अकोल्यात सप्टेंबरमध्येच ‘ऑक्टोबर हीट’ची झळ; तापमान 33 अंशांच्या आसपास, पातूरमध्ये तर…

पातूर हा डोंगराळ आणि शेतीप्रधान तालुका असल्याने पावसाच्या या प्रदीर्घ खंडामुळे खरिपाची पिके धोक्यात आली आहेत. अचानक वाढलेल्या या उष्णतेमुळे आणि दमट हवामानामुळे नागरिकांच्या आरोग्यावरही याचा विपरित परिणाम होत आहे.

अकोला : पावसाळ्याचे दिवस असूनही पावसाने दडी मारल्याने जिल्ह्यासह पातूर तालुक्यात सध्या तीव्र उन्हाच्या चटक्यासह असह्य उकाड्‌याचा सामना नागरिकांना करावा लागत आहे. आकाशात अधूनमधून ढग दाटून येत असले, तरी पाऊस पडण्याऐवजी उन्हाचा कडाका वाढत असल्याने सप्टेंबर महिन्यातच नागरिकांना ‘ऑक्टोबर हीट’ चा दाहक अनुभव येत आहे.

यावर्षी ऑगस्ट महिन्यात पावसाने प्रदीचं दडी मारली होती. त्यानंतर सप्टेंबर महिन्याचे तीन आठवडे उलटून गेले तरी अद्याप पातूर तालुक्यात दमदार पाऊस झालेला नाही. पावसाअभावी हवेतील दमटपणा आणि उन्हाची तीव्रता कमालीची वाढली आहे. आकाशात ढगाळ वातावरण तयार होते, मात्र पाऊस न पडता उलट शरीरातून घामाच्या धारा वाहू लागतात. त्यामुळे पातूर शहर व ग्रामीण भागातील नागरिक कमालीचे हैराण झाले आहेत.

Weather Update : देशातील 9 राज्यांमध्ये मेघगर्जनेसह मुसळधार पावसाचा अंदाज; तापमानातही झाली घट

मागील पाच दिवसांपासून अकोला जिल्हा आणि पातूर परिसरातील तापमान ३३ अंश सेल्सिअसच्या आसपास स्थिरावले आहे. गेल्या संपूर्ण आठवड्यात तापमानात सातत्याने वाढ नोंदविण्यात आली. या कालावधीत किमान तापमान २६ अंश सेल्सिअस, तर कमाल तापमान ३३ अंश सेल्सिअसपर्यंत पोहोचले आहे.

दमट हवेमुळे उकाड्यात भर

ढगाळ वातावरण असले तरी पथसाचा अभाव आणि हवेतील दमटपणामुळे वातावरण अधिक कोंदट जाणवत आहे. त्यामुळे सकाळपासूनच चामाच्या चारा लागण्याचे प्रमाण वाढले आहे. बदलत्या वातावरणाने सर्दी, ताप यांसारख्या आजारांमध्ये वाढ होत आहे. हवामान विभागाच्या अंदाजानुसार, पुढील काही दिवसात उकाडापासून तातडीने सुटका होण्याची चिन्हे नाहीत. पावसाच्या हजेरीने तापमानात काही प्रमाणात घट होऊ शकते. मात्र, पाऊस लांबल्यास तापमानात वाढ होण्याची शक्यता आहे.

आरोग्याची काळजी घेण्याचे नागरिकांना आवाहन

पातूर हा डोंगराळ आणि शेतीप्रधान तालुका असल्याने पावसाच्या या प्रदीर्घ खंडामुळे खरिपाची पिके धोक्यात आली आहेत. अचानक वाढलेल्या या उष्णतेमुळे आणि दमट हवामानामुळे नागरिकांच्या आरोग्यावरही याचा विपरित परिणाम होत असून सर्दी, खोकला आणि तापाचे रुग्ण वाढले आहेत. अशा वातावरणात स्वतःला हायड्रेटेड ठेवण्यासाठी भरपूर पाणी पिणे, हलके व सुती कपडे वापरणे आणि दुपारच्या वेळी थेट उन्हात जाणे टाळण्याचे आवाहन डॉक्टरांकडून करण्यात येत आहे.

पावसाळा संपत आला; भूजलपातळीची चिंता

ऑगस्टपासून दमदार पाऊस नसल्याने वावसाळ्याचा कालावधी संपत येत असताना भूजलपातळीबाबतही चिंता वाढली आहे. पावसाच्या प्रतीक्षेत असलेल्या शेतक-याना उकाडधाचा सामना करावा लागत असून, पावसाअभावी जमिनीतील ओलावा कमी होण्याचा धोका निर्माण झाला आहे. सप्टेंबरमध्ये अपेक्षित पाऊस न झाल्यास त्याचा परिणाम पिकांच्या वाढीवरही होण्याची शक्यता आहे.