Mumbai News: वायुप्रदूषणावरून सदस्य प्रचंड आक्रमक! नेमलेले भरारी पथक कुचकामी ठरत असल्याचा आरोप

Mumbai News: रस्त्यांची नियमित स्वच्छता, पाण्याचे फवारे मारणे तसेच उल्लंघनांवर नजर ठेवण्यासाठी भरारी पथकांची नियुक्ती केली आहे. परंतु, तरीही शहरातील हवेच्या गुणवत्तेत अपेक्षित सुधारणा का झाली नाही, असे अनेक प्रश्न सदस्यांनी उपस्थित केला.

Mumbai News: मुंबईतील बांधकामांच्या ठिकाणी बसवण्यात आलेल्या सेन्सर आधारित हवेच्या गुणवत्तेच्या मॉनिटर्सचे थर्ड पार्टी ऑडिट करण्यासाठी सादर करण्यात आलेल्या ११.२८ कोटी रुपयांच्या प्रस्तावाला बुधवारी महापालिकेच्या स्थायी समितीत मंजुरी देण्यात आली. मात्र, या मंजुरीदरम्यान शहरातील वायू प्रदूषण रोखण्यासाठी पालिका प्रशासनाने हाती घेतलेल्या उपाययोजनांवर सर्वपक्षीय नगरसेवकांनी तीव्र आक्षेप घेत प्रशासनाला चांगलेच धारेवर धरले. विशेषतः प्रदूषण नियमांचे उल्लंघन करणाऱ्यांवर कारवाई करण्यासाठी पालिकेने नेमलेली भरारी पथके पूर्णपणे कुचकामी ठरल्याचे बैठकीत उघड झाले. रस्त्यांची नियमित स्वच्छता, पाण्याचे फवारे मारणे तसेच उल्लंघनांवर नजर ठेवण्यासाठी भरारी पथकांची नियुक्ती केली आहे. परंतु, तरीही शहरातील हवेच्या गुणवत्तेत अपेक्षित सुधारणा का झाली नाही, असा सवाल सदस्यांनी उपस्थित केला.(फोटो सौजन्य – istock)

Mumbai News: मुंबईत प्रतिबंधात्मक आरोग्यसेवेचा विस्तार! ९ महिन्यांत १.८० लाख नागरिकांची तपासणी; मधुमेह, कर्करोगावर दिले विशेष लक्ष

प्रशासनाच्या कार्यपद्धतीवर केले गंभीर आरोप

या बैठकीत शिवसेनेचे नगरसेवक यशोधर फणसे यांनी प्रशासनाच्या कार्यपद्धतीवर गंभीर आरोप करत थर्ड पार्टी ऑडिटच्या वेळी प्रत्यक्ष तपासणीत मशिन्स बंद ठेवल्या जातात अथवा सर्व काही सामान्य आहे अशा पद्धतीने मशिन्स सेट केल्या जातात, असा धक्कादायक दावा केला.त्यामुळे या तपासणीच्या पारदर्शकतेवरच त्यांनी प्रश्नचिन्ह लावले. तर भाजपच्या नगरसेविका प्रीती सातम यांनी ही भरारी पथके प्रत्यक्षात काय कारवाई करत आहेत, याचा सविस्तर अहवाल सभागृहासमोर ठेवण्याची मागणी केली.

मुंबई शहर बनत आहे क्षयरोगाचे केंद्र

प्रदूषित हवेमुळे मुंबई शहर आता क्षयरोगाचे केंद्र बनत चालले असून गंभीर परिस्थिती ओढवल्यानंतर तब्बल दीड वर्षाने पालिकेला थर्ड पार्टी ऑडिटची जाग आली आहे, अशी टीका काँग्रेसचे गटनेते अशरफ आझमी यांनी केली. बांधकाम साईट्सवर नियमांची सर्रास पायमल्ली होत असल्याने पालिका यंत्रणेसोबत महाराष्ट्र प्रदूषण नियंत्रण महामंडळासारख्या नियामक संस्थेला प्रत्यक्ष मोहिमेत सहभागी करून घेणे गरजेचे असल्याचे अमेय घोले यांनी सुचवले.

Dombivli Crime News: ‘तुझा अजून संसार नाही झाला…’ म्हणून मृतदेह लपवला; पण मनाच्या भीतीने आरोपीला करावे लागले आत्मसमर्पण…

सेन्सर्सची संख्या टप्प्याटप्याने वाढवली

आरोपांवर खुलासा करताना अतिरिक्त आयुक्त अभिजीत बांगर यांनी सांगितले की, ‘शहरातील ३ हजारांहून अधिक बांधकाम स्थळांवर सेन्सर आधारित हवा गुणवत्ता तपासणी मॉनिटर्स कार्यान्वित करण्यात आले आहेत. २०२५ पासून अशा सेन्सर्सची संख्या टप्याटप्प्या

डिस्क्लेमर: हे नवराष्ट्र वृत्तपत्राचे स्वयंचलित न्यूज फीड आहे. ते navarashtra.com च्या कर्मचाऱ्यांनी संपादित केलेले नाही.