत नेरळ विद्या मंदिर,विद्या विकास मंदिर,जिल्हा परिषद शाळा वाल्मिकीनगर, जिल्हा परिषद शाळा नेरळ एक या सर्व शाळांमध्ये जाऊन विद्य़ार्थ्यांनी रेबीजविषयी माहिती देण्यात आली.या वेळी विद्यार्थ्यांनी भटक्या कुत्र्यांच्या प्रश्नावर स्वाक्षरी मोहीम सुद्धा राबवण्यात आली.
नेरळ शहरात भटक्या कुत्र्यांची संख्या आणि त्यासंदर्भातील नागरिकांच्या सुरक्षेचा प्रश्न लक्षात घेता हा अनोखा उपक्रम नेरळ येथिल विद्या विकास शाळेतल्या विद्यार्थ्यांनी केला. विद्यार्थ्यांच्या या उपक्रमाचे नेरळ शहरात कौतुक होत आहे. या संपूर्ण उपक्रमास प्रमुख मार्गदर्शन शाळेच्या मुख्याध्यापिका शैलेजा निकम आणि विनया काकडे आणि पालक राम हिसाळके यांनी केले आहे.
.png "Videos"){kind=small}
