हिवाळ्याच्या थंडीत स्वर्गच रूप धारण करतात महाराष्ट्रातील हे 5 स्पॉट, कमी पैशात पूर्ण होईल हिवाळी ट्रिप

मुंबई आणि पुण्याच्या जवळ असलेले माथेरान हे पर्यावरणपूरक हिल स्टेशन आहे. इथे कोणत्याही वाहनांना परवानगी नाही, त्यामुळे शांततेचा अनुभव मिळतो. ट्रेन किंवा बसने सहज पोहोचता येते आणि राहण्यासाठी होमस्टे व लहान हॉटेल्स ५०० रुपयांपासून उपलब्ध आहेत.

भंडारदरा – निसर्गप्रेमींसाठी स्वर्ग

अहमदनगर जिल्ह्यातील भंडारदरा हे साह्याद्रीच्या कुशीत वसलेले शांत ठिकाण आहे. आर्थर लेक, रंधा फॉल्स आणि विल्सन धरण येथे पाहण्यासारखी ठिकाणे आहेत. थंडीत इथे कॅम्पिंगचा आनंद वेगळाच असतो. स्थानिक होमस्टे किंवा टेंटमध्ये कमी खर्चात राहता येते.

पाचगणी – धुक्याने वेढलेलं सौंदर्य

महाबळेश्वरजवळचं हे ठिकाण विशेषत: नोव्हेंबर ते जानेवारी दरम्यान अप्रतिम दिसते. स्ट्रॉबेरी फार्म्स, टेबल लँड आणि सूर्यास्ताचे दृश्य हे मुख्य आकर्षण. बसने सहज पोहोचता येते आणि बजेट रूम्स ६०० ते ८०० रुपयांमध्ये मिळतात.

लोणावळा – सर्वात जवळचं थंड हिल स्टेशन

पुणे-मुंबई मार्गावर असलेले लोणावळा वर्षभर लोकप्रिय असते, पण थंडीत इथल्या धुक्याने वेगळाच रोमँटिक माहोल तयार होतो. भुशी धरण, टायगर पॉईंट आणि कार्ला लेणी हे मुख्य आकर्षण. बस आणि लोकल ट्रेनने येण्याचा खर्चही खूप कमी आहे.

कमी पगारात फिरण्याची हौस पूर्ण करता येत नाही? 5000 रुपयांत फिरता येतात भारतातील ही ठिकाणे

इगतपुरी – ट्रेकिंग आणि निसर्गाचा संगम

नाशिकजवळ असलेले इगतपुरी हे ट्रेकिंगसाठी प्रसिद्ध आहे. थंडीत इथले धबधबे, किल्ले आणि हरित टेकड्या प्रवाशांना भुरळ घालतात. राहण्याची आणि खाण्याची सोय परवडणाऱ्या दरात होते. जर तुम्हाला थंडीत कमी खर्चात सुट्टी घालवायची असेल, तर ही पाच ठिकाणे सर्वोत्तम पर्याय आहेत. इथे निसर्ग, शांती आणि साहस या तिन्ही गोष्टींचा मिलाफ मिळतो. थंडीच्या वातावरणात गरम चहा हातात घेऊन निसर्गात वेळ घालवणे ही एक अविस्मरणीय अनुभूती ठरते.

संबंधित बातम्या