उन्हाळ्यात त्वचेवर वाढलेले टॅनिंग कमी करण्यासाठी कलिंगडच्या सालीचा ‘या’ पद्धतीने करा वापर, त्वचेमध्ये टिकून राहील ओलावा

उन्हामुळे चेहऱ्यावर वाढलेले टॅनिंग कमी करण्यासाठी कलिंगडच्या सालीचा वापर करावा. यामध्ये असलेले गुणधर्म त्वचा हायड्रेट ठेवून चेहऱ्यावर वाढलेले टॅनिंग कमी करण्यासाठी मदत करतात.

उन्हाळ्यात सतत येणाऱ्या घामामुळे त्वचा तेलकट आणि चिकट होऊन जाते. याशिवाय कुठेही बाहेर जाऊन आल्यानंतर त्वचेची गुणवत्ता काहीशी खराब होऊन जाते. याशिवाय चेहरा काळा पडणे, त्वचेवर मुरूम किंवा पिंपल्स येणे, त्वचा रखरखीत होणे इत्यादी अनेक समस्या उद्भवू लागतात. चेहरा काळा दिसू लागल्यानंतर बऱ्याचदा महिला बाजारात उपलब्ध असलेल्या वेगवेगळ्या ट्रीटमेंट करून घेतात. मात्र या ट्रीटमेंटचा ग्लो फार काळ चेहऱ्यावर टिकून राहत नाही. त्यामुळे त्वचेवर वाढलेले टॅनिंग कमी करण्यासाठी तुम्ही घरगुती पदार्थांचा वापर करू शकता. वाढत्या उन्हाळ्यात त्वचेची काळजी घेताना योग्य ते स्किन केअर रुटीन फॉलो करणे आवश्यक आहे.(फोटो सौजन्य – iStock)

उन्हाळ्यात डोळ्यांचे Infection वाढतोय झपाट्याने; सावधगिरी बाळगा! जाणून घ्या उपाय

कडक उन्हात बाहेर गेल्यानंतर त्वचेवर टॅनिंग वाढण्याची शक्यता असते. अशावेळी त्वचा थंड पाहिलं अशाच स्किन केअर प्रॉडक्टचा वापर करावा. म्हणूनच आज आम्ही तुम्हाला चेहऱ्यावर वाढलेले टॅनिंग कमी करण्यासाठी कलिंगडच्या सालीचा कशा प्रकारे वापर करावा, याबद्दल सविस्तर माहिती सांगणार आहोत. यामुळे तुमची त्वचा कायम हायड्रेट राहील, याशिवाय त्वचेमधील ओलावा कमी होणार नाही. बाजारात उपलब्ध असलेल्या महागड्या क्रीम वापरण्यापेक्षा घरगुती पदार्थांचा वापर करून त्वचेची योग्य काळजी घ्यावी.

कलिंगडच्या सालीचा फेसपॅक बनवण्याची कृती:

साहित्य:

• कलिंगडची साल
• गुलाब पाणी
• चंदन पावडर
• कोरफड जेल

कृती:

• कलिंगडच्या सालीचा फेसपॅक बनवण्यासाठी, सर्वप्रथम मिक्सरच्या भांड्यात कलिंगडाच्या सालीवर असलेला पांढरा गर आणि गुलाब पाणी टाकून बारीक पेस्ट तयार करा.
• तयार केलेली पेस्ट वाटीमध्ये काढून त्यात चंदन पावडर आणि कोरफड जेल टाकून मिक्स करून घ्या.
• मिक्स करून झाल्यानंतर त्यात केलेला फेसपॅक संपूर्ण चेहऱ्यावर लावून काहीवेळ तसाच ठेवा.
• त्यानंतर पाण्याने त्वचा स्वच्छ धुवून घ्या. हा उपाय आठवडाभर नियमित केल्यास त्वचा स्वच्छ होण्यास मदत होईल. याशिवाय चेहऱ्यावर वाढलेले टॅनिंग कमी होईल.

उन्हाळ्यात अंगाला सतत खाज येते? ‘हे’ घरगुती उपाय करून तात्काळ मिळवा आराम, घामोळं होईल गायब

कलिंगडचे शरीराला होणारे फायदे:

उन्हाळ्याच्या दिवसांमध्ये शरीर हायड्रेट आणि थंड ठेवण्यासाठी कलिंगडचे सेवन केले जाते. यामध्ये ९० टक्के पाणी आढळून येते. त्यामुळे उन्हाळा वाढल्यानंतर नियमित कलिंगड खावे. याशिवाय शरीरात निर्माण झालेली पाण्याची कमतरता भरून काढण्यासाठी कलिंगड खावे. याशिवाय कलिंगडच्या सालीमध्ये विटामिन ए, सी, बी६ आणि अँटी-ऑक्सिडंट्स इत्यादी अनेक घटक आढळून येतात. चेहऱ्यावर आलेली सूज आणि जळजळ कमी करण्यासाठी नियमित कलिंगड खावे.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.