अभिजित बिचुकले पुन्हा एकदा निवडणुकीच्या रिंगणात, भाजप आणि शरद पवारांवर साधला निशाणा

बिग बॉस फेम अभिजीत बिचुकले (Abhijit Bichukale) हे पुन्हा एकदा निवडणुकीच्या रींगणात उतरणार आहेत. अभिजित बिचुकले हे सातारा लोकसभा मतदारसंघातून आपला उमेदवारी अर्ज भरणार आहेत.

बिग बॉस फेम अभिजीत बिचुकले (Abhijit Bichukale) हे पुन्हा एकदा निवडणुकीच्या रींगणात उतरणार आहेत. अभिजित बिचुकले हे सातारा लोकसभा मतदारसंघातून आपला उमेदवारी अर्ज भरणार आहेत. मात्र त्यापूर्वी अभिजित बिचुकले यांनी पंतप्रधान नरेंद्र मोदी (PM Narendra Modi), भाजप यांच्यासह शरद पवारांवर निशाणा साधला आहे.

अभिजित बिचुकले साताऱ्यातून निवडणूक लढणार

अभिजित बिचुकले यांनी आपल्या उमेदवारीची घोषणा केल्यानंतर खासदार म्हणून निवडून आल्यावर कोणती कामे करणार हे स्पष्ट केले आहे. २००४ , २००९ ,२०१४, २०१९ या निवडणुकीमध्ये मला चांगला पाठिंबा दिला आहे. म्हणून आता देखील मी निवडणुकीचा अर्ज भरत आहेत. मतदारराजा जागृत झाला पाहिजे,असे अभिजित बिचुकले म्हणाले. दोन रुपयाची दारू पाजून, मटण देऊन शक्ती प्रदर्शन केलं जात नाही, असे म्हणत त्यांनी सत्ताधाऱ्यांवर टीका केली आहे.

१९ एप्रिल रोजी अभिजित बिचुकले सातारा मतदार संघातून आपला उमेदवारी अर्ज भरणार आहेत. उदयनराजे भोसले यांची उमेदवारी घोषित होण्यासाठी बराच वेळ लागला, त्यांनी आत्मपरीक्षण करावे, असा सल्ला उदयनराजे भोसले यांनी दिला आहे. जर आगामी लोकसभा निवडणुकीमध्ये मला निवडून दिले तर मी समुद्रातील छत्रपतींच्या स्मारक पाठपुरावा करेन, असे सांगत अभिजित बिचुकले यांनी निवडणुकीची रणशिंग फुंकली आहेत. मतदार राजा जागृत आहे आणि येत्या १९ एप्रिलला अर्ज भरणार असल्याची घोषणा अभिजित बिचुकले यांनी केली आहे.

अभिजित बिचुकले यांनी साताऱ्यातील भाजपचे लोकसभा उमेदवार उदयनराजे भोसले यांच्यावर देखील टीका केली आहे. भाजपच्या तिकिटावर निवडणूक लढवायची उद्यान दादा यांची इच्छा होती.त्यांची ही इच्छा पूर्ण झाली. पण भाजपने छत्रपतींना किती सन्मान दिला याचे आत्मपरीक्षण उदयनराजेंनी आणि लोकांनी केले पाहिजे, असे म्हणत अभिजित बिचुकले यांनी आव्हान केले आहे.

विश्वरत्न डॉ.बाबासाहेब आंबेडकर यांचे नाव संसद भवनला द्यावे, अशी मागणी मी केली आहे. समुद्रामध्ये छत्रपती शिवाजी महाराज यांचे स्मारक बनवण्यासाठी मी पाठपुरावा करणार आहे. पंतप्रधान नरेंद्र मोदी यांच्या हस्ते ५ वर्षांपूर्वी भूमिपूजन झाले होते. पण स्मारकाची एकही वीट रचली गेली नाही, असे म्हणत अभिजित बिचुकले यांनी पंतप्रधान नरेंद्र मोदी यांच्यावर टीका केली आहे. छत्रपती शिवाजी महाराजांचे वैचारिक वारस म्हणून माझ्या पाठिशी उभे राहा, असे आव्हान अभिजित बिचुकले यांनी जनतेला केले आहे.

उदयनराजे आणि शरद पवारांचे हार्डवैर

शरद पवार आणि उदयनराजे यांचे हाडवैर आहे. अभयसिंह महाराज यांचेही खच्चीकरण शरद पवार यांनी केले. तसेच योग्य वेळ आल्यानंतर त्यांच्यावर बोलणार असल्याचे अभिजित बिचुकले यांनी सांगितले आहे. मी या लढाईत एकटा लढत असून लोकांनी पाठिशी उभे राहण्याचे आव्हान मी करत आहे, असे अभिजित बिचुकले म्हणाले.