तुम्हाला ग्रीन टी ची चव आवडत नसेल तर या गोष्टी मिसळा

वजन कमी करण्यासाठी सर्रास ग्रीन टी हा उत्तम पर्याय समजला जातो. अगदी डॉक्टरांचा किंवा तज्ञांचा सल्ला न घेता ग्रीन टी घेतला जातो. कधी अगदी सकाळी उपाशी पोटी ततर कधी दिवस संपवताना ग्रीन टी प्यायला जातो. ग्रीन टीची चव आजून कशी वाढवता येईल जाणून घेऊया.

जर तुम्हाला ग्रीन टी तुरटपणामुळे प्यायची नसेल तर या 3 गोष्टी त्यात घाला, ज्यामुळे चव तर वाढेलच पण ग्रीन टीचे फायदेही वाढतील आणि वजन कमी करणे सोपे होईल.

ग्रीन टीचे फायदे सर्वांनाच माहीत आहेत पण त्याच्या तुरट चवीमुळे बहुतेक लोक त्याकडे दुर्लक्ष करतात. जर तुम्हाला निरोगी राहण्यासाठी, विशेषतः तुमची चयापचय प्रणाली सुधारण्यासाठी ग्रीन टी प्यायची असेल, तर त्यामध्ये या 3 गोष्टी मिसळा आणि प्या. ग्रीन टी केवळ चव सुधारण्यास मदत करेल असे नाही तर ग्रीन टीचे आरोग्य फायदे दुप्पट करेल. बाजारात अनेक फ्लेवरचा ग्रीन टी उपलब्ध असला तरी नैसर्गिकरित्या बनवलेला ग्रीन टी आरोग्यासाठी अधिक फायदेशीर आहे. ग्रीन टीची चव चांगली होण्यासाठी कोणती गोष्ट जोडली जाईल ते जाणून घ्या.

हेदेखील वाचा- फ्रीजमध्ये या गोष्टी ठेवल्यास चवीत बदल होण्याची शक्यता

ग्रीन टीचा इतिहास

चायनामधील मूळ असलेल्या ग्रीन टीचा शोध सम्राट शेगॉन याच्या काळात लागला. 600-700च्या शतकामध्ये लु यु या लेखकाने टी क्लासिकल या नावाचं पुस्तक ग्रीन टी वर लिहून प्रसिद्ध केले. ग्रीन टी हे प्राचीन काळापासून असलेलं एक प्राचीन पेय आहे. 1191 मध्ये लेखक झेन पिस्ट इसाई यांनी किस्सा योजोकी किंवा दी बूक ऑफ टी या पुस्तकामध्ये ग्रीन टी आपल्या शरीरातील महत्त्वाच्या पाच अवयवांसाठी कसे फायदेशीर आहे ते लिहून ठेवले आहे.

ग्रीन टीमध्ये सफरचंद सायडर व्हिनेगर घाला

सफरचंद सायडर व्हिनेगरची चव थोडी आंबट गोड असते. जेव्हा हे ग्रीन टीमध्ये मिसळले जाते तेव्हाग्रीन टीमध्ये घातल्यास ते ग्रीन टीची तुरटपणा कमी करण्यास मदत करते. एक कप ग्रीन टीमध्ये एक चमचा सफरचंद सायडर व्हिनेगर घाला आणि प्या. हे फक्त चवच बदलत नाही तर वजन कमी करण्यासाठी याची मदत होते. खरं तर, बहुतेक लोक वजन कमी करण्यासाठी सफरचंद सायडर व्हिनेगर पितात.

हेदेखील वाचा- तिरुपती बालाजी मंदिरात केस दान का करतात? जाणून घ्या कथा

ग्रीन टीमध्ये घाला लिंबू

ग्रीन टीची चव वाढवण्यासाठी लिंबाचा रसाचा वापर भरपूर लोक करतात. याने चव वाढण्यासोबतच ते तब्येतीसाठी देखील फायदेशीर आहे. लिंबाचा रस ग्रीन टीच्या अॅटीऑक्सिडेंट्सला वाढवतात. ज्यामुळे इंफेक्शन होण्याचा धोका कमी असतो. सोबतच वजन कमी होण्यासदेखील मदत करतात.

ग्रीन टीमध्ये लाल द्राक्ष घाला

बाजारात लाल द्राक्ष उपलब्ध असतात. ग्रीन टी बनवताना एक द्राक्ष पाण्यामध्ये टाकून उकळवा आणि त्यात ग्रीन टी टाका. यामुळे द्राक्षांचा गोडवा आणि चव पाण्यातच विरघळणार नाही तर ग्रीन टीची तुरटपणाही कमी होईल. याशिवाय ग्रीन टी तब्येतीसाठी फायदेशीर आहे.