व्हेज फलाफल कधी ट्राय केलं आहे का? हेल्दी आणि टेस्टी या पदार्थाची रेसिपी जाणून घ्या

व्हेज फलाफल ही एक प्रकारची टिक्की आहे जी काबुली चण्यांपासून तयार केली जाते. पौष्टिकतेने भरलेल्या या पदार्थाला तुम्ही तुमच्या डाएटमध्येही सामील करू शकता. सकाळच्या नाश्त्यासाठी तुम्ही हा पदार्थ तयार करू शकता.

फालाफेल हा एक मध्‍यपूर्व आशियाई (Middle Eastern) पारंपरिक पदार्थ असून तो मुख्यतः चणाडाळीसारख्या हरभर्‍यापासून तयार केला जातो. फालाफल कुरकुरीत, मसालेदार आणि प्रोटीनयुक्त स्नॅक आहे. तो सहसा पिटा ब्रेडमध्ये सॅलड, हुमस किंवा दही सॉससह सर्व्ह केला जातो. भारतात वेज फालाफलला खूप पसंती मिळते आणि तो हेल्दी व स्वादिष्ट पर्याय मानला जातो.

चॉकलेटपेक्षा लागेल भारी चव! लालचुटुक लिचीपासून घरी बनवा आंबटगोड ‘लिची जेली’, नोट करून घ्या रेसिपी

तुम्ही जर पौष्टिक पण तितकाच टेस्टी असा पदार्थ शोधत असाल तर व्हेज फलाफल तुमच्यासाठी एक उत्तम पर्याय आहे. अनेक पोषकतत्वांनी भरपूर हा पदार्थ सकाळच्या किंवा संध्याकाळच्या नाश्त्यासाठी एक उत्तम पर्याय आहे. याची रेसिपीही फार सोपी असून तुम्ही फार निवडक साहित्यापासून त्याला तयार करू शकता. चला तर मग लगेच जाणून घेऊयात यासाठी लागणारे साहित्य आणि कृती.

साहित्य

• काबुली हरभरा (चणा) – १ कप (रात्रीभर भिजवलेला)
• कांदा – १ मध्यम, बारीक चिरलेला
• लसूण पाकळ्या – ४-५
• हिरव्या मिरच्या – १-२
• कोथिंबीर – ½ कप
• पुदिना – ¼ कप
• जीरे – १ टीस्पून
• धने पूड – १ टीस्पून
• लाल तिखट – ½ टीस्पून (ऐच्छिक)
• लिंबाचा रस – १ टेबलस्पून
• बेसन – १-२ टेबलस्पून (आवश्यकतेनुसार)
• मीठ – चवीनुसार
• तेल – तळण्यासाठी

यंदाच्या विकेंडला साऊथ इंडियन नाश्त्याचा बेत; घरी बनवा सॉफ्ट आणि मसालेदार Ghee Podi Idli; चवीनेच मन होईल खुश

कृती

• व्हेज फलाफल तयार करण्यासाठी सर्वप्रथम रात्री काबुली चणा किंवा हरभरा रात्रभर पाण्यात भिजवून ठेवा
• दुसऱ्या दिवशी पाणी न काढता मिक्सरमध्ये बारीक वाटून घ्या. खूप पातळ नको, थोडासा दरदरा वाटावा.
• या वाटणात चिरलेला कांदा, लसूण, मिरची, कोथिंबीर, पुदिना, जीरे, धनेपूड, लाल तिखट, लिंबाचा रस आणि मीठ घाला.
• सगळं मिश्रण एकत्र करा. थोडंसं घट्ट वाटत असेल तर त्यात बेसन घालून नीट मळा.
• या मिश्रणाचे छोटे छोटे गोळे किंवा टिक्कीसारखे आकार करून तयार ठेवा.
• एका कढईत तेल गरम करून फालाफेल मध्यम आचेवर कुरकुरीत होईपर्यंत तळून घ्या.
• तळून झाल्यावर पेपरवर काढा, जेणेकरून जास्तीचे तेल निघून जाईल.
• गरमागरम फालाफेल हुमस, पिटा ब्रेड, किंवा दही सॉससह सर्व्ह करा.
• हवे असल्यास या मिश्रणात किसलेली गाजरं किंवा बीट घालून रंगत वाढवू शकता.
• बेक करून किंवा एअर फ्राय करूनही हे फालाफेल अधिक हेल्दी बनवता येतात.
• ह्या स्वादिष्ट आणि पौष्टिक फालाफलचा आस्वाद घ्या आणि तुमच्या कुटुंबीयांनाही नक्की खाऊ घाला