Rava Chilla: नाश्त्यात काहीतरी हेल्दी अन् टेस्टी हवंय? फक्त १५ मिनिटांत बनवा कुरकुरीत रव्याचा चिला; रेसिपी नोट करा

Rava Chilla Easy Healthy Recipe: सकाळच्या नाश्त्याला रोज उपमा खाऊन कंटाळात, तर एकदा ही रवा चिल्याची सोपी आणि हेल्दी रेसिपी नक्की ट्राय करा.

• नाश्त्यासाठी हेल्दी पर्याय शोधताय?
• बनवा झटपट रव्याचा चीला
• रव्याचा चीला रेसिपी नोट करा

Rava Chilla Recipe: सकाळच्या धावपळीत नाश्त्यासाठी रोज काय बनवायचे, असा प्रश्न अनेक गृहिणींना पडतो. दररोजच्या नाश्त्याला पोहे, उपमा किंवा पराठे खाऊन कंटाळा आला असेल, तर यावेळी काहीतरी वेगळे आणि टेस्टी डिश ट्राय करा.कमी साहित्यामध्ये आणि अगदी कमी वेळेत तयार होणारा रव्याचा चिला हा नाश्त्याचा बेस्ट पर्याय आहे. विशेष बाब म्हणजे, हा चिला बनवण्यासाठी फारसे साहित्य लागत नाही. रव्यामध्ये दही आणि आवडीनुसार बारीक चिरलेल्या भाज्या घातल्यास त्याची चव अधिक छान लागते. यामध्ये भाज्यांचा समावेश केल्यामुळे हा नाश्ता अजून हेल्दी बनतो. हा पदार्थ लहान मुलांपासून मोठ्यांपर्यंत सर्वांनाच आवडेल. चला तर मग जाणून घेऊया रव्याचा चिला बनवण्याची सोपी रेसिपी.

Diabetes: वारंवार तहान, थकवा अन् भूक लागतेय! शरीरातील ‘या’ बदलांकडे दुर्लक्ष नको; असू शकतो मधुमेहाचा धोका

रव्याचा चिला बनवण्यासाठी लागणारे साहित्य

• १ कप बारीक रवा
• अर्धा कप दही
• अर्धा कप पाणी
• १ बारीक चिरलेला कांदा
• १ बारीक चिरलेली हिरवी मिरची
• अर्धी चिरलेली ढोबळी मिरची
• १ किसलेले गाजर
• कोथिंबीर
• चवीनुसार मीठ
• अर्धा चमचा जिरे
• आवश्यकतेनुसार तेल

रव्याचा चिला बनवण्याची कृती

सर्वप्रथम एका मोठ्या भांड्यात रवा आणि दही एकत्र मिक्स करून घ्या. यामध्ये थोडे पाणी घालून मध्यम घट्टसर पीठ तयार करा. यानंतर, हे मिश्रण साधारण १५ ते २० मिनिटे झाकून ठेवा, जेणेकरून रवा व्यवस्थित फुलेल. आता या मिश्रणात चिरलेला कांदा, हिरवी मिरची, ढोबळी मिरची, किसलेले गाजर, कोथिंबीर, जिरे आणि मीठ घाला आणि सर्व मिक्स करुन घ्या. यानंतर, आवश्यकतेनुसार थोडे पाणी घालून डोशाच्या पिठासारखा बॅटर तयार करा.

मिश्रण व्यवस्थित मिक्स करुन घेतल्यानंतर गॅसवर नॉनस्टिक तवा गरम चांगला गरम करा. यानंतर, त्यावर थोडे तेल लावा. नंतर थोडे पीठ ओतून डोशाच्या आकारात गोलाकार पसरवा. मध्यम आचेवर दोन्ही बाजूंनी सोनेरी आणि कुरकुरीत होईपर्यंत चिला भाजून घ्या.गरमागरम रव्याचा चिला हिरवी चटणी, टोमॅटो सॉस किंवा दह्यासोबत सर्व्ह करु शकता. सकाळच्या नाश्त्यासाठी किंवा संध्याकाळच्या हलक्या भुकेसाठी ही रेसिपी उत्तम आहे.

टिप्स

• चिला बनवण्यापूर्वी रवा १५ ते २० मिनिटे भिजवून ठेवा. त्यामुळे चिला चविष्ट होतो.
• पीठ खूप घट्ट किंवा पातळ करू नका. डोशाच्या पिठासारखी मिश्रण तयार करा.
• चिला मध्यम ते मंद आचेवर दोन्ही बाजूंनी सोनेरी आणि कुरकुरीत होईपर्यंत भाजून घ्या.

Stress Affects: रोजची चिंता, चिडचिड अन् निद्रानाश! सततच्या तणावामुळे फक्त मेंदूच नाही, तर संपूर्ण शरीरावर होतो परिणाम; जाणून घ्या