तब्बल २४ लाख रुपये किंमतीचे हरविलेले १९५ मोबाईल मुळ मालकांना परत, सायबर पोलिसांची उल्लेखनीय कामगिरी

मोबाईल परत करण्याचा कार्यक्रम पोलीस आयुक्तलाच्या सभागृहात बुधवारी पार पडला. यावेळी पोलीस आयुक्त डॉ. आरती सिंह, पोलीस उपआयुक्त (मुख्यालय) प्रशांत राजे यांच्या हस्ते मुळ मालकांना मोबाईलचे वितरण करण्यात आले. यावेळी सायबर सेलच्या पोलीस निरीक्षक सीमा दाताळकर, सहायक पोलीस निरीक्षक रविंद्र सहारे यांचीही उपस्थिती होती.

अमरावती : पोलीस आयुक्तालय (Police Commissionerate) हद्दीतील विविध पोलीस ठाण्यात दाखल असलेल्या मोबाईल हरविलेल्या तक्रारीची सायबर पोलिसांनी (Cyber police) माहिती घेवून तांत्रिकदृष्ट्या बारकाईने तपास करून २३ लाख ७९ हजार रुपये किंमतीचे १९५ मोबाईल शोधून बुधवारी पोलीस आयुक्त डॉ. आरती सिंह ( Police Commissioner Dr. Aarti Singh) यांच्या उपस्थितीत मुळ मालकांना मोबाईल परत केले. त्यामुळे पोलिसांनी मोबाईल ( Mobile) शोधून दिल्यामुळे नागरिकांच्या चेहऱ्यावर हास्य फुलले होते. त्यांनी यावेळी पोलिस आयुक्तांचे आभार मानले.

मोबाईल परत करण्याचा कार्यक्रम पोलीस आयुक्तलाच्या सभागृहात बुधवारी पार पडला. यावेळी पोलीस आयुक्त डॉ. आरती सिंह, पोलीस उपआयुक्त (मुख्यालय) प्रशांत राजे यांच्या हस्ते मुळ मालकांना मोबाईलचे वितरण करण्यात आले. यावेळी सायबर सेलच्या पोलीस निरीक्षक सीमा दाताळकर, सहायक पोलीस निरीक्षक रविंद्र सहारे यांचीही उपस्थिती होती. सायबर गुन्हे, सोशल मिडीयाचा सुरक्षीत वापर या विषयावर एपीआय रविंद्र सहारे यांनी मार्गदर्शन केले.

मोबाईल मिसींगबाबत तक्रारी प्राप्त होताच सायबर पोलिसांनी पोलीस अंमलदार संजय धंदर, पोलीस हवालदार जगदीश पाली, पंकज गाडे, मयूर बोरेकर यांनी संबंधित मोबाईल बाबत सखोल माहिती प्राप्त करून बारकाईने तपास करून मोबाईल शोधून काढले. यावेळी सायबर क्राईम कसा वाढतो आहे व सोशल मिडीयाचा सुरक्षीत वापर कसा करावा या संदर्भात मार्गदर्शन करण्यात आले.