लिव्हरमध्ये साचलेला कचरा स्वच्छ करण्यासाठी स्वयंपाक घरातील ‘या’ पदार्थांचा करा आहारात समावेश, घाण होईल झटक्यात कमी

२०५ औषधांचे नमुने अयशवस्वी! खोकला- ताप, हृदयरोगाच्या असंख्य औषधांचा समावेश, चुकूनही खाऊ नका ‘या’ गोळ्या

लिव्हरच्या कार्यात अडथळे निर्माण झाल्यानंतर लिव्हरमधील घाण बाहेर पडून जाण्याऐवजी तशीच साचून राहते. ज्यामुळे फॅटी लिव्हर, लिव्हर कॅन्सर, सोरायसिस इत्यादी गंभीर आजार होऊन आरोग्य बिघडते. म्हणूनच आज आम्ही तुम्हाला लिव्हरमध्ये साचून राहिलेली घाण बाहेर काढून टाकण्यासाठी स्वयंपाक घरातील कोणत्या पदार्थांचा आहारात समावेश करावा, याबद्दल सविस्तर माहिती सांगणार आहोत. हे पदार्थ शरीर डिटॉक्स करून शरीरात साचून राहिलेली घाण बाहेर काढून टाकतील. लिव्हर खराब झाल्यानंतर वर्षभराने शरीरात अनेक गंभीर लक्षणे दिसू लागतात.

लिव्हर स्वच्छ करण्यासाठी ‘या’ पदार्थांचा आहारात करा समावेश:

हळद:

जेवणातील सर्वच पदार्थ बनवताना हळदीचा वापर केला जातो. हळदीमध्ये असलेले घटक शरीरातील घाण बाहेर काढतात. यासाठी सकाळी उठल्यानंतर उपाशी पोटी कोमट पाण्यात चिमूटभर हळद मिक्स करून प्यावी. महिनाभर हळदीचे पाणी प्यायल्यास लिव्हरमधील घाण बाहेर पडून जाईल आणि शरीर स्वच्छ होईल. हळदीमध्ये शक्तिशाली संयुग आणि अँटी-इन्फ्लेमेटरी गुणधर्म मोठ्या प्रमाणावर आढळून येतात. हळदीच्या पाण्याचे सेवन केल्यामुळे लिव्हरला आलेली सूज सुद्धा कमी होते.

लसूण:

लिव्हरमधील घाण स्वच्छ करण्यासाठी सकाळी उठल्यानंतर उपाशी पोटी कच्च्या लसूणच्या दोन पाकळ्या चावून खाव्यात. मधासोबत किंवा तुपात भाजलेल्या लसूण पाकळ्या चवीला सुंदर लागतात. लसूणमध्ये असलेले एन्झाईम्स लिव्हरमध्ये जमा झालेली घाण बाहेर काढून टाकतात आणि गंभीर आजारांपासून शरीराचा बचाव करतात.

जेवणासोबत फळे खाणे योग्य आहे का? जाणून घ्या आयुर्वेदानुसार कोणत्या वेळी फळांचे सेवन करावे, अन्यथा उद्भवतील आतड्यांसंबंधित आजार

बीट:

लोहयुक्त बीटचे सेवन केल्यामुळे शरीरात जमा झालेली घाण बाहेर पडून जाते. यासाठी सकाळी उठल्यानंतर एक ग्लास बीटचा रस प्यावा. यामुळे आतड्यांमध्ये जमा झालेली घाण बाहेर पडून जाईल आणि शरीर स्वच्छ होईल. रक्तभिसरण सुधारण्यासाठी बीटचा रस प्यायला जातो. बीटच्या रसात लिंबू मिक्स करून प्यायलास शरीर स्वच्छ होईल.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.