Radhika Merchant Ambani’s Pink Kanjivaram Saree Look: गुलाबी कांजीवरम साडीत राधिका अंबानीचा शाही अंदाज; नृत्य करत जिंकली मन

Radhika Merchant Ambani's Pink Kanjivaram Saree Look: मुकेश अंबानी यांच्या अँटिलिया निवासस्थानी आयोजित गणेशोत्सवात राधिका मर्चंट अंबानी यांच्या पारंपरिक लूकने सर्वांचे लक्ष वेधून घेतले.

मुकेश अंबानींच्या घरी गणपतीचा सण म्हटलं की सगळं काही मोठं आणि शाही असतं. अँटिलियामधला गणेशोत्सव दरवर्षी चर्चेत असतो. यावेळी पण बॉलिवूडपासून ते मोठे उद्योगपती सगळेच आले होते. पण या गर्दीत सगळ्यात जास्त भाव खाऊन गेली ती धाकटी सून राधिका मर्चंट अंबानी.  तिने यावेळी जी साडी नेसली होती, ती बघून सगळ्यांच्या नजरा तिच्यावरच खिळल्या. गुलाबी रंगाची कांजीवरम साडी आणि त्यावर तिचा तो गोड डान्स, लोक अजूनही त्याच्याबद्दलच बोलत आहेत.

कांजीवरम साडीत दिसली एकदम राजकुमारीसारखी

राधिकाने नेसलेली साडी साधी नव्हती. ती होती अस्सल कांजीवरम. आपल्याला माहितीच आहे कांजीवरम साडी म्हणजे काय, एकदम हेवी सिल्क, त्यावर सोनेरी जरीचं काम. दक्षिणेतल्या लग्नात अशा साड्या हमखास दिसतात. तिने गुलाबी रंग निवडला होता, अगदी गोड आणि फ्रेश वाटणारा. गुलाबी रंगामुळे तिचा चेहरा अजूनच खुलून दिसत होता. साडीवरची जरीची नक्षी पण एकदम बारीक आणि सुंदर होती. साडी नेसण्याची तिची पद्धत पण एकदम पारंपरिक होती, त्यामुळे तिला एक वेगळाच रॉयल टच आला होता. Radhika Merchant Ambani’s Pink Kanjivaram Saree Look:

हा लूक बघून एक गोष्ट कळते की फॅशन म्हणजे फक्त मॉडर्न कपडे नाहीत, आपली पारंपरिक साडी पण तितकीच भारी दिसू शकते. मनीष मल्होत्राने तिचा हा लूक डिझाइन केला होता आणि फोटो शेअर करताच तो व्हायरल झाला.

Rahul Vaidya Classy Home: घर असावं तर राहुल वैद्यसारखं! व्हाईट थीमने जिंकली मनं, झोपाळ्याने वेधलं लक्ष

दागिन्यांचा साधा पण भारी वापर

साडी जशी भारी होती तसेच तिचे दागिने पण होते. पण राधिकाने एक चूक केली नाही, तिने जास्त दागिने लादले नाहीत. गळ्यात एक मोठा हार, कानात जड झुमके आणि कपाळावर एक छोटीशी सुंदर मंगटिका.ती मंगटिका तिच्या लूकचा हिरो ठरली. कपाळाच्या मधोमध ती मंगटिका आणि गुलाबी साडी, कॉम्बिनेशन एकदम परफेक्ट. केसांचा अंबाडा बांधला होता आणि त्यावर गजरा, हलका मेकअप आणि छोटीशी टिकली. एवढ्यातच ती एकदम महाराणीसारखी दिसत होती.कधीकधी कमी दागिन्यांमध्ये जास्त सुंदरता असते, हे तिच्या लूकवरून कळतं.

साडी सांभाळत केला सुंदर डान्स

या सोहळ्यात सगळ्यात जास्त चर्चेत राहिला तो म्हणजे राधिकाचा डान्स. गणपती बाप्पासमोर ती नाचत होती आणि सगळे बघत होते.साडी नेसून नाचणं सोपं नाही, पण राधिकाने इतक्या सहजपणे डान्स केला की वाटलंच नाही तिला काही अडचण येतेय. चेहऱ्यावर सतत हसू, हातांचे हावभाव एकदम परफेक्ट. ती मुळात भरतनाट्यम शिकलेली आहे, त्यामुळे तिच्या प्रत्येक स्टेपमध्ये एक ग्रेस आहे.

Neck Cancer: मानेच्या कर्करोगाच्या सुरुवातीच्या टप्प्यातील सुजलेल्या लिम्फ नोड्स म्हणजे काय?

अंबानी कुटुंबात ती अगदी सहज मिसळून जाते, मोठ्या सोहळ्यात पण ती लाजत नाही, आत्मविश्वासाने सगळ्यांसमोर येते, हेच लोकांना तिच्यात आवडतं.सोशल मीडियावर लोक म्हणत आहेत की पैसा असूनही राधिका आपली संस्कृती विसरली नाही. गुलाबी कांजीवरम साडीत तिने भारतीय संस्कृतीचा मान ठेवला आणि सणाचं महत्त्व वाढवलं.