मुंबई : मालाडजवळच्या मढ-मार्वेमधील ४९ अनधिकृत स्टुडिओ पाडण्याचे काम सुरु झाले आहे, अशी माहिती भाजप नेते किरीट सोमय्या (Kirit Somaiya) यांनी ट्वीट केली आहे. यातून त्यांनी माजी पर्यावरण मंत्री आदित्य ठाकरे (Aaditya Thackeray) आणि कॅबिनेट मंत्री अस्लम शेख (Aslam Shaikh) यांच्यावर निशाणा साधला आहे. आज सकाळी मिलेनियर सिटी स्टुडिओ पाडण्याचे काम सुरु झाले आहे, असे त्यांनी म्हटले आहे.
आदित्य ठाकरे, अस्लम शेख यांच्या कृपेने एक हजार कोटी रुपयांचे मढ-मार्वेमध्ये ४९ अनधिकृत स्टुडिओ बांधले आहेत. भ्रष्टाचाराचे स्मारक असलेले हे सर्व स्टुडिओ आम्ही तोडून टाकू, असे किरीट सोमय्या यांनी ट्वीटमध्ये म्हटले आहे. किरीट सोमय्या यांच्या आरोपांनुसार, मढ, मार्वेमध्ये ४९ फिल्म स्टुडिओमध्ये कथित भ्रष्टाचार झाला आहे. महाविकास आघाडी सरकार सत्तेत असताना कॅबिनेट मंत्री असलेल्या अस्लम शेख यांनी हे स्टुडिओ बांधल्याचा आरोप केला आहे. तसेच सीआरझेड (CRZ) आणि एनडीझेडच्या (NDZ) नियमांचे उल्लंघन झाल्याचा आरोपही त्यांनी केला. यामध्ये बीएमसी आणि एमसीझेडएमए (महाराष्ट्र कोस्टल झोन मॅनेजमेंट अथॉरिटी)च्या अधिकाऱ्यांसोबतही संगनमत असल्याचा दावा करण्यात आला आहे.
मढ मार्वे के 49 अनाधिकृत स्टुडीओ गिराने का काम शुरू हो चुका है! आज सुबह में मिलेनियर सिटी स्टुडिओ तोडने का काम शुरू हो चुका है ठाकरे सरकारके मंत्री आदित्य ठाकरे, मंत्री असलम शेख की कृपा से 1000 करोड़ के 49 अनधिकृत स्टुडिओ बने हैं। हम ये सब भ्रष्टाचार के स्मारक स्टुडिओ टूटेंगे pic.twitter.com/Lpi84ZRj3A — Kirit Somaiya (@KiritSomaiya) September 13, 2022
मढ, मार्वेमधील कथित अवैध स्टुडिओप्रकरणी मुंबई महापालिकेने मागील आठवड्यात उपायुक्त हर्षद काळे (Harshad Kale) यांच्या अध्यक्षतेखाली चौकशी समिती स्थापन करण्यात आली आहे. बीएमसीचे आयुक्त इकबाल सिंह चहल (Iqbal Singh Chahal) यांनी या समितीची स्थापना केली असून समिती आपला अहवाल चार आठवड्यांत सादर करणार आहे.
.png "Videos"){kind=small}
