Ashadhi Ekadashi 2025: आषाढी एकादशीला ‘या’ वाहनांना टोल माफी, वारकऱ्यांसाठी एकनाथ शिंदे यांची मोठी घोषणा

Eknath Shinde on Ashadhi Ekadashi : आषाढी वारीनिमित्त वारीत सहभागी होणाऱ्या वारकऱ्यांना संरक्षण देण्यासाठी राज्य सरकारकडून एक महत्त्वपूर्ण निर्णय घेण्यात आला आहे. तसेच काही ठराविक वाहनांना टोलमाफी देण्यात आली.

Eknath Shinde on Ashadhi Ekadashi In Marathi: आषाढी वारीबाबत सरकारने महत्त्वाचे निर्णय घेतले आहेत. वारकऱ्यांना विमा संरक्षण आणि वैद्यकीय सुविधा पुरवल्या जातील, अशी माहिती उपमुख्यमंत्री एकनाथ शिंदे यांनी दिली. तसेच वारकऱ्यांना चालताना कोणते अडथळे निर्माण होऊ नये म्हणून वारी मार्गावरील रस्ते दुरुस्त केले जाणार आहे. त्याचबरोबर पाणी, वीज आणि निवाऱ्याची व्यवस्था केली जाणार आहे, अशी माहिती एकनाथ शिंदे यांनी दिली.

आषाढी वारीत सहभागी होणाऱ्या वारकऱ्यांसाठी आनंदाची बातमी असूव महाराष्ट्र सरकार त्यांच्या सुरक्षेसाठी गट विमा मिळवणार आहे. तसेच, दरवर्षीप्रमाणे या वर्षीही त्यांना वैद्यकीय सुविधा मिळतील. उपमुख्यमंत्री एकनाथ शिंदे यांनी ही माहिती दिली. मुख्यमंत्री देवेंद्र फडणवीस यांच्या अध्यक्षतेखाली सह्याद्री अतिथीगृहात एक विशेष बैठक झाली. यामध्ये आषाढी वारीची तयारी आणि वारकऱ्यांच्या समस्यांवर चर्चा करण्यात आली. शिंदे यांनी या बैठकीबद्दल माध्यमांना माहिती दिली.

एमजी हेक्टर दिली तर गाडी पेटवून देईन..; वैष्णवीच्या वडिलांनी थेट पुरावेच दाखवले

वाहनांना टोल माफी

उपमुख्यमंत्री एकनाथ शिंदे यांनी सांगितले की, पावसामुळे वारीतील रस्ते खराब झाले आहेत. त्यांची त्वरित दुरुस्ती केली जाईल. वारकऱ्यांना भरपूर पाण्याची सोय करण्यात येईल. विजेची व्यवस्थाही केली जाईल. पालखीच्या प्लॅटफॉर्मवर वॉटरप्रूफ तंबू बसवले जातील. वारीला जाणाऱ्या वाहनांना टोलमध्ये सूट मिळेल. शिंदे यांनी आरोग्य सेवांबद्दलही सांगितले. दरवर्षीप्रमाणे या वर्षीही आरोग्य विभाग मोठे आरोग्य शिबिरे आयोजित करेल असे त्यांनी सांगितले.

कार्डियाक रुग्णवाहिकेची व्यवस्था

शिंदे म्हणाले की, वारकऱ्यांसाठी कार्डियाक रुग्णवाहिकेची व्यवस्था केली जाईल. पंढरपूरमध्ये तात्पुरती आयसीयू सुविधा देखील असेल. आरोग्यमंत्री प्रकाश आबिटकर स्वतः पंढरपूरला जाऊन तयारीचा आढावा घेतील. वारीदरम्यान प्रत्येक जिल्ह्यातून येणाऱ्या मोठ्या दिंड्यांसह पूर्णपणे सज्ज रुग्णवाहिका असाव्यात असेही शिंदे म्हणाले.

सरकार सर्व प्रकारची मदत होणार

गेल्या वर्षी वारीदरम्यान अपघातात मृत्युमुखी पडलेल्या वारकऱ्यांच्या कुटुंबियांना सरकार मदत करेल. पोलिसांशी योग्य समन्वय साधण्यासाठी नोडल अधिकारी नियुक्त केला जाईल. वारकऱ्यांचे जेवण आणि इतर विधी वेळेवर होतील याची खात्री केली जाईल. वारीमध्ये जास्त वेळ व्यत्यय येऊ नये. एकनाथ शिंदे म्हणाले की, यावेळी वारी स्वच्छ वारी, निर्मल वारी आणि हरित वारी म्हणून साजरी केली जाईल. यासाठी सरकार सर्व प्रकारची मदत करेल.

नुकसानग्रस्तांसाठी उपमुख्यमंत्र्यांकडून महत्त्वपूर्ण घोषणा; पावसाचे पाणी घरात शिरल्यास…