“… अन्यथा हातात बंदुका घेऊ”; विरोधी कृती समितीचा ‘शक्तिपीठ’ महामार्गावरून सरकारला इशारा

सांगली:  पवनार वर्धा ते पत्रादेवी गोवा शक्तिपीठ महामार्गाच्या भू संपादन हरकती च्या नोटीस शेतकऱ्यांना बजावण्यास प्रारंभ झाला आहे त्या नोटीसीचे दहन गुरुवारी स्टेशन चौकात करण्यात आले यावेळी शासनाच्या विरोधात बोंब ही ठोकण्यात आले.शेतकऱ्यांना उध्वस्त करणारा शक्तिपीठ रद्द न केल्यास हातात बंदूका घेऊ असा  इशारा महेश खराडे यांनी दिला.

सदर आंदोलन शक्तिपीठ विरोधी कृती समितीच्या वतीने करण्यात आले. जमीन आमच्या हक्काची नाही कुणाच्या बापाची, रद्द करा, रद्द करा शक्तिपीठ महामार्ग बंद करा, शेतकरी विरोधी सरकारचे करायचे काय खाली मुंडी वर पाय अशा घोषणानी परिसर दणाणून सोडण्यात आला.

यावेळी महेश खराडे म्हणाले, ” विधानसभा निवडणुकीपूर्वी शक्तिपीठ महामार्ग रद्द करण्याचे आश्वासन दिले होते. मात्र निवडणुकीनंतर कोणत्याही परिस्थितीत करणारच अशी भूमिका घेतली आहे.  त्यामुळेच आता माधवनगर बुधगांव कर्नाळ आदी गावातील शेतकऱ्यांना नोटीस बजावण्यास प्रारंभ झाला आहे,  त्यामुळे शेतकऱ्याच्यात संताप निर्माण झाला आहे त्यामुळेच आम्ही त्या नोटीसीचे दहन करण्यात आले. पण आम्ही केवळ दहन करून थांबणार नाही. तर प्रसंगी हातात शस्त्र घेऊ पण एक इंच ही जमीन देणार नाही.

Shaktipeeth Expressway: ‘शक्तिपीठ’ला विरोध वाढला; कोल्हापुरात मूक मोर्चा; केली ‘ही’ मोठी मागणी

खराडे म्हणाले, ” महामार्ग हे विकासाचे मोठे साधन आहे. यात दुमत नाही पण जे महामार्ग गरजेचे आहेत ते करा, त्याला आमचा विरोध नाही, शक्तिपीठ महामार्ग हा रत्नागिरी विजापूर महामार्गला समांतर च महामार्ग आहे, रत्नागिरी विजापूर रस्त्यावर पुरेशी वाहने नाहीत.  आवश्यक तेवढा टोल त्या रस्त्यावर गोळा होत नाही ;  मग हा महामार्ग कशासाठी? कोणत्या भाविकाची मागणी नाही, वाहन धारकांची मागणी नाही, कुणाची ही मागणी नसताना ठेकेदार आणि आमदार खासदारांना पोसण्यासाठी हा महामार्ग होत आहे,  त्यामुळे याला आमचा विरोध आहे.

याशिवाय यात भ्रष्टाचार ही प्रचंड आहे. राष्ट्रीय महामार्गगाचे एक कि मी चा खर्च ३५ कोटी आहे ;  तर या महामार्गचा १०७ कोटी आहे, हा सर्व पैसा ठेकेदार आमदार खासदारांना वाटप होणार आहे, त्यामुळे रक्ताच्या शेवटच्या थेंबा पर्यंत आम्ही लढा चालू ठेवणार यावेळी प्रवीण पाटील,  उमेश एडके, रघुनाथ पाटील, भालचंद्र आंबोळे, राजेश एडके, राजेश पाटील, अधिक पाटील, विलास थोरात, मुरलीधर निकम, प्रशांत पाटील, श्रीकांत पाटील, अनिल कोकाटे, मयूर पाटील, सुनील पाटील आदिसह शेतकरी मोठ्या संख्येने उपस्थित होते.