श्रावण स्पेशल रेसिपी: वाटीभर डेसिकेटेड कोकोनटचा वापर करून झटपट बनवा पांढरेशुभ्र खोबऱ्याचे लाडू, नोट करा रेसिपी

श्रावण महिन्यात घरामध्ये वेगवेगळे गोड पदार्थ बनवले जातात. त्यामुळे कमीत कमी साहित्यात तुम्ही पांढरेशुभ्र खोबऱ्याचे लाडू बनवू शकता. हा पदार्थ झटपट तयार होतो आणि चव भारी लागते.

श्रावण महिन्यात येणाऱ्या प्रत्येक सोमवारी उपवास करून शंकराची मनोभावे पूजा केली जाते. पूजा करून महादेवाला नैवेद्य सुद्धा अर्पण केला जातो. याशिवाय घरात पूजापाठ आणि होमहवन सुद्धा केला जाते. श्रावण महिन्यात येणाऱ्या प्रत्येक सणांना विशेष महत्व आहे. त्यामुळे सणावारांचा गोडवा वाढवण्यासाठी घरात विविध पदार्थ बनवले जातात. म्हणूनच आज आम्ही तुम्हाला सोप्या पद्धतीमध्ये पांढरेशुभ्र खोबऱ्याचे लाडू बनवण्याची रेसिपी सांगणार आहोत. या पद्धतीने बनवलेले लाडू चवीसोबतच शरीरासाठी सुद्धा चांगले आहेत. लाडू बनवताना तासनतास दूध उकळवण्याची किंवा पदार्थाची भाजण्याची अजिबात आवश्यकता नाही. कमीत कमी वेळात आणि कमी साहित्यात खोबऱ्याचे लाडू झटपट तयार होतात. चला तर जाणून घेऊया खोबऱ्याचे लाडू बनवण्याची सोपी रेसिपी.(फोटो सौजन्य – istock)

भाजी काय बनवावं ते सुचत नाहीये? मग घरी बनवा झणझणीत राजस्थानी ‘डुमरी तडका चटणी’, एकदा खाल तर पदार्थाचे फॅन व्हाल

साहित्य:

• डेसिकेटेड कोकोनट
• दूध
• साखर
• वेलची पावडर
• तूप
• सुका मेवा
• केशर
• सुकलेल्या गुलाब पाकळ्या

Zero Oil Cooking: तेलाशिवाय स्वयंपाक करणे योग्य की अयोग्य? जाणून घ्या त्याचे फायदे आणि काही महत्त्वाच्या गोष्टी

कृती:

• पांढरेशुभ्र खोबऱ्याचे लाडू बनवण्यासाठी सर्वप्रथम, कढईमध्ये १ लिटर दूध गरम करण्यासाठी ठेवा. दूध मंद आचेवर ठेवून चमच्याने सतत मिक्स करत राहा.
• आटून घट्ट झालेल्या दुधात साखर आणि वेलची पावडर घालून व्यवस्थित मिक्स करा. साखर पूर्णपणे मिक्स झाल्यानंतर त्यात डेसिकेटेड कोकोनट घालून मिक्स करा.
• मिश्रणाचा घट्टसर गोळा तयार झाल्यानंतर त्यात तूप घालून पुन्हा एकदा व्यवस्थित मिक्स करा.
• तयार केलेले मिश्रण हलकेसे थंड झाल्यानंतर हातांना तूप लावून लाडू वळून घ्या आणि डेसिकेटेड कोकोनटमध्ये घोळवून घ्या.
• सजावटीसाठीस सुका मेवा, केशर आणि सुक्या गुलाबाच्या पाकळ्या टाकून सर्व्ह करा.
• तयार आहेत सोप्या पद्धतीमध्ये बनवलेले पांढरेशुभ्र खोबऱ्याचे लाडू.