Workout Rule: रिकाम्या पोटी वर्कआऊट करणं योग्य की अयोग्य?

Workout Rule: व्यायाम हा दैनंदिन जीवनाचा भाग आहे. पण अनेकांना रिकाम्या पोटी वर्कआऊट करणं योग्य वाटतं. पण प्रश्न असा आहे की, हे योग्य आहे की अयोग्य? काय सांगतात तज्ज्ञ?

• तुम्ही सकाळी वर्कआऊट कशा पद्धतीने करता 

• रिकाम्या पोटी वर्कआऊट करणं योग्य की अयोग्य 

• काय सांगतात तज्ज्ञ 

आजकाल, Fit राहण्यासाठी नियमित व्यायाम हा अनेक लोकांच्या दैनंदिन जीवनाचा एक भाग बनलाय. काही लोक झोपून उठल्यावर लगेच व्यायाम करणे पसंत करतात, तर काही जण व्यायामापूर्वी हलका आहार घेणे आवश्यक मानतात. यामुळे अनेकदा व्यायाम करण्याची योग्य पद्धत कोणती, हा प्रश्न उपस्थित होतो. पण तुम्हाला माहीत आहे का? याचं उत्तर प्रत्येक व्यक्तीसाठी सारखे असू शकत नाही. आज आपण रिकाम्या पोटी व्यायाम करण्याची योग्यता, त्याचे संभाव्य दुष्परिणाम आणि व्यायाम करण्यापूर्वी कोणती खबरदारी घ्यावी, याबद्दल जाणून घेऊया. काय आहे Workout Rule?

मेंदूची ताकद वाढवण्यासाठी नियमित करा ‘हे’ व्यायाम प्रकार! शरीरासह मन राहील कायम आनंदी आणि फ्रेश

काय सांगतो अभ्यास 

अमेरिकन कॉलेज ऑफ स्पोर्ट्स मेडिसिनच्या मार्गदर्शक तत्त्वांनुसार, प्रत्येक माणसासाठी हे वेगळे आहे, कारण ते त्यांच्या आरोग्याच्या स्थितीवर, फिटनेसच्या ध्येयांवर आणि करत असलेल्या व्यायामाच्या प्रकारावर अवलंबून असते. म्हणूनच व्यायामापूर्वीच्या आहाराबद्दल आपल्याला अनेकदा वेगवेगळी मतं ऐकायला मिळतात. शिवाय, प्रत्येक व्यक्तीच्या गरजा वेगवेगळ्या असतात, त्यामुळे एकच नियम सर्वांना लागू करता येत नाही.  दीर्घकाळ चालणाऱ्या किंवा तीव्र व्यायामापूर्वी शरीराला पुरेशा ऊर्जेची आवश्यकता असू शकते. काही लोक काहीही न खाता हलका शारीरिक व्यायाम करू शकतात.

योग्य पोषण महत्त्वाचं 

ACSM नुसार, व्यायामाइतकेच योग्य पोषणही महत्त्वाचे आहे. त्यामुळे, व्यायामाचे नियोजन करताना आहारासंबंधी बाबींचा विचार केला पाहिजे. जर एखाद्या व्यक्तीला मधुमेह, रक्तातील साखरेची कमी पातळी किंवा इतर आरोग्य समस्या असतील, तर व्यायाम सुरू करण्यापूर्वी डॉक्टर किंवा तज्ज्ञांचा सल्ला घेणे उत्तम ठरते 

रिकाम्या पोटी व्यायाम केल्याने काही लोकांना ऊर्जेची कमतरता जाणवू शकते. यामुळे थकवा, अशक्तपणा, चक्कर येणे, कार्यक्षमतेत घट किंवा लक्ष केंद्रित करण्यात अडचण यांसारख्या समस्या उद्भवू शकतात. काही लोकांना हेव्ही व्यायामादरम्यान रक्तातील साखरेची पातळी कमी होण्याचा अनुभव येऊ शकतो, पण हे प्रत्येकाच्या बाबतीत खरे असेलच असे नाही. व्यायामादरम्यान तुम्हाला अस्वस्थ वाटल्यास, ताबडतोब थांबा आणि आवश्यक असल्यास डॉक्टरांचा सल्ला घ्या.

Weight Loss Tips: व्यायाम करुनही वजन कमी होत नाहीये? मग ‘या’ सामान्य चुका टाळा

व्यायामापूर्वी लक्षात ठेवायच्या गोष्टी 

व्यायामापूर्वी आवश्यकतेनुसार केळी, ओट्स, दही, फळे किंवा संपूर्ण धान्याचे पदार्थ यांसारखे हलके आणि सहज पचणारे जेवण किंवा नाश्ता घेतला जाऊ शकतो. शरीरातील पाण्याची कमतरता टाळण्यासाठी भरपूर पाणी पिणे देखील आवश्यक आहे. याशिवाय जड जेवणानंतर लगेच व्यायाम करणे टाळा. जर तुम्ही पहिल्यांदाच नवीन फिटनेस दिनचर्या सुरू करत असाल किंवा तुम्हाला काही वैद्यकीय समस्या असेल, तर आधी डॉक्टर किंवा फिटनेस तज्ज्ञांचा सल्ला घ्या आणि मगच व्यायाम करा