झणझणीत पदार्थांची आवड आहे? मग घरी बनवा विदर्भ स्टाईल ‘पाटवडी रस्सा’; यापुढे चिकन रस्साही पडेल फिका

Patvadi Rassa Recipe : पाटवडी रस्सा हा विदर्भातील एक फेमस गावराण पदार्थ आहे ज्यात बेसनाच्या वड्या बनवून त्यांना झणझणीत रशासोबत खाल्ले जाते. याची चव भाकरीसोबत आणि गरमा गरमा भातासोबत अप्रतिम लागते.

• पाटवडी रस्सा हा विदर्भाचा फेमस पदार्थ आहे
• हा पदार्थ थोडा वेळखाऊ आहे पण याची चव फार अप्रतिम लागते

विदर्भ हा महाराष्ट्राचा तो भाग आहे जिथे मसालेदार आणि तिखट पदार्थांची चव वेगळीच असते. विदर्भातील जेवणात लाल तेलात तरंगणारे रस्से, खमंग मसाले आणि सुगंधी फोडणी हे खास वैशिष्ट्य असते. त्याचपैकी एक प्रसिद्ध आणि पारंपरिक पदार्थ म्हणजे पाटवडी रस्सा. आज आपण याचीच रेसिपी जाणून घेणार आहोत.

Breakfast Recipe: सकाळच्या नाश्त्यासाठी बनवा चविष्ट ज्वारीची उकड, लसूणच्या फोडणीतील पदार्थ आरोग्यासाठी ठरेल फायदेशीर

हा पदार्थ बेसनाच्या पाटवडी आणि मसालेदार रस्स्याचं अप्रतिम मिश्रण आहे. पाटवडी म्हणजे बेसनाचं पीठ वेगवेगळ्या मसाल्यांनी चविष्ट करून वाफवून तयार केलेले चौकोनी तुकडे. हे तुकडे नंतर लालसर रस्स्यात घातले की तयार होते “विदर्भ स्टाईल पाटवडी रस्सा”. हा तिखट, खमंग पदार्थभाताबरोबर किंवा भाकरीसोबत एकदम लज्जतदार लागतो. हा पदार्थ खासकरून नागपूर, अमरावती, अकोला भागात लोकप्रिय आहे. चला तर मग विदर्भाच्या या झणझणीत पदार्थाला घरी बनवण्यासाठी कोणकोणत्या पदार्थाची आवश्यकता लागते ते जाणून घेऊया.

साहित्य

पाटवडीसाठी:

• बेसन – १ कप
• हळद – ¼ टीस्पून
• लाल तिखट – १ टीस्पून
• मीठ – चवीनुसार
• लसूण-आलं पेस्ट – १ टीस्पून
• ओवा – ¼ टीस्पून
• पाणी – लागेल तसे
• तेल – थोडं (ताटाला लावण्यासाठी)

रस्स्यासाठी:

• कांदा – २ मध्यम (बारीक चिरलेला)
• टोमॅटो – १ (बारीक चिरलेला)
• लसूण पाकळ्या – ५-६
• आलं – १ इंच तुकडा
• कोथिंबीर – सजावटीसाठी
• लाल तिखट – २ टीस्पून
• धणे-जिरे पूड – १ टीस्पून
• गरम मसाला – ½ टीस्पून
• हळद – ¼ टीस्पून
• मीठ – चवीनुसार
• तेल – ४ टेबलस्पून
• पाणी – २ कप (किंवा आवश्यकतेनुसार)

पार्टी स्नॅक्ससाठी घरी बनवा हॉटेल स्टाईल मसाला पापड; कुरकुरीत मसालेदार चव जी सर्वांना करेल खुश

कृती

• यासाठी सर्वप्रथम एका भांड्यात बेसन, हळद, लाल तिखट, ओवा, मीठ आणि लसूण-आलं पेस्ट एकत्र करा.
• थोडं थोडं पाणी घालून घट्ट पण गुळगुळीत पीठ तयार करा.
• एका प्लेटला हलकं तेल लावा आणि हे पीठ त्यात समान पसरवा.
• प्लेट वाफवण्यासाठी ठेवून साधारण १०-१२ मिनिटे वाफवा.
• वाफवून झाल्यावर थंड झाल्यावर चौकोनी तुकडे कापा. तुमची पाटवडी तयार आहे.
• कढईत तेल गरम करा. त्यात चिरलेला कांदा घालून सोनेरी होईपर्यंत परतवा.
• नंतर लसूण आणि आलं घालून परता.
• त्यात टोमॅटो घालून मऊ होईपर्यंत शिजवा.
• आता त्यात लाल तिखट, हळद, धणे-जिरे पूड, गरम मसाला घालून छान परता.
• थोडं पाणी घालून हा मसाला घट्ट पेस्टसारखा होईपर्यंत शिजवा.
• तयार मसाल्यात उरलेलं पाणी घालून चांगलं हलवा.चवीनुसार मीठ घाला आणि ५ मिनिटे उकळू द्या.
• शेवटी तयार पाटवड्या या रस्स्यात घालून ५ मिनिटे मंद आचेवर शिजवा.
  वरून कोथिंबीर पसरवा.
• हा विदर्भ स्टाईल पाटवडी रस्सा गरमागरम भात, ज्वारीची भाकरी किंवा पोळी सोबत सर्व्ह करा. वरून थोडं
• लिंबू पिळल्यास चव अजूनच खुलते.
• तुम्हाला अधिक तिखट चव हवी असल्यास विदर्भातील *खास लाल मसाला (कोल्हापुरी मसाल्यासारखा) वापरा
• पाटवडी वाफवताना प्लेटला तेल नीट लावल्यास चिकटत नाही.