मुंबईचा फेमस उलटा वडा पाव घरी कसा बनवायचा? भन्नाट रेसिपी नोट करा

वडा पावला अनोखी ट्विस्ट देऊन तयार करण्यात आलेला उलटा वडा पाव मुंबईतील एक फेमस स्ट्रीट फूड आहे. पावाच्या आतील बटाट्याचे स्टफिंग आणि बाहेरील कुरकुरीत बेसनाचे आवरण या पदार्थाला आणखीन

(फोटो सौजन्य: Vecteezy)

Follow Us:

Follow Us:

वडा पाव हा मुंबईचा अत्यंत लोकप्रिय स्ट्रीट फूड आहे. पण सध्या “अल्टा वडा पाव” (Ulta Vada Pav) हे वडा पावचे नाविन्यपूर्ण व्हर्जन आहे जे लोकांमध्ये फार लोकप्रिय होत आहे. यात पावाच्या आत भाजी भरली जाते आणि नंतर याला चटणीसह खाण्यासाठी सर्व्ह केला जाते. पदार्थाला देण्यात आलेल्या अनोख्या ट्विस्टमुळे हा पदार्थ खवय्यांना खूपच आवडतो.

Mango Mastani Recipe: नेहमीचा आमरस विसरा, यंदा आंब्यापासून घरी बनवा थंडगार ‘मँगो मस्तानी’

उल्टा वडा पाव हे महाराष्ट्रातील एक लोकप्रिय स्ट्रीट फूड आहे. लहानांपासून मोठ्यांपर्यंत हा पदार्थ सर्वांनाच खायला फार आवडतो. तुम्ही हा पदार्थ घरीच अगदी सहज आणि सोप्या पद्धतीने तयार करू शकता. सकाळच्या किंवा संध्याकाळच्या नाश्त्यासाठी हा पदार्थ तुमच्यासाठी एक उत्तम पर्याय आहे. चला तर मग त्वरित जाणून घेऊया यासाठी लागणारे साहित्य आणि कृती.

साहित्य

• बटाटे – ३ मध्यम आकाराचे (सालं काढून, उकडून, चुरडून)
• आले-लसूण पेस्ट – १ चमचा
• हिरव्या मिरच्या – २ (बारीक चिरून)
• हळद – ¼ टीस्पून
• मोहरी – ½ टीस्पून
• कढीपत्ता– ७-८ पाने
• कोथिंबीर – २ चमचे (बारीक चिरलेली)
• मीठ – चवीनुसार
• तेल – २ चमचे (फोडणीसाठी)

• बेसन – १ कप
• हळद – ¼ टीस्पून
• ओवा – ¼ टीस्पून (ऐच्छिक)
• मीठ – चवीनुसार
• पाणी – आवश्यकतेनुसार (सैलसर पीठ भिजवण्यासाठी)

• पाव – ३ ते ४ (स्लाईस करून चौकोनी तुकडे करा)
• तेल – तळण्यासाठी
• लसूण चटणी / सुकट चटणी – सर्व्ह करताना

कृती

• उलट वडा पाव तयार करण्यासाठी सर्वप्रथम गॅसवर एक कढई ठेवून त्यात तेल टाका
• यानंतर यात मोहरी, कढीपत्ता आणि आले लसूण पेस्ट आणि मिरचीची पेस्ट घालून चांगली फोडणी द्या
• १०-१५ सेकंद परतून त्यात हळद व मीठ टाका
• त्यानंतर यात उकडलेले बटाटे मॅश करून घाला आणि चांगले मिक्स करा
• मग यात चिरलेली कोथिंबीर टाकून मिक्स करा आणि गॅस बंद करून मिश्रण थंड करून घ्या
• तयार मिश्रणाचे मिश्रणाचे छोटे गोळे बनवा
• आता एक पाव घ्या आणि पावाच्या आत हे तयार मिश्रण भरा
• दुसरीकडे एका वाडग्यात बेसन, हळद, मीठ, ओवा एकत्र करून त्यात पाणी घालून सैलसर पीठ तयार करा
• मिश्रण भरलेले पाव तयार बेसनाच्या द्रावणात बुडवा आणि तेलात सोडा
• दोन्ही बाजूंनी याला चांगले तळून घ्या
• तयार उलटा वडा पाव एक प्लेटमध्ये काढा आणि आवडीच्या चटणीसह खण्यसाठी सर्व्ह करा

Web Title: How to make mumbais famous ulta vada pav at home note down the recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com