फोटो सौजन्य सोशल मिडिया
जास्त पिकलेली किंवा सालीवर काळे डाग पडले असलेली केळी ही आरोग्यासाठी अत्यंत फायदेशीर ठरू शकते, असे संशोधनांतून समोर आले. अनेकदा लोक अशी केळी खराब झाली; म्हणून फेकून देतात. विज्ञानानुसार या अतिपिकलेल्या केळ्यांमध्ये शरीराला ऊर्जा देणारे आणि रोगप्रतिकारक शक्ती वाढवणारे अनेक महत्त्वपूर्ण बदल असतात.
जास्त पिकलेल्या केळ्यांचे खालील प्रमुख फायदे समोर आले आहेत, यामध्ये अँटीऑक्सिडंट्सची उच्च पातळी असते. तसेच केळे जसे जास्त पिकते, तसे त्यातील अँटी ऑक्सिडंट्सचे प्रमाण वाढते. हे अँटीऑक्सिडंट्स शरीरातील फ्री रॅडिकल्सशी लढण्यास आणि पेशींचे नुकसान रोखण्यास मदत करते. कच्च्या किंवा कमी पिकलेल्या केळ्यामध्ये ‘रेझिस्टंट स्टार्च’ जास्त असतो, जो पचायला जड असतो. केळे जास्त पिकल्यावर या स्टार्चचे रूपांतर नैसर्गिक साखरेत होते, ज्यामुळे ते पचायला अतिशय सोपे आणि हलके असते.
काही प्रयोगशाळेतील संशोधनांनुसार, पूर्ण पिकलेल्या केळ्यांमध्ये विशिष्ट बायोअॅक्टिव्ह संयुगे तयार होत असतात.जे शरीरातील पांढऱ्या रक्तपेशींना सक्रिय करून रोगप्रतिकारक क्षमता बळकट करते. जास्त पिकलेले केळे नैसर्गिक ‘अँटासिड’ (Antacid) म्हणून काम करते. छातीत जळजळ किंवा अॅसिडिटीचा त्रास होत असल्यास हे केळे खाल्ल्याने पोटात थंडावा मिळतो.
पोटॅशियम आणि पोषक घटक कायम: केळे कितीही पिकले तरीही त्यातील पोटॅशियम, मॅग्नेशियम आणि व्हिटॅमिन बी६ यांसारखे महत्त्वाचे खनिज पदार्थ कमी होत नाहीत. हे घटक हृदय आणि रक्तदाब नियंत्रणात ठेवण्यासाठी आवश्यक असतात.
जास्त पिकलेल्या केळ्यामध्ये नैसर्गिक साखरेचे प्रमाण खूप वाढते. त्यामुळे मधुमेहाच्या (Diabetes) रुग्णांनी किंवा रक्तातील साखर नियंत्रित नसलेल्या व्यक्तींनी जास्त पिकलेली केळी खाणे टाळावे किंवा डॉक्टरांच्या सल्ल्यानेच खावीत कारण यामुळे रक्तातील साखर वेगाने वाढू शकते. तुम्हाला जर निरोगी व्यक्ती म्हणून आहारात याचा वापर करायचा असेल, तर तुम्ही या अतिपिकलेल्या केळ्यांचा स्मूदी बनवण्यासाठी किंवा ओट्स आणि बेकिंगमध्ये वापर करू शकता.
.png "Videos"){kind=small}
