आषाढी यात्रेतून एसटीला २ कोटींचे उत्पन्न
अकोला : पंढरपूरच्या विठुरायाच्या दर्शनासाठी दरवर्षीप्रमाणे यंदाही आषाढी एकादशी यात्रेनिमित्त अकोला विभागातील हजारो वारकरी पंढरपूरकडे रवाना झाले. वारकऱ्यांच्या सोयीसाठी राज्य परिवहन महामंडळाच्या अकोला विभागाने विशेष नियोजन केले होते. वारकऱ्यांनी दिलेल्या प्रतिसादामुळे अकोला एसटी विभागाच्या तिजोरीत २ कोटी ८१ लाख ६० हजार २२९ रुपयांची घवघवीत भर पडली आहे.
एसटी महामंडळाच्या वतीने प्रवाशांना आकर्षित करण्यासोबतच त्यांच्या सुविधेसाठी विविध योजना राबविण्यात आल्या. यामध्ये थेट बससेवेचा समावेश होता. एखाद्या गावातून एकाच वेळी ४४ किंवा त्यापेक्षा अधिक भाविकांनी मागणी केल्यास संबंधित गावातून थेट पंढरपूरपर्यंत बससेवा उपलब्ध करून देण्यात आली. तसेच शासनाच्या विविध कल्याणकारी योजनांनुसार ज्येष्ठ नागरिकांसाठी अमृत ज्येष्ठ नागरिक योजना, महिला आणि इतर पात्र घटकांना तिकीट दरात विशेष सवलत देण्यात आली.
अकोला विभागांतर्गत येणाऱ्या अकोला व वाशीम या दोन्ही जिल्ह्यांतील नऊ आगारांमधून पंढरपूर यात्रेसाठी विशेष बससेवेचे नियोजन करण्यात आले होते. या सर्व आगारांमधून यात्रेसाठी एकूण ३६३ बसफेऱ्या चालविण्यात आल्या. या बसगाड्यांनी प्रवासादरम्यान एकूण ४ लाख ५६ हजार किलोमीटर अंतर पार केले.
अहोरात्र परिश्रमांमुळे हे नियोजन यशस्वी
दरवर्षीप्रमाणे यंदाही पंढरपूर यात्रेसाठी वारकऱ्यांनी एसटीवर दाखवलेला विश्वास आणि सर्व आगार प्रमुख, अधिकारी व कर्मचारी यांच्या अहोरात्र परिश्रमांमुळे हे नियोजन यशस्वी झाले आहे. सर्वांच्या एकत्रित प्रयत्नांमुळेच हे यश मिळाले.
– स्मिता सुतवणे, विभाग नियंत्रक
एसटी प्रवासासाठी एनसीएमसी स्मार्ट कार्ड आवश्यक
महाराष्ट्र राज्य मार्ग परिवहन महामंडळाच्या (एसटी) प्रवाशांना अधिक सुलभ, सुरक्षित आणि डिजिटल प्रवासाचा अनुभव देण्यासाठी सुरू करण्यात आलेल्या एनसीएमसी स्मार्ट कार्डला राज्यभरातून उत्स्फूर्त प्रतिसाद मिळत आहे. 12 ऑगस्टपर्यंत राज्यात तब्बल 1 कोटी 1 लाख 73 हजार 838 प्रवाशांनी एनसी एमसी स्मार्ट कार्डसाठी नोंदणी केली असून, त्यापैकी 64 लाख 91 हजार 65 कार्डे सक्रिय झाली आहेत, अशी माहिती परिवहन मंत्री तथा एसटी महामंडळाचे अध्यक्ष प्रताप सरनाईक यांनी दिली.
.png "Videos"){kind=small}
