दैनंदिन आयुष्यातील ‘या’ सवयी लिव्हरचे आरोग्य बिघडवण्यासाठी ठरतात कारणीभूत, लिव्हरचे होऊ शकते नुकसान

‘या’ चुकीच्या सवयींमुळे बिघडते लिव्हरचे कार्य:

सतत दारूचे सेवन करणे:

अतिप्रमाणात दारूचे सेवन केल्यामुळे लिव्हरला सूज येण्याची शक्यता असते. याशिवाय लिव्हर खराब होऊन मृत्यू देखील होऊ शकतो. अल्कोहोल यकृताच्या पेशींना नुकसान पोहोचवते. ज्यामुळे फॅटी लिव्हर, लिव्हर सिरोसिस, लिव्हरचा कर्करोग इत्यादी गंभीर समस्या उद्भवू शकतात. त्यामुळे दारूचे अतिसेवन आरोग्यासाठी हानिकारक आहे. दारूचे सेवन केल्यामुळे लिव्हरची क्षमता कमी होऊन लिव्हरमध्ये विषारी पदार्थ तसेच साचून राहण्यास सुरुवात होते.

चुकीचा आहार:

लिव्हरसबंधित आजार होण्यामागे असलेले एकमेव कारण म्हणजे चुकीचा आहार. चुकीचा आणि शरीराला पचन न होणाऱ्या पदार्थांच्या सेवनामुळे आरोग्याला हानी पोहचण्याची शक्यता असते. सतत तळलेले, तेलकट, तिखट पदार्थ खाल्यामुळे शरीरात कोलेस्ट्रॉलची पातळी वाढू लागते. यासोबतच लिव्हरचे आरोग्य सुद्धा बिघडू लागते. जंक फूडमध्ये ट्रान्स फॅट आणि उच्च फ्रुक्टोज कॉर्न सिरप इत्यादी हानिकारक घटक आढळून येतात. त्यामुळे दैनंदिन आहारात कमीत कमी जंक फूडचे सेवन करावे.

धूम्रपान करणे:

काहींना सतत सिगारेट ओढण्याची सवय असते. नेहमी नेहमी सिगारेट ओढल्यामुळे फुफ्फुसांसोबतच लिव्हरचे कार्य सुद्धा बिघडून जाते. सिगारेटमध्ये असलेले हानिकारक घटक लिव्हरमध्ये तसेच साचून राहतात, ज्यामुळे फॅटी लिव्हर किंवा लिव्हरचा कर्करोग होण्याची जास्त शक्यता असते. सतत धूम्रपान करणाऱ्या व्यक्तींना लिव्हरसबंधित आजार लगेच होतात.

वारंवार तुम्हाला सुद्धा तोंड येतं? उद्भवू शकतात आरोग्यासंबंधित ‘या’ गंभीर समस्या, वेळीच घ्या डॉक्टरांचा सल्ला

पाण्याचे सेवन न करणे:

पाणी शरीराला हायड्रेट ठेवते. पण शरीरात पाण्याची कमतरता निर्माण झाल्यानंतर आरोग्याला हानी पोहचण्याची शक्यता असते. शरीरात पाण्याची कमतरता निर्माण झाल्यानंतर विषारी पदार्थ लिव्हरमध्ये तसेच साचून राहतात, ज्यामुळे आरोग्य बिघडते. लिव्हरमध्ये विषारी पदार्थ साचून राहिल्यामुळे लिव्हरच्या कार्यात बिघाड होतो.

टीप –  हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य बदलानुसार वापर करावा.

संबंधित बातम्या