नखांवर पांढरे डाग कशामुळे येतात? विटामिनची कमतरता नसून आरोग्यासंबंधित असू शकतो ‘या’ गंभीर आजाराचा धोका

नखांवर आलेल्या पांढऱ्या डागांकडे दुर्लक्ष करता वेळीच डॉक्टरांच्या सल्ल्याने उपचार करावेत. नखांवर पांढरे चट्टे शरीरसंबंधित गंभीर आजारांचे संकेत आहेत. चला तर जाणून घेऊया सविस्तर.

नखांवर पांढरे चट्टे कशामुळे येतात?
नखांची काळजी कशी घ्यावी?
नखांच्या आरोग्यासाठी कोणते पदार्थ प्रभावी?

नखे अतिशय नाजूक असतात. त्यामुळे नखांची काळजी घेणे आवश्यक आहे. नख सुंदर दिसावी म्हणून अनेक वेगवेगळ्या ट्रीटमेंट केल्या जातात. कधी नेल्स एक्सटेंशन तर कधी जेल पॉलिश इत्यादी अनेक गोष्टी केल्या जातात. पण शरीरसंबंधित निर्माण झालेल्या आजारांची लक्षणे नखांवर सुद्धा दिसू लागतात. नखांवर पांढरा थर दिसणे, नखं सतत तुटणे, नखांची बाजूची त्वचा सहज निघून येणे इत्यादी अनेक लक्षणे दिसू लागतात. नखांवर दिसणारे पांढरे ठिपके काहीवेळा कॅल्शियमची कमतरता निर्माण झाली असेल, असे अनेकांना वाटते. पण कॅल्शियमची कमतरता नसून नखांना झालेली दुखापत, ॲलर्जी, बुरशीजन्य संसर्ग किंवा काही वेळा लिव्हर व किडनीच्या आजारांमुळे नखांचे आरोग्य बिघडून जाते. नखांवर पांढरे डाग कॅल्शियमच्या अभावामुळे नाहीतर लिव्हर आणि किडनीचे आजार झाल्यानंतर दिसून येणारी अतिशय गंभीर लक्षणे आहेत. त्यामुळे नखांसंबंधित दिसणाऱ्या लक्षणांकडे अजिबात दुर्लक्ष न करता योग्य ते उपचार करावेत.(फोटो सौजन्य – istock)

हाडांमध्ये वाढलेल्या सामान्य वेदना असू शकतात Bone Cancer चे संकेत, दुर्लक्ष केल्यास कोणत्याही क्षणी होईल मृत्यू

नखांची वाढ शरीरातील मेटाबॉलिझम क्रिया आणि रक्तभिसरणावर अवलंबून असते. ज्यावेळी नखांच्या मूळ भागाला इजा पोहचते किंवा शरीरात कोणत्याही जीवनसत्वाची कमतरता निर्माण होते, तेव्हा नखे पांढरी किंवा काळी पडू लागतात. नखांच्या पेशीमध्ये हवेचे बुडबुडे किंवा पांढरट प्रथिने जमा होऊन नखांमध्ये पांढरा थर दिसू लागतो. नखांमध्ये दिसून येणारा बदल शरीरातील गंभीर आजारांचे संकेत देतो. त्यामुळे अजिबात दुर्लक्ष करू नये.

नेलपॉलिश, रिमूव्हर किंवा नेल हार्डनरमधील हानिकारक रसायनामुळे नख पांढरी पडण्याची शक्यता असते. याशिवाय काहीवेळा नखांना बुरशीजन्य आजारांची लागण सुद्धा होते. तुमची नखं पूर्णपणे पांढरी झाली असतो तर लिव्हरसबंधित आजाराचे संकेत आहे. लिव्हर निकामी झाल्यानंतर किंवा ‘अल्ब्युमिन’ कमी झाल्यानंतर नखं पांढरी पडतात. नखांवर आलेले पांढरे चट्टे किडनीचे आजाराचे संकेत देतात. तर काहीवेळा नखांच्या कडा पांढऱ्या किंवा गुलाबी दिसतात, ते हृदयविकाराच्या झटक्याचे लक्षण असू शकते.

मासिक पाळीच्या रक्तामुळे कोणते आजार वाढतात? संसर्गापासून बचाव करण्यासाठी ‘या’ पद्धतीने घ्या शरीराची काळजी

नखांचे आरोग्य चांगले ठेवण्यासाठी उपाय:

दैनंदिन आहाराचा परिणाम नखांच्या आरोग्यावर लगेच दिसून येतो. त्यामुळे आहारात झिंक असलेल्या पदार्थांचे सेवन करावे. पालेभाज्या, सुका मेवा, फळे, कडधान्य, दूध, दही आणि विटामिन सी असलेल्या पदार्थांचे सेवन केल्यास शरीराला भरमसाट फायदे होतात. याशिवाय नखांच्या स्वच्छतेकडे लक्ष देणे सुद्धा तितकेच आवश्यक आहे. नेलपॉलिशचा अतिवापर करणे टाळावे. नखांवर मॉइश्चरायझर किंवा खोबऱ्याचे तेल लावावे. यामुळे नखांच्या आजूबाजूची त्वचा हायड्रेट राहते. नखांना कोणतीही दुखापत झाल्यास डॉक्टरांच्या सल्ल्याने उपचार करावेत.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.