Liver Disease मुळे अभिनेत्याच्या शरीराचा झाला सांगाडा, 44 व्या वर्षी निधन; तरुणपणीच यकृत सडल्यास शरीरात दिसतात ही लक्षणं

Liver Disease Symptoms : तामिळ अभिनेता अभिनय किंगर याचे निधन झाले असून बऱ्याच काळापासून तो यकृताच्या आजाराला झुंज देत असल्याची माहिती आली. हा आजार सातत्याने वाढत चालला असून वेळीच याची लक्षणे जाणून घेणे महत्त्वाचे ठरेल.

• अभिनय किंगर याचे 44 वर्षी निधन
• यकृताच्या गंभीर आजाराला देत होता झुंज
• यकृताच्या आजाराची लक्षणे आणि मुख्य कारणे जाणून घ्या

सोमवारी तामिळ अभिनेता अभिनय किंगर याचे निधन झाले आहे. अवघ्या 44 वर्षी त्याने जगाचा निरोप घेतला. माहितीनुसार, अभिनय हा अनेक वर्षांपासून यकृताच्या गंभीर आजाराला झुंज देत होता, त्याच्यावर बऱ्याच काळापासून उपचार सुरु असून मागील काही महिन्यात त्याची तब्येत फारच खालावली. त्याने आपल्या आजाराबद्दल उघडपणे सांगितले होते की, “मला माहित नाही की मी येथे किती काळ राहीन. डॉक्टरांनी सांगितले आहे की माझ्याकडे फक्त दीड वर्ष शिल्लक आहेत.” या आजारामुळे अभिनयचे बरेच वजन कमी झाले, त्याचे शरीर कमकुवत आणि कोमेजले होते. त्याचा आजार वाढत असताना त्याला आर्थिक अडचणींचा सामना करावा लागला, म्हणून त्याने त्यांच्या उपचारांसाठी लोकांना मदत करण्याचे आवाहन केले होते.

रात्री झोपण्याआधी दुधात मिक्स करून प्या ‘हा’ पौष्टीक पदार्थ, शांत झोप लागल्यासोबतच आठवडाभरात चेहऱ्यावर येईल चमकदार ग्लो

यकृत रोग म्हणजे काय?

यकृत हा आपल्या शरीरातील एक महत्त्वाचा अवयव आहे. तो रक्त शुद्ध करतो, पचनास मदत करतो, आवश्यक पोषक तत्वांचा साठा करतो आणि रोगप्रतिकारक शक्ती मजबूत करतो. यकृताच्या आजारामुळे यकृताचे कार्य योग्यरित्या थांबू शकते किंवा त्याची रचना खराब होऊ शकते. यकृताच्या आजारांमध्ये फॅटी लिव्हर , हिपॅटायटीस ए, बी, सी आणि ई, सिरोसिस, लिव्हर फायब्रोसिस, लिव्हर फेल्युअर, लिव्हर कॅन्सर आणि ऑटोइम्यून लिव्हर डिसीज यांचा समावेश होतो.

यकृताच्या आजाराची मुख्य कारणे

अति मद्यपान: जास्त आणि दीर्घकाळापर्यंत दारू पिणे हे यकृताच्या आजाराचे एक प्रमुख कारण आहे, ज्यामुळे फॅटी लिव्हर, अल्कोहोलिक हेपेटायटीस आणि सिरोसिस सारखे आजार होऊ शकतात.
विषाणू संसर्ग: हेपेटायटीस व्हायरस (ए, बी, सी) यकृताला संक्रमित करून जळजळ निर्माण करतात, ज्यामुळे यकृताचे कार्य बिघडते. हे विषाणू रक्त, वीर्य किंवा दूषित अन्न-पाण्याद्वारे पसरू शकतात.
लठ्ठपणा: वाढलेले वजन आणि लठ्ठपणा हे यकृतामध्ये चरबी जमा होण्याचे एक प्रमुख कारण आहे, ज्यामुळे यकृताचे नुकसान होऊ शकते.
मधुमेह: मधुमेह असलेल्या व्यक्तींमध्ये यकृताच्या आजारांचा धोका अधिक असतो.
औषधे: काही विशिष्ट औषधांचा (विशेषतः डॉक्टरांच्या सल्ल्याशिवाय घेतलेल्या) अतिवापर किंवा जास्त डोस यकृतासाठी हानिकारक ठरू शकतो.

यकृताच्या आजाराची लक्षणे

• थकवा आणि अशक्तपणा
• भूक न लागणे
• मळमळ आणि उलट्या
• पोटदुखी आणि सूज येणे
• कावीळ किंवा गडद रंगाची लघवी
• खाज सुटणे
• वजन कमी होणे
• पायांना सूज येणे

यकृताच्या आजाराचा धोका कोणाला जास्त असतो?

हाय कोलेस्ट्रॉल, डायबिटीज, लठ्ठ असलेली लोक आणि दररोज मद्यपान करणाऱ्या लोकांमध्ये यकृताच्या आजाराचा धोका सर्वाधिक असतो. तसेच डॉक्टरांच्या सल्ल्याशिवाय औषधे घेणाऱ्या, यकृताच्या आजाराचा कुटुंबातील इतिहास असलेल्या, विषारी रसायनांच्या संपर्कात येणाऱ्या, कमकुवत प्रतिकारशक्ती असलेल्या, खूप गोड किंवा तळलेले अन्न खाणाऱ्या आणि धूम्रपान करणाऱ्या लोकांमध्येही यकृताच्या आजाराचा धोका जास्त असतो.

बद्धकोष्ठतेमुळे पोट व्यवस्थित स्वच्छ होत नाही? उपाशी पोटी नियमित करा ‘या’ पदार्थांचे सेवन, आतड्यांमध्ये चिकटलेली घाण होईल साफ

यकृत रोग रोखण्याचे मार्ग

• यकृत निरोगी ठेवण्यासाठी काही हेल्दी गोष्टींचे तुम्हाला अनुकरण करावे लागेल
• वजन नियंत्रित ठेवा
• मद्यपानाचे सेवन कमी अथवा पूर्णपणे बंद करा
• फळे, भाज्या, संपूर्ण धान्य आणि निरोगी चरबीयुक्त आहाराचे सेवन करा
• डॉक्टरांच्या सल्ल्याशिवाय कोणतीही औषधे घेऊ नका
• स्वच्छतेची काळजी राखा
• जंक फूड आणि जास्त साखरेचे सेवन टाळा

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.