मुंबई – मागील वर्षी जून २०२२ मध्ये शिवसेनेतून शिंदे गटाने (Shinde group) बंड करत, भाजपासोबत (BJP) जात सरकार स्थापन केलं. यानंतर ठाकरे गटाला मोठी गळती लागली आहे. शिवसेनेचे नाव, धनुष्यबाण चिन्ह हे शिंदे गटाला मिळाले आहे. दरम्यान, सोळा आमदार अपात्रतेची लढाई कायद्च्या कचाट्यात आहे. मात्र शिंदे गटाच्या बंडानंतर ठाकरे गटातील आमदार, खासदार, नगरसेवक, पदाधिकारी आदी ठाकरे गटाला सोडून शिंदे गटात प्रवेश करत आहेत, आता शिवसेना उद्धव बाळासाहेब ठाकरे पक्षाचे माजी नगरसेवक मंगेश सातमकर (mangesh satamkar) हे शिंदे गटात प्रवेश करणार आहेत. (another blow to the thackeray group former corporator mangesh satamkar will join the shinde group)
कायंदे-गोर्हे यांच्यानंतर आणखी एक धक्का…
दरम्यान, मागील महिन्यात विधान परिषदेच्या आमदार मनिषा कायंदे यांनी शिंदे गटात प्रवेश केला होता. त्यानंतर विधान परिषदेच्या उपसभापती निलम गोर्हे यांनी सुद्धा शिंदे गटात प्रवेश केला होता. यानंतर आता शिवसेना उद्धव बाळासाहेब ठाकरे पक्षाचे माजी नगरसेवक मंगेश सातमकर (mangesh satamkar) हे शिंदे गटात प्रवेश करणार आहेत. यामुळं ठाकरे गटाला आणखी एक धक्का बसला आहे.
मंगेश सातमकर यांच्यावर बलात्काराचा गुन्हा
मे महिन्यात मंगेश सातमकर यांच्यावर बलात्काराचा गुन्हा दाखल झाल्याची धक्कादायक माहिती समोर आली होती. एका तरुणीने मंगेश सातमकर यांच्यावर यांच्या गभीर आरोप केले होते. तसेच, वडाळा टीटी पोलीस ठाण्यात (Wadala TT Police) तक्रार दाखल केली आहे. या तक्रारीनुसार, मंगेश सातमकर यांच्यावर बलात्काराचा गुन्हा (Rape Case) दाखल करण्यात आला आहे. विशेष म्हणजे पीडित मुलगी ही मंगेश सातमकर यांचे सोशल मीडिया आणि जनसंपर्काचे काम पाहते. लग्नाचे आमिष दाखवून अनेकदा बलात्कार केल्याचा आरोप या तरुणीने केला आहे.
.png "Videos"){kind=small}
