Tomato Soup Recipe: कॉर्नफ्लोअरचा अजिबात वापर न करता सोप्या पद्धतीमध्ये बनवा गरमागरम टोमॅटो सूप, शरीर राहील फ्रेश

Tomato Soup Recipe: थंडीच्या दिवसांमध्ये विकतचे तेलकट पदार्थ खाण्याऐवजी गरमागरम टोमॅटो सूप प्यावे. यामुळे शरीराला सुद्धा फायदे होतात आणि आरोग्य सुधारण्यास मदत होते. चला तर जाणून घेऊया टोमॅटो सूप बनवण्याची रेसिपी.

Tomato Soup Recipe: राज्यासह संपूर्ण देशभरात सगळीकडे वातावरणात गारवा निर्माण झाला आहे. थंडीच्या दिवसांमध्ये शरीराची काळजी घेण्याचा सल्ला कायमच दिला जातो. कारण या दिवसांमध्ये थंड वातावरणामुळे आजार वाढतात आणि शरीराची रोगप्रतिकारशक्ती कमकुवत होऊन जाते आणि शरीरात थकवा जाणवू लागतो. त्यामुळे थंडीच्या दिवसांमध्ये आहारात वेगवेगळ्या उष्ण आणि शरीरात ऊबदारपणा टिकवून ठेवणाऱ्या पदार्थांचे सेवन करावे. थंड वातावरणात सगळ्यांचं काहींना काही गरमागरम खाण्याची इच्छा होते, अशावेळी टोमॅटो सूप किंवा इतर वेगवेगळ्या भाज्यांचे सूप बनवले जातात. पण हॉटेलमध्ये सूप बनवताना त्यात कॉर्नफ्लोअरचा वापर केला जातो. पण आज आम्ही तुम्हाला कॉर्नफ्लोअरचा अजिबात वापर न करता क्रिमी टोमॅटो सूप बनवण्याची सोपी रेसिपी सांगणार आहोत. या पद्धतीने बनवलेले सूप घरातील प्रत्येकाला खूप जास्त आवडेल आणि चव सुद्धा मस्त लागेल. चला तर जाणून घेऊया रेसिपी.(फोटो सौजन्य – istock)

Soup Recipe: हिवाळ्यात वाढलेले वजन नियंत्रणात ठेवण्यासाठी घरी बनवा गरमागरम हिरव्या मुगाचे सूप, शरीराला मिळेल भरपूर ऊर्जा

साहित्य:

• टोमॅटो
• कांदा
• गाजर
• बीट
• काळीमिरी
• मीठ
• तूप
• आलं
• लसूण
• कोथिंबीर काड्या
• ब्रेड स्लाईस

Rava Chilla: नाश्त्यात काहीतरी हेल्दी अन् टेस्टी हवंय? फक्त १५ मिनिटांत बनवा कुरकुरीत रव्याचा चिला; रेसिपी नोट करा

कृती:

• टोमॅटो सूप बनवण्यासाठी सर्वप्रथम, कुकरच्या भांड्यात बटर आणि तेल गरम करून त्यात बारीक चिरलेला लसूण, आले आणि कोथिंबिरीच्या काड्या घालून मंद आचेवर परतून घ्या.
• त्यानंतर त्यात कांदा आणि टोमॅटो घालून मिक्स करा. वरून चवीनुसार मीठ, काश्मिरी लाल तिखट आणि धने-जिरे पावडर, गाजर, बीटचे तुकडे घालून व्यवस्थित मिक्स करा.
• कांदा टोमॅटो शिजून मऊ झाल्यानंतर त्यात तमालपत्र, काळी मिरी आणि मोठ्या वेलचीचे दाणे घालून मिक्स करा. त्यानंतर त्यात दोन ते तीन कप पाणी घाला आणि कुकरच्या ५ ते ६ शिट्ट्या काढा.
• ब्रेड स्लाइसचे मध्यम आकारात तुकडे करून पॅनमध्ये तेल आणि बटर गरम करून त्यात भाजून घ्या. दोन्ही बाजूने कुरकुरीत भाजून झाल्यानंतर गॅस बंद करा आणि ब्रेड काढून घ्या.
• शिजवून घेतलेल्या मिश्रणातील खडा मसाला काढून सर्व साहित्य मॅशरच्या मदतीने बारीक करा किंवा मिक्सरच्या भांड्यात टाकून पेस्ट बनवून घ्या.
• आवश्यकता वाटल्यास सूपमध्ये पाणी आणि चवीनुसार मीठ, काळीमिरी पावडर घालून व्यवस्थित मिक्स करा.
• तयार आहे सोप्या पद्धतीमध्ये गरमागरम टोमॅटोचे सूप. भाजलेल्या ब्रेडच्या स्लाइससोबत टोमॅटो सूप अतिशय सुंदर लागेल.