कोणत्याही क्षणी बंद पडेल हृदयाची धडधड! रोजच्या आहारातून आजच गायब करा ‘हे’ चविष्ट पदार्थ, हृदय राहील मजबूत

तरुण वयात हार्ट अटॅक येण्याचे प्रमाण वाढले आहे. हार्ट अटॅक येण्याच्या काही दिवस आधी शरीरात विविध लक्षणे दिसून येतात. मात्र या लक्षणांकडे दुर्लक्ष केले जाते. चला तर जाणून घेऊया सविस्तर.

हार्ट अटॅक येण्याची कारणे?
हृदयाचे आरोग्यासाठी गुणकारी पदार्थ?
कोणते पदार्थ हृदयाच्या आरोग्याला हानी पोहचवतात?

निरोगी आणि कायमच उत्साही राहाण्यासाठी शरीरातील सर्वच अवयव सक्रिय असणे फार आवश्यक आहे. त्यातील सगळ्यात महत्वाचा अवयव म्हणजे हृदय. हृदयाची धडधड कायमच सुरु राहणे फार गरजेचे आहे. हृदय निरोगी राहावे म्हणून व्यायाम, पौष्टिक आहार आणि झोपेच्या सवयींमध्ये बदल केला जातो. पण या गोष्टीसाठी हृदयासाठी पुरेशा ठरत नाहीत. दैनंदिन जीवनात केलेल्या छोट्या मोठ्या चुका कळत नकळत हृदयाच्या आरोग्यावर परिणाम करतात. भारतासह जगभरातील सर्वच देशांमध्ये हार्ट अटॅक येऊन मृत्यू होण्याच्या संख्येत झपाट्याने वाढ होत आहे. हार्ट अटॅक येण्याच्या दोन ते तीन महिने आधीपासून शरीरात वेगवेगळी लक्षणे दिसू लागतात. पण या लक्षणांकडे कायमच दुर्लक्ष केले जाते. वारंवार दुर्लक्ष केल्यामुळे कोणत्याही क्षणी हार्ट अटॅक येऊन मृत्यू होण्याची शक्यता जास्त असते.(फोटो सौजन्य – istock)

रात्रीच्या जेवणानंतर चुकूनही करू नका ‘या’ पदार्थांचे सेवन, अन्यथा झोप आणि पचनक्रियेवर होईल गंभीर परिणाम

आरोग्य तज्ज्ञांच्या मते, जीवनशैलीत होणारे छोटे मोठे बदल आरोग्यासाठी अतिशय घातक ठरतात. याशिवाय तासनतास एका जागेवर बसून राहणे, झोपेची कमतरता, जंक फूडचे अतिसेवन, जेवणाच्या चुकीच्या वेळा इत्यादी अनेक गोष्टींचा परिणाम आरोग्यावर लगेच दिसून येतो. हृदय निरोगी ठेवण्यासाठी जीवनशैलीत बदल करणे फार आवश्यक आहे. चला तर जाणून घेऊया हृदयाचे आरोग्य बिघाडण्यास कारणीभूत ठरणारे पदार्थ कोणते? याबद्दल सविस्तर माहिती.

धुम्रपानामुळे वाढतो हार्ट अटॅकचा धोका:

हल्ली तरुण वयातील मुलामुलींपासून ते अगदी वयस्कर लोकांपर्यंत सगळ्यांचं सिगारेट पिण्याची सवय असते. दिवसभरात ४ ते ५ सिगारेट पिणाऱ्या व्यक्तीचे शरीर हळूहळू कमजोर होऊन जाते. सिगारेटचा धूर रक्तवाहिन्यांना हानी पोहचवतो. याशिवाय हृदयाच्या धमन्यांमध्ये प्लेक जमा होण्यास चालना देतो. याशिवाय निकोटीनमुळे हृदयाचे ठोके आणि रक्तदाब वाढून रक्तवाहिन्या आकुंचित होतात. वारंवार सिगारेट प्यायल्यामुळे रक्ताच्या गुठळ्या होतात.

प्रक्रिया केलेले मांस:

अनेकांना सॉसेज, बेकन, सलामी, हॉट डॉग यांसारखे प्रक्रिया केलेले मांस खाण्याची सवय असते. पण या पदार्थांमध्ये सोडियम आणि सॅच्युरेटेड फॅटचे प्रमाण जास्त असते. लाल मांस खाल्ल्यामुळे खराब कोलेस्ट्रॉलची पातळी झपाट्याने वाढते. याशिवाय उच्च रक्तदाब, कार्डियो मेटॅबॉलिक जोखीम वाढून हृदयाच्या आरोग्यावर परिणाम होतो. त्यामुळे आहारात अजिबात लाल मांसाचे सेवन करू नये.

जखम झाल्यानंतर हळद लावणे आहे कितपत योग्य? ‘या’ चुका केल्यास उद्भवू शकतो त्वचेसंबंधित इन्फेक्शनचा गंभीर धोका

हार्ट अटॅक येण्याआधी दिसून येणारी लक्षणे:

छातीमध्ये वेदना.
थंड घाम येणे.
छातीच्या मधोमध किंवा डाव्या बाजूला दाब आल्यासारखे वाटणे.
छातीत जळजळ किंवा तीव्र जडपणा जाणवणे.
पाठ, मान, दात किंवा जबड्यात अस्वस्थता जाणवणे.
अचानक चक्कर किंवा डोकं हलकं झाल्यासारखं वाटणे.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.