कल्याण : गुढीपाडव्याच्या दिवशी सुरू होणाऱ्या मराठी नववर्षाच्या पार्श्वभूमीवर आज कल्याण डोंबिवली परिक्षेत्रात सर्वंकष स्वच्छता मोहिमेचे आयोजन करण्यात आले होते. महापालिका आयुक्त डॉ. इंदुराणी जाखड़ यांच्या मार्गदर्शनाखाली कल्याण पश्चिम येथील साई चौक येथून या स्वच्छता मोहिमेचा प्रारंभ झाला. २० मे ला मतदान करणार ही शपथ घेऊन, मतदानाची जनजागृती करीत,” उत्सव निवडणुकीचा, अभिमान देशाचा” ही घोषणा देत स्वच्छता मोहिमेची सुरुवात करण्यात आली.
ही स्वच्छता मोहीम आयुक्त निवास – संतोषी माता रोड – वाय सी ग्राउंड – मधुरिमा – सहजानंद चौक – शिवाजी चौक – महापालिका मुख्यालय – पार नाका – फडके मैदान त्याचप्रमाणे साई चौक – खडकपाडा – आधारवाडी चौक – वृंदावन हॉटेल – फडके मैदान तसेच डीबी चौक – नक्की नगर – आधारवाडी चौक – वृंदावन – फडके मैदान या परिसरात आणि डोंबिवलीमध्ये भाग शाळा मैदान – गोपी मॉल मार्ग – डी एन एस बँक चौक – पंडित दीनदयाळ रोड – द्वारका हॉटेल तसेच क्रांतीनगर झोपडपट्टी मार्ग – राजेंद्र प्रसाद रोड – चार रस्ता मानपाडा आणि चार रस्ता इंदिरा गांधी चौक – बाजीप्रभू चौक त- गणेश मंदिर या परिसरात राबविण्यात आली.
या मोहिमेत महापालिका आयुक्तांबरोबर स्वच्छ भारत अभियानाचे महापालिकेचे ब्रँड अँबेसिडर डॉ प्रशांत पाटील, डॉ. रुपिंदर कौर, बिर्ला महाविद्यालयाचे संचालक डॉ. नरेशचंद्र, बिर्ला नाईट कॉलेजचे प्राचार्य हरीश दुबे, आयएमएच्या अध्यक्षा डॉ. सुरेखा इटकर आणि त्यांचे सदस्य, महापालिका उपायुक्त धैर्यशील जाधव, माहिती व जनसंपर्क विभाग प्रमुख संजय जाधव, कार्यकारी अभियंता प्रशांत भागवत, मुख्य स्वच्छता अधिकारी व वसंत देगलूरकर, सहा. आयुक्त सोनम देशमुख, डॉ. भाग्यश्री मोघे, कुणबी समाज प्रतिष्ठानचे मनोज आंबेकर, महापालिकेचे इतर अधिकारी कर्मचारी आणि अनेक एनजीओजनी, एनसीसीच्या विद्यार्थ्यांनी उत्स्फूर्तपणे सक्रिय सहभाग घेतला.
या मोहिमेच्या वेळी महापालिका आयुक्त डॉ. इंदुराणी जाखड यांनी उपस्थित महिला सफाई कर्मचाऱ्यांशी प्रत्यक्ष संवाद साधत त्यांच्या समस्या जाणून घेतल्या. डोंबिवली परिसरात राबवण्यात आलेल्या स्वच्छता मोहिमेत महापालिकेच्या कार्यकारी अभियंता रोहिणी लोकरे, उपायुक्त रमेश मिसाळ, पर्यावरण दक्षता मंचच्या रूपाली शाईवाले, अनुरा सामाजिक संस्थेचे प्रतिनिधी, सहा आयुक्त चंद्रकांत जगताप आणि इतर अधिकारी आणि कर्मचाऱ्यांनी सहभाग घेतला.
.png "Videos"){kind=small}
