झणझणीत जेवणाचा बेत! पारंपरिक पद्धतीने घरी बनवा चमचमीत वांग्याचं भरीत; चव अशी की सर्वजण बोटंच चाटत राहतील

वांग अनेक पोषकतत्वांनी युक्त असत ज्यामुळे याचं सेवन आरोग्यासाठी फायद्याचं ठरतं. तुम्हाला जर वांग्याची भाजी खायला आवडत नसेल तर तुम्ही यापासून झणझणीत आणि सर्वांच्या आवडीचं वांग्याचं भरीत तयार करू शकता.

वांग ही भाजी अनेक वेगवगेळ्या प्रकारे बनवली जाऊ शकते मात्र काहींना याची चव फारशी आवडत नाही. वांग्यामध्ये अनेक पोषक घटक असतात जे आपल्या आरोग्यासाठी फायद्याचे ठरतात अशात याचे सेवन आपल्या आरोग्यासाठी फायद्याचे ठरू शकते आणि म्हणूनच आज आम्ही तुमच्यासाठी वांग्याची एक चविष्ट आणि पारंपरिक अशी रेसिपी घेऊन आलो आहोत जी तुम्ही एकदा चाखाल तर बोटंच चाटत राहाल.

चॉकलेट लव्हर्स… कधी Earthquake Cake खाल्ला आहे का? चवीने भरपूर घरीच करा तयार

वांग्याचं भरीत ही महाराष्ट्रातील पारंपरिक आणि लोकप्रिय भाजी आहे. विशेषतः ग्रामीण भागात ही भाजी खूप आवडीने खाल्ली जाते. भाजलेल्या वांग्यात कांदा, लसूण, मिरची, दही किंवा चिंच-गूळ घालून बनवलेले हे भरीत अतिशय चविष्ट लागते. हे भरीत गरम फुलक्यांसोबत किंवा बाजरीच्या भाकरीसोबत खाण्याची खास मजा आहे. वांग्याचं भरीत बनवण्यासाठी फारसे साहित्य लागत नाही आणि ते सहज उपलब्ध असते. चला तर मग पाहुया ही पारंपरिक रेसिपी.

साहित्य:

• जाडसर मोठं वांगं – १
• चिरलेला कांदा – १ मध्यम
• हिरव्या मिरच्या – २-३ (चिरून)
• ठेचलेली लसूण – ४-५ पाकळ्या
• कोथिंबीर – २ टेबलस्पून (बारीक चिरलेली)
• मीठ – चवीनुसार
• मोहरी – ½ टीस्पून
• हिंग – एक चिमूटभर
• हळद – ¼ टीस्पून
• तेल – १-२ टेबलस्पून

साध्या भाजीला द्या शाही ट्विस्ट! घरी बनवा रिच आणि स्वादिष्ट Egg Nawabi; लज्जतदार चवीने सर्वच होतील खुश

कृती:

• वांग्याचं भरीत बनवण्यासाठी सर्वप्रथम जाड मोठं वांग घ्या आणि त्याला छान धुवा
• यांनतर वांगं गॅसवर किंवा थेट चुलीवर भाजून घ्या. पूर्ण भाजल्यावर थंड होऊ द्या आणि मग साले काढून आतील गर मऊसूत करावा.
• भाजलेलं वांगं हाताने किंवा चमच्याने मॅश करा.
• कढईत तेल गरम करून त्यात मोहरी, हिंग आणि हळद घाला. मोहरी फुटल्यावर त्यात लसूण आणि हिरव्या मिरच्या घालून परतून घ्या.
• आता त्यात कांदा घालून तो थोडासा पारदर्शक होईपर्यंत परतावा.
• फोडणीमध्ये मॅश केलेलं वांगं घालून सगळं एकत्र परतून घ्या.
• चवीनुसार मीठ घालून सजवण्यासाठी कोथिंबीर टाका.
• वांगं व्यवस्थित भाजणं महत्त्वाचं आहे, त्यामुळे चव खास लागते.
• तुम्ही यात चिंच गूळ देखील वापरू शकता, यामुळे याची चव आणखीनच वाढेल
• गरम गरम वांग्याचं भरीत तयार आहे! ज्वारीच्या भाकरीसोबत याला खाण्यासाठी सर्व्ह करा