यकृतासंबंधित आजार झाल्यानंतर शरीरात दिसून येतात ‘ही’ लक्षणे, घरगुती उपाय करून आरोग्याची घ्या काळजी

यकृताचे कार्य बिघडल्यानंतर शरीराला हानी पोहचण्याची शक्यता असते. यकृत खराब झाल्यानंतर शरीरात अनेक गंभीर लक्षणे दिसून येतात. त्यामुळे आज आम्ही तुम्हाला यकृताचे कार्य सुधारण्यासाठी घरगुती उपाय सांगणार आहोत.

निरोगी जीवन जगण्यासाठी शरीरातील सर्वच अवयवांचे कार्य निरोगी असणे आवश्यक आहे. शरीरातील एका अवयवांचे कार्य बिघडल्यानंतर संपूर्ण शरीराला हानी पोहचण्याची शक्यता असते. जंक फूडचे सेवन, आहारात सतत होणारे बदल, अपुरी झोप, पचनाच्या समस्या, पाण्याची कमतरता इत्यादी गोष्टींचा परिणाम शरीरावर लगेच दिसून येतो. त्यामुळे आरोग्याची योग्य काळजी घेणे आवश्यक आहे. यकृत शरीरातील सगळ्यात महत्वाचा अवयव आहे. यकृत शरीरातील शरीरातील घाण स्वच्छ करण्यासाठी मदत करते. याशिवाय संपूर्ण शरीर डिटॉक्स करण्यासाठी यकृत महत्वाचे आहे. पण यकृताचे कार्य बिघडल्यानंतर शरीरातील सर्वच अवयवनाचे कार्य बिघडून जाते. शरीर स्वच्छ करण्याच्या प्रक्रियेमध्ये अनेक अडथळे निर्माण होतात. (फोटो सौजन्य – iStock)

पाठीमध्ये सतत वेदना होतात? आतड्यांमधील कॅन्सरच्या गाठी शरीर काढतात पोखरून, ‘ही’ लक्षणे दिसताच वेळीच घ्या उपचार

यकृताचे करी बिघडल्यानंतर यकृत कमकुवत होते, याशिवाय भूक न लागणे, रोगप्रतिकारशक्ती कमकुवत होणे, उलट्या होणे, शरीरात सतत अशक्तपणा जाणवणे इत्यादी अनेक समस्या उद्भवू लागतात. याशिवाय यकृतामध्ये सिरोसिससारख्या गंभीर आजाराचा धोका वाढू शकतो. यकृतासंबंधित कोणतीही समस्या उद्भवू लागल्यानंतर शरीरात अनेक लक्षणे दिसू लागतात. त्यामुळे आज आम्ही तुम्हाला यकृताचे कार्य बिघडल्यानंतर शरीरात कोणती लक्षणे दिसतात? निरोगी यकृतासाठी कोणते घरगुती उपाय करावे? याबद्दल सविस्तर माहिती सांगणार आहोत. चला तर जाणून घेऊया.

यकृत खराब झाल्यानंतर शरीरात दिसून येणारी लक्षणे:

• त्वचा किंवा डोळे पिवळे होणे
• सतत थकवा
• पोटाचा ताण
• पोटाच्या वरच्या उजव्या भागात आणि उजव्या खांद्यात वेदना होणे
• डोळे किंवा त्वचा पिवळी पडणे
• वारंवार मळमळ होणे
• पचनक्रिया बिघडवणे
• लघवीचा रंग गडद होणे
• भूक न लागणे
• मळमळ किंवा उलट्या

निरोगी यकृतासाठी घरगुती उपाय:

आहारात बदल:

शरीरसंबंधित कोणत्याही समस्या उद्भवू लागल्यानंतर शरीरात सुरुवातीच्या दिवसांमध्ये दिसणाऱ्या लक्षणांकडे दुर्लक्ष केले जाते. मात्र असे न करता डॉक्टरांच्या सल्ल्याने योग्य ते औषध उपचार करावे. यकृत डिटॉक्स करण्यासाठी बीट, हळद, पालेभाज्या आणि लसूण इत्यादी भाज्यांचे सेवन करावे. खाण्यापिण्याच्या सवयींमध्ये बदल झाल्यानंतर शरीराला हानी पोहचते.

शरीर हायड्रेट ठेवणे:

सर्वच ऋतूंमध्ये शरीर हायड्रेट ठेवणे आवश्यक आहे. शरीरात पाण्याची कमतरता निर्माण झाल्यानंतर शरीराला हानी पोहचते. याशिवाय यकृताच्या प्रक्रियेमध्ये अनेक अडथळे निर्माण होतात. त्यामुळे नियमित भरपूर पाणी प्यावे. याशिवाय सकाळी उठल्यानंतर लिंबू पाणी किंवा शरीर डिटॉक्स करणाऱ्या पेयांचे सेवन करावे.

तणावमुक्त जीवन:

शरीरात वाढलेला मानसिक आरोग्यास हानी पोहचवतो. त्यामुळे तणावपूर्ण जीवन न जगता नेहमी आनंदी असणे आवश्यक आहे. वाढता तणाव शरीराच्या प्रत्येक कार्यावर परिणाम करतो. शरीरात वाढलेला तणाव कमी करण्यासाठी नियमित सकाळी उठून ध्यान, मेडिटेशन किंवा व्यायाम करणे आवश्यक आहे.

सर्पदंशावर उपचार: उन्हाळ्याच्या दिवसांमध्ये सर्पदंश झाल्यानंतर काय करावे आणि काय करू नये? जाणून घ्या सविस्तर माहिती

अल्कोहोलचे सेवन करणे टाळावे:

अतिप्रमाणात अल्कोहोलचे सेवन केल्यामुळे शरीराला हानी पोहचते. त्यामुळे कमीत कमी अल्कोहोलचे सेवन करावे. दारूचे नियमित सेवन केल्यामुळे लिव्हर खराब होणे किंवा लिव्हरमध्ये पाणी होणे इत्यादी अनेक समस्या उद्भवू लागतात.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.