Sangali News : अनधिकृत बांधकामावर हातोडा; झेडपी कॉलनीत अतिक्रमणावर कारवाई

सांगली-मिरज-कुपवाड महापालिकेने शहरातील अतिक्रमणांविरुद्ध आक्रमक भूमिका घेत वारणाली येथील झेड.पी. कॉलनी परिसरात मोठी धडक कारवाई केली.

• अनधिकृत बांधकामावर हातोडा
• झेडपी कॉलनीत अतिक्रमणावर कारवाई

सांगली : सांगली-मिरज-कुपवाड महापालिकेने शहरातील अतिक्रमणांविरुद्ध आक्रमक भूमिका घेत वारणाली येथील झेड.पी. कॉलनी परिसरात मोठी धडक कारवाई केली. आयुक्त सत्यम गांधी यांच्या आदेशानुसार जेसीबीच्या साहाय्याने रस्ता व सार्वजनिक जागेत अडथळा ठरणारी अनधिकृत बांधकामे जमीनदोस्त करण्यात आली. या कारवाईत 7 कंपाउंड भिंती, 2 तारेचे कुंपण, 4 दुकानांवरील लोखंडी व सिमेंटच्या छपऱ्या, तसेच एक बांधीव खोली आणि इमारतीची वाढीव भिंत हटवण्यात आली. अतिरिक्त आयुक्त राहुल रोकडे यांच्या उपस्थितीत ही मोहीम पार पडली. अतिक्रमण विभागाचे अधीक्षक नागार्जुन मद्रासी, नगररचना विभागाचे अभियंता शाबाज शेख, सहाय्यक आयुक्त सचिन सागावकर यांच्यासह संबंधित पथकाने कारवाईत सहभाग घेतला. कायदा व सुव्यवस्था राखण्यासाठी सुरक्षा पथकही तैनात करण्यात आले होते. दरम्यान, नियमभंग करणाऱ्यांवर कठोर कारवाईचा इशारा आयुक्त गांधी यांनी दिला आहे.

Kolhapur News : स्थानिक रोजगाराला मिळणार चालना; ‘पर्यटन सर्किटला’ केंद्र सरकारचा सकारात्मक प्रतिसाद

एकीकडे अनधिकृत बांधकामांवर हातोडा पडत असून दुसरीकडे पर्यावरणाचा समतोला राखण्यासाठी केलेले विटा नगरपालिकेचे स्वच्छ भारत अभियानाचे काम कौतुकास्पद आहे. नगराध्यक्ष, उपनगराध्यक्ष, आरोग्य सभापती आणि त्यांचे सर्व सहकारी तळमळीने कार्य करत आहेत. विटा नगरपालिकेचे सर्व उपक्रम आम्ही आमच्या अलिबाग शहरात राबवण्यासाठी प्रयत्नशील राहू, ज्या एकसंघपणे विटा शहरात काम चालू आहे ते आदर्शवत आहे, असे गौरवोद्वार अलिबाग नगरपालिकेच्या उपनगराध्यक्षा अ‍ॅड. मानसी म्हात्रे यांनी काढले. अलिबाग नगरपरिषदेच्या उपनगराध्यक्षा व आरोग्य सभापती अ‍ॅड. मानसी संतोष म्हात्रे, अ‍ॅड. नीलम हजारे, अ‍ॅड. अश्विनी ठोसर, ऋषीकेश माळी, जमाल सय्यद, नगरसेवक आने, आरोग्य . निरीक्षक तांबे, सुपरवायझर सुमित 1 गायकवाड, आर्या जाधव यांनी विटा व नगरपरिषदेच्या घनकचरा व्यवस्थापन – प्रकल्पास भेट दिली. प्रारंभी त्यांनी 5 नगरपरिषदेच्या कार्यालयात नगराध्यक्षा काजल म्हेत्रे, उपनगराध्यक्ष अमोल बाबर, आरोग्य सभापती भालचंद्र कांबळे, मुख्याधिकारी विक्रमसिंह पाटील तसेच सर्व नगरसेवक व नगरसेविका यांची भेट घेतली. यावेळी मान्यवरांचा सन्मान करण्यात आला.

सेंद्रिय खताची दिली भेट
मान्यवरांनी घनकचरा व्यवस्थापन प्रकल्पाला भेट देऊन प्रत्यक्ष पाहणी केली. यामध्ये घंटागाडीमार्फत होणारे कचरा विलगीकरण, पीट कंपोस्टिंग प्रक्रिया, प्लास्टिक श्रेडिंग मशीन, बेलिंग मशीन, डेसिफायर मशीन, रोटरी ड्रम कंपोस्टर, बायोगॅस प्लांट, एफ.एस.टी.पी. प्लॉट तसेच रेमिडिएशन साईट यांची सखोल माहिती देण्यात आली. यावेळी आरोग्य सभापती भालचंद्र कांबळे व आरोग्य अधिकारी संतोष लोखंडे (सी.सी.) यांनी मान्यवरांचे धनकचरा डेपो येथे स्वागत केले, प्रकल्पातील कामकाजाबाबत सविस्तर माहिती देण्यात आली. सर्व मान्यवराना सेंद्रिय खत पॅकेट भेट स्वरूपात देण्यात आली.

Kolhapur News : स्थानिक रोजगाराला मिळणार चालना; ‘पर्यटन सर्किटला’ केंद्र सरकारचा सकारात्मक प्रतिसाद