विना ओव्हन घरी बनवा मार्केटसारखा Cheesecake; फार सोपी आहे रेसिपी

चीजकेक ही सर्वांच्या आवडीची स्वीट डिश आहे. बाजारात हा चीज केक फार महाग मिळतो अशात तुम्हाला माहिती आहे का? प्रीमियम चवीचा हा केक तुम्ही घरीदेखील अगदी सहज आणि सोप्या पद्धतीने तयार करू शकता.

चीजकेक हा एक गोडाचा पदार्थ आहे, जो लहानांपासून मोठ्यांपर्यंत सर्वांच्या आवडीचा आहे. हे एक लोकप्रिय डेझर्ट आहे, जे जेवणानंतर खाल्ले जाते. याला चीज, दूध, चाॅकलेट आणि फुट्सपासून तयार केले जाते. हा एक पाश्च्यात्य पदार्थ आहे मात्र देशाच्या कानाकोपऱ्यात याला आवडीने खाल्ले जाते. याच्या प्रीमीयम चवीमुळे हा पदार्थ फार महाग मिळतो. मात्र आज आम्ही तुम्हाला चीज केकची एक सोपी आणि सहज रेसिपी सांगत आहोत ज्याच्या मदतीने तुम्ही हा पदार्थ घरीच स्वस्तात तयार करु शकता. मुख्य म्हणजे यासाठी तुम्हाला ओव्हनचीही गरज भासणार आहे. ओव्हनशिवाय तुम्ही घरीच मार्केटसारखा चीजकेक तयार करु शकता. चला तर मग त्वरीत यासाठी लागणारे साहित्य आणि कृती नोट करुयात.

जेवणाला येईल खमंग चव! मराठवाडी पद्धतीमध्ये झटपट बनवा खोबरं- लसूण चटणी, नोट करून घ्या रेसिपी

साहित्य

• २०० ग्रॅम डायजेस्टिव्ह बिस्किटे (किंवा तुमच्या आवडीचे कोणतेही क्रॅकर बिस्किटे)
• १०० ग्रॅम वितळलेले लोणी
• ५०० ग्रॅम क्रीम चीज (खोलीच्या तपमानावर)
• ४०० ग्रॅम कंडेन्स्ड मिल्क
• १ लिंबाचा रस
• १ टीस्पून व्हॅनिला एसेन्स
• फळांचा जाम किंवा प्रिझर्व्हज (जसे की स्ट्रॉबेरी, ब्लूबेरी)
• ताजी फळे (जसे की स्ट्रॉबेरी, रास्पबेरी, किवी)
• चॉकलेट सॉस
• किसलेले चॉकलेट

मुंबईचा फेमस उलटा वडा पाव घरी कसा बनवायचा? भन्नाट रेसिपी नोट करा

कृती

• यासाठी सर्वप्रथम डायजेस्टिव्ह अथवा तुमच्या आवडीचे बिस्कीटे मिक्सरमध्ये बारीक वाटून घ्या
• वाटलेली बिस्कीटे एका भांड्यात काढा आणि मग यात वितळलेले लोणी घाला आणि मग चांगले मिसळा
• यानंतर एक गोल बेकिंग टिन (सुमारे ७-८ इंच) घ्या आणि याच्या तळाशी बटर पेपर लावा
• आता बिस्कीटाचे मिश्रण टिनमध्ये ओता, चांगले एकसमान थर तयार करा आणि किमान ३० मिनिटे फ्रिजमध्ये सेट होऊ द्या
• आता एका मोठ्या भांड्यात क्रीम चीज घाला आणि फेटून घ्या, हे चांगले गुळगुळीत आणि मलाईदार होईपर्यंत फेटून घ्या
• यात कोणत्याही गुठळ्या राहणार नाहीत याची काळजी घ्या
• आता त्यात कंडेन्स्ड मिल्क घाला आणि हळूहळू मिसळत रहा
• नंतर यात लिंबाचा रस आणि व्हॅनिला एसेन्स घाला आणि चांगले मिसळा
• रेफ्रिजरेटरमधून बिस्कीट बेस काढा आणि त्यावर तयार केलेले क्रीम चीज फिलिंग काळजीपूर्वक ओता,
• चमच्याच्या मदतीने याला एकसमान पसरवा
• आता हा चीजकेक झाकून रेफ्रीजरेटरमध्ये किमान ४-६ तास किंवा रात्रभर सेट होण्यासाठी ठेवून द्या
• चीजकेक चांगला सेट झाल्यानंतर त्याला रेफ्रीजरेटरमधून बाहेर काढा आणि तुमच्या आवडीच्या टाॅपिंग्जने याला
• छान सजवा, तुम्ही यावर फ्रुट जॅम, ताजी फळे, चाॅकलेट साॅस, चेरीज अथवा किसलेल्या चाॅकलेटने याला सजवू शकता
• सर्व स्टेप्स करुन झाल्या की मग तयार थंडगार चीजकेक खाण्यासाठी सर्व्ह करा