Raksha Bandhan 2025 : भावाला करा खुश, घरी बनवा दुबईचा फेमस ‘कुनाफा चॉकलेट’

Kunafa Chocolate Recipe : नात्याचा गोडवा वाढवा, घरी बनवा गोड, चवदार दुबईचा फेमस कुनाफा चॉकलेट. कुनाफा चॉकलेट सध्या फार ट्रेंडमध्ये आहे. दुबईची ही फेमस चॉकलेट तुम्ही घरी देखील तयार करू शकता.

मूळत: मध्यपूर्वेतील गोड पदार्थ असलेला कुनाफ़ा (Kunafa) हल्ली भारतात आणि विशेषतः मिठाईप्रेमींमध्ये खूप प्रसिद्ध झाला आहे. पारंपरिक कुनाफ़ामध्ये चीज आणि साखरेचा सिरप वापरला जातो, पण आज आपण पाहणार आहोत एक हटके आणि चविष्ट व्हर्जन, चॉकलेट कुनाफ़ा! ही रेसिपी पारंपरिक कुनाफ़ाला एक चॉकलेटी ट्विस्ट देते, जी विशेषतः मुलांना आणि चॉकलेटप्रेमींना खूप आवडेल. कुरकुरीत कडाही, आतून मऊ आणि चॉकलेटी फिलिंग हे कॉम्बिनेशन नक्कीच मन जिंकून घेईल.

तोंडाची खराब झालेली चव सुधारण्यासाठी झटपट बनवा आंबटगोड कोकम चटणी, पित्त होईल कमी

रक्षाबंधनाचा सण अवघ्या काही दिवसांवर आला आहे. हा दिवस भावा-बहिणीच्या नात्याला समर्पित असून या दिवशी बहीण भावाचे औक्षण करून त्याच्या हातात राखी बांधते आणि भाऊ बहिणीला काही भेटवस्तू गिफ्ट करतो. आता तुम्हालाही जर रक्षाबंधनाच्या दिवशी आपल्या भावासाठी काही खास करायचं असेल तर तुम्ही त्याच्यासाठी घरीच टेस्टी अशी कुनाफा चॉकलेट तयार करू शकता. ही चॉकलेट सध्या खूप जास्त ट्रेंडमध्ये असून तुमच्या भाऊ नक्कीच याने खुश होईल. चला जाणून घेऊया यासाठी लागणारे साहित्य आणि कृती.

साहित्य:

कुनाफ़ा बेससाठी:

• कडायफ किंवा शेवया – 1 कप (बारीक कुरकुरीत सुतासारख्या)
• बटर – 4 टेबलस्पून (वितळवलेले)

फिलिंगसाठी:

• मिल्क चॉकलेट – 100 ग्रॅम (तुकडे करून)
• डार्क चॉकलेट – 50 ग्रॅम (ऐच्छिक)
• फ्रेश क्रीम – 3 टेबलस्पून

सिरपसाठी:

• साखर – ½ कप
• पाणी – ¼ कप
• लिंबाचा रस – ½ टीस्पून
• व्हॅनिला इसेन्स किंवा गुलाब जल – ½ टीस्पून

दिवसभरात राहाल कायमच उत्साही! सकाळी नाश्त्यासाठी झटपट बनवा Poha Nuggets, नोट करून घ्या रेसिपी

कृती:

• यासाठी सर्वप्रथम एका पातेल्यात साखर आणि पाणी घालून उकळवा.
• एकसंध होत आल्यावर लिंबाचा रस आणि व्हॅनिला इसेन्स घालून हलवा.
• मध्यम आचेवर 5-6 मिनिटे उकळवून घट्टसर सिरप तयार करा.
  गार होण्यासाठी बाजूला ठेवा.
•  बारीक तुटलेल्या शेवया मध्ये वितळवलेले बटर मिक्स करा.
• मिक्स करताना थोडे थोडे दाबून घ्या, जेणेकरून बटर पूर्ण शोषले जाईल.
• एका बाउलमध्ये चॉकलेटचे तुकडे आणि फ्रेश क्रीम मिक्स करा.
• मायक्रोवेवमध्ये किंवा डबल बॉयलरमध्ये वितळवा, स्मूद चॉकलेट मिश्रण तयार होईपर्यंत.
• एका छोट्या बेकिंग टिनमध्ये अर्धा कुनाफ़ा मिश्रण पसरवा आणि थोडं दाबा.
• त्यावर तयार केलेले चॉकलेट फिलिंग पसरवा.
• उरलेले कुनाफ़ा मिश्रण वरून घालून पुन्हा दाबून सेट करा.
• ओव्हन 180°C वर प्रीहीट करा.
• कुनाफ़ा 20-25 मिनिटे किंवा वरून सोनेरीसरखा कुरकुरीत होईपर्यंत बेक करा.
• गरम गरम कुनाफ़ावर गार सिरप घाला.
  5-10 मिनिटे मुरू द्या.
• गरम गरम चॉकलेट कुनाफ़ा वरून थोडंसं पिघळलेलं नुटेला किंवा चॉकलेट सिरप आणि ड्राय फ्रूट्स घालून सर्व्ह करा.
• एक स्कूप व्हॅनिला आईस्क्रीमसह दिलं तर स्वर्गीय अनुभव मिळेल!

FAQs (संबंधित प्रश्न)

कुनाफा म्हणजे काय?
कुनाफा ही एक पारंपारिक मध्य पूर्वेकडील मिष्टान्न आहे जी पातळ, कुरकुरीत शेवयासारख्या पेस्ट्रीपासून बनवले जाते.

कुनाफा चॉकलेटची चव कशी असते?
कुरकुरीत कुनाफा, गोड चॉकलेट आणि कधीकधी पिस्ता, काजू यांचे मिश्रण एक अद्वितीय आणि आनंददायी चव तयार करते.