Amravati News: मेळघाटात विद्यार्थ्यांची सिकलसेल तपासणी! एमईसीएलच्या सीएसआर निधीतून आरोग्य, पोषण अभियान
Amravati News: दुर्गम आणि आदिवासीबहुल मेळघाटातील विद्यार्थ्यांना सिकलसेल आजारापासून संरक्षण मिळावे आणि कुपोषणावर नियंत्रण मिळविता यावे, या उद्देशाने विशेष आरोग्य तपासणी व पोषण अभियान सुरू करण्यात आले आहे. भारत सरकारच्या खान मंत्रालयाच्या उपक्रमांतर्गत कार्यरत मिनरल एक्सप्लोरेशन अँड कन्सल्टन्सी लिमिटेड (एमईसीएल) च्या सीएसआर निधीतून हे अभियान राबविण्यात येत आहे. परिवर्तन समाज विकास समितीच्या माध्यमातून मेळघाटातील विविध आश्रमशाळांमधील ४ हजार विद्यार्थी आणि नागरिकांची मोफत सिकलसेल तपासणी केली जाणार आहे.(फोटो सौजन्य – AI)
Amravati News: दुष्काळात शाळांचा फीसाठी तगादा! जिल्हाधिकारी, शिक्षणाधिकाऱ्यांनी लक्ष देण्याची मागणी
अभियानाची सुरुवात धारणी तालुक्यातील शासकीय आदिवासी आश्रमशाळा, बिजुधावडी येथून करण्यात आली. अभियानाच्या पाचव्या दिवशी इंग्रजी माध्यम बालिका आश्रमशाळेतील शेकडो विद्यार्थिनींची आरोग्य तपासणी करण्यात आली. तज्ज्ञ वैद्यकीय पथकाने अत्याधुनिक उपकरणांच्या सहाय्याने विद्यार्थ्यांचे रक्त नमुने घेऊन सिकलसेलची तपासणी केली. तपासणीदरम्यान सिकलसेल वाहक आणि सिकलसेल रुग्णांची ओळख केली जात आहे. तपासणीनंतर राष्ट्रीय सिकलसेल अभियानाच्या मार्गदर्शक तत्त्वांनुसार विद्यार्थ्यांना त्यांच्या स्थितीनुसार विविध रंगांचे स्टेटस कार्ड देण्यात येत आहेत. तसेच गरजेनुसार विद्यार्थी आणि त्यांच्या पालकांना सिकलसेल आजार, उपचारआणि प्रतिबंधाबाबत समुपदेशन केले जात आहे.
अभियानांतर्गत प्रत्येक विद्यार्थ्यांची डिजीटल नोंदणी करून रक्त तपासणी केली जात आहे. सिकलसेल वाहक आणि रुग्णांची स्वतंत्र ओळख झाल्यानंतर त्यांना आजार, उपचार तसेच भविष्यातील विवाहपूर्व सिकलसेल तपासणी आणि जोडीदाराच्या तपासणीबाबत मार्गदर्शन केले जाणार आहे. गंभीर रुग्णांना धारणी आणि चिखलदरा येथील उपजिल्हा रुग्णालयांत मोफत रेफरल सेवा तसेच आवश्यक उपचार उपलब्ध करून दिले जाणार आहेत.
अभियानाच्या यशस्वी अंमलबजावणीत एकात्मिक आदिवासी विकास प्रकल्प (आयटीडीपी), धारणीचे प्रकल्प अधिकाऱ्यांचे मार्गदर्शन आणि प्रशासकीय समन्वय महत्त्वाचा ठरला आहे. आश्रमशाळा प्रशासन, आरोग्य विभाग आणि वैद्यकीय पथकांच्या समन्वयातून अभियानाला मिळाली आहे.
मेळघाटातील दुर्गम आणि डोंगराळ भागात राहणाऱ्या विद्यार्थ्यांना आरोग्य तपासणीसाठी दूर जावे लागू नये, यासाठी परिवर्तन समाज विकास समितीचे मोबाइल वैद्यकीय पथक विविध आश्रमशाळांमध्ये पोहोचणार आहे. बिजुधावडी आश्रमशाळेतून अभियानाची सुरुवात झाल्यानंतर नियोजित वेळापत्रकानुसार इतर आश्रमशाळांमध्येही तपासणी शिबिरे घेण्यात येणार आहेत.
.png "Videos"){kind=small}
