Climate Change News : जीवघेण्या उष्णतेच्या लाटा आणि महापूर, हवामान बदलाचा धोका; जागतिक नेते एकत्र येणार

Climate Change News : हवामान बदलाच्या वाढत्या संकटाच्या पार्श्वभूमीवर तुर्कीतील अंताल्या येथे COP31 परिषदेला सुरुवात झाली आहे. १९० हून अधिक देशांचे प्रतिनिधी तापमानवाढ रोखणे, कार्बन उत्सर्जन कमी करणे, अक्षय ऊर्जेला प्रोत्साहन देणे आणि गरीब देशांना आर्थिक मदत देणे यावर चर्चा करणार आहेत.

• तुर्कीमध्ये COP ३१ परिषदेला सुरवात ; १९० हून अधिक देशांचा सहभाग
• २०२६ हे वर्षही उष्ण वर्षांच्या यादीत ; युरोपमध्ये उष्णतेचा कहर
• गरीब देशांसाठी आर्थिक मदतीचा मुद्दा महत्वाचा

Climate Change News : नेपाळ मध्ये आलेल्या अकस्मात भयानक पुरामुळे नेपाळ बुडता बुडता राहिला . पण आर्थिक आणि जीवित हानी करूनच तो पूर गेला . हे साऱ्या जगाने पाहिले.याचबरोबर जगभरात सुद्धा हवामान बदलाचे परिणाम आता लोकांना दिसू लागले आहेत . वाढते तापमान , उष्णतेच्या जीवघेण्या लाटा , अतिवृष्टी आणि विनाशकारी पूर यामुळे अनेक देशांसमोर आता मोठे संकट उभे राहिले आहे .

या सगळ्या महत्वाच्या विषयावर आता जागतिक नेते , विविध देशांचे प्रतिनिधी तसेच पर्यावरण कार्यकर्ते हवामान बदलाला रोखण्यासाठी महत्वपूर्ण चर्चा आणि वाटाघाटी करणार आहेत . पर्यावरणाचे संरक्षण , कार्बन उत्सर्जनात कपात आणि भविष्यातील नैसर्गिक आपत्तींचा धोका कमी करणे हे या चर्चेतील महत्वाचे प्रमुख मुद्दे असणार आहेत .

तुर्कीमध्ये COP ३१ परिषदेला सुरवात ; १९० हून अधिक देशांचा सहभाग

संयुक्त राष्ट्रांच्या हवामान बदल परिषदेला ९ नोव्हेंबर पासून तुर्कीतील अंताल्या शहरात सुरवात झाली आहे . ही परिषद २० नोव्हेंबर पर्यंत चालणार आहे . जवळपास १९० देशांचे प्रतिनिधी , सरकारी अधिकारी , हवामान तज्ञ आणि सामाजिक संघटना यामध्ये सहभागी होत आहेत .

हवामान बदलासंदर्भात यापूर्वी झालेल्या करारांची प्रत्यक्ष अंमलबजावणी कशी करायची ,यावर यंदा विशेष भर दिला जाणार आहे . जीवाश्म इंधनावरील अवलंबित्व कमी करणे , अक्षय ऊर्जेचा वापर वाढवणे आणि त्याचे उत्सर्जन नियंत्रणासाठी ठोस उपाययोजना करणे हे प्रमुख विषय असतील .

Diwali In USA: ‘मामदानींनी रांगोळी काढली, अब्दुल सय्यद यांनी दिवा लावला’, अमेरिकन मुस्लिम नेत्यांची मोठ्या उत्साहात दिवाळी साजरी

२०२६ हे वर्षही उष्ण वर्षांच्या यादीत ; युरोपमध्ये उष्णतेचा कहर

जागतिक हवामान संघटनेच्या ताज्या अहवालानुसार २०२६ हे आत्तापर्यंतच्या नोंदीतील चार सर्वाधिक उष्ण वर्षांपैकी एक ठरण्याची शक्यता आहे . जानेवारी ते सप्टेंबर दरम्यान जागतिक सरासरी तापमान औद्योगिकपूर्व काळाच्या तुलनेत सुमारे १.४७ अंश सेल्सिअसने अधिक नोंदवले गेले आहे .

युरोपमध्ये उष्णतेच्या लाटा जंगलातील वणवे आणि दुष्काळामुळे मोठे नुकसान झाले आहे . प्राथमिक अंदाजानुसार या उष्णतेशी संबंधित कारणांमुळे ३० हजारांहून अधिक अतिरिक्त मृत्यू झाले आहेत . दुसरीकडे नेपाळमध्ये हिमनदी कोसळल्यानंतर आलेल्या विनाशकारी पुरामुळे मोठी जीवितहानी झाली . हवामानातील बदल आणि एल निनोचा प्रभाव आगामी काळातही वाढण्याची शक्यता व्यक्त करण्यात आली आहे .

Iran-US War : ‘युद्ध थांबवा, आम्ही 48 तासांत होर्मुझ उघडू, नाहीतर विनाश होईल…’; इराणचा अमेरिकेला अंतिम इशारा

गरीब देशांसाठी आर्थिक मदतीचा मुद्दा महत्वाचा

या परिषदेत विकसित आणि विकसनशील देशांमधील आर्थिक मदतीचा मुद्दा महत्वाचा ठरणार आहे . हवामान बदलाचा सर्वाधिक फटका बसणाऱ्या गरीब देशांना पूर , दुष्काळ आणि वाढत्या तापमानाशी सामना करण्यासाठी आर्थिक मदत मिळावी , अशी त्यांची मागणी आहे .

तसेच कोळसा आणि तेल , नैसर्गिक वायूवरील अवलंबून राहणं कमी करायचं आणि सौर आणि पवन उर्जेला प्रोत्साहन देण्याबाबत चर्चा होणार आहे . यंदाच्या बैठकीत केवळ आश्वासने न देता खरोखर कृतीचा आराखडा तयार करणे गरजेचे आहे . नुसतीच बोलाची कढी आणि बोलाचाच भात आता चालणार नाही .