Chandrapur News: चंद्रपुरात एसटी स्मार्ट कार्डचा गोंधळ; नोंदणी केली, पण कार्ड ॲक्टिव्ह नाही; प्रवाशांना पूर्ण भाड्याचा फटका

चंद्रपूर जिल्ह्यात एनसीएमसी कार्डसाठी २ लाख ७ हजार ८०७ प्रवाशांनी नोंदणी केली होती. मात्र त्यापैकी ३८ हजार ३५२ कार्ड अद्याप सक्रिय झालेले नाहीत. त्यामुळे ग्रामीण भागातील ज्येष्ठ नागरिक, महिला आणि इतर सवलतधारकांना याचा फटका बसत आहे.

• चंद्रपूर जिल्ह्यात एनसीएमसी कार्डसाठी २ लाख ७ हजार ८०७ प्रवाशांनी केली नोंदणी
• नोंदणी करूनही अनेक प्रवासी अपेक्षित सवलतीपासून वंचित
• नोंदणी आणि प्रत्यक्ष सक्रियता यामध्ये मोठी तफावत असल्याने योजनेच्या अंमलबजावणीवर प्रश्नचिन्ह उपस्थित

चंद्रपूर: एसटी महामंडळाच्या प्रवासाला डिजीटल स्वरूप देण्यासाठी सुरू करण्यात आलेल्या एनसीएमसी स्मार्ट कार्ड योजनेला चंद्रपूर जिल्ह्यातच प्रशासकीय अडथळ्यांचा सामना करावा लागत आहे. जिल्ह्यात २ लाख ७ हजार ८०७ प्रवाशांनी कार्डसाठी नोंदणी केली असली, तरी त्यापैकी ३८ हजार ३५२ कार्ड अद्याप सक्रिय झालेले नाहीत. त्यामुळे नोंदणी करूनही अनेक प्रवाशांना अपेक्षित सवलतीपासून वंचित राहावे लागत आहे.

Leopard CCTV Video: बिबट्याची दहशत सुरूच; देवरुखच्या साडवली परिसरातील थरारक दृश्य CCTV मध्ये, तातडीने पिंजरा लावण्याची मागणी

१ ऑक्टोबरपासून स्मार्ट कार्डच्या वापराबाबत सक्ती करण्यात आल्याने निष्क्रय कार्डधारकांची अडचण अधिक वाढली आहे. कार्ड मशीनमध्ये स्वीकारले जात नसल्यास वाहकांकडून पूर्ण भाडे आकारले जात असल्याने प्रवासी आणि वाहक यांच्यात वादाचे प्रसंग निर्माण होत आहेत. विशेषतः ग्रामीण भागातील ज्येष्ठ नागरिक, महिला आणि इतर सवलतधारकांना याचा मोठा फटका बसत आहे.  (फोटो सौजन्य – AI Created) 

चंद्रपूर जिल्ह्यात एनसीएमसी कार्डसाठी २ लाख ७ हजार ८०७ प्रवाशांनी नोंदणी केली आहे. यामध्ये १ लाख ६२ हजार ७६५ महिला, २२ हजार ९८७ ज्येष्ठ नागरिक, २० हजार ८५२ अमृत योजनेचे लाभार्थी आणि २ हजार २०४ इतर सवलतधारक आहेत. यापैकी १ लाख ६९ हजार ४५५ कार्ड सक्रिय झाले आहेत. सक्रिय कार्डधारकांमध्ये १ लाख ३० हजार ४७० महिला, १९ हजार ९३८ ज्येष्ठ नागरिक, १७ हजार ३४८ अमृत योजनेचे लाभार्थी आणि १ हजार ६९९ इतर सवलतधारकांचा समावेश आहे.

नोंदणी आणि प्रत्यक्ष सक्रियता यामध्ये मोठी तफावत

नोंदणी आणि प्रत्यक्ष सक्रियता यामध्ये मोठी तफावत असल्याने योजनेच्या अंमलबजावणीवर प्रश्नचिन्ह उपस्थित झाले आहे. कार्डसाठी प्रक्रिया पूर्ण करूनही सवलत मिळत नसल्याने प्रवाशांना पूर्ण भाडे मोजावे लागत आहे. त्यामुळे निर्षक्रय कार्डाचा प्रश्न तातडीने निकाली काढून सर्व पात्र प्रवाशांना सवलतीचा लाभ मिळवून द्यावा, अशी मागणी होत आहे.

बाणगंगा तलावातील जलजीवन धोक्यात? मृत माशांचा खच, Mangal Prabhat Lodha यांनी केली पाहणी

सवलतीपासून कोण वंचित?

२ लाख ७ हजार ८०७ नोंदणीकृत प्रवाशांपैकी १ लाख ६९ हजार ४५५ कार्ड सक्रिय झाले आहेत. त्यामुळे ३८ हजार ३५२ प्रवाशाची कार्ड अद्याप सक्रिय होणे बाकी आहे. या प्रवाशांना कार्ड सक्रिय होईपर्यंत प्रवासादरम्यान सवलतीचा लाभ मिळण्यात अडचणी येत आहेत.

(डिस्क्लेमर: हे नवराष्ट्र वृत्तपत्राचे स्वयंचलित न्यूज फीड आहे. ते navarashtra.com च्या कर्मचाऱ्यांनी संपादित केलेले नाही.)