मुंबई : राज्यात सत्तांतर होऊन आता चार महिने होत आहेत, महाविकास आघाडी सरकार कोसळून भाजप व एकनाथ शिंदे बंडाळी गट (BJP and Shinde Group) यांचे सरकार आले आहे. आणि मुख्यमंत्री म्हणून एकनाथ शिंदे (CM Eknath Shinde) यांची नियुक्ती करण्यात आली आहे, तर उपमुख्यमंत्री म्हणून देवेंद्र फडणवीस (Vice CM Devendra fadnvis) यांनी पदभार स्विकारला आहे. यानंतर शिंदे-फडणवीस सरकारने कामाचा धडाका सुरु केला आहे. यातच विरोधक आणि सत्ताधारी अनेकवेळा भिडले आहेत. दरम्यान आज मुख्यमंत्र्यांना जीवे मारण्याची धमकी आली आहे. यावर आता मुख्यमंत्री एकनाथ शिंदेंची प्रतिक्रिया समोर आली आहे. मी कुणालाही घाबरत नाहीय, तसेच माझ्यावर धमक्यांचा परिणाम होत नाही, अनेकदा धमक्या आल्या आहेत, अशी प्रतिक्रिया मुख्यमंत्री एकनाथ शिंदे यांनी दिली आहे.
[read_also content=”दक्षिण आफ्रिकेविरुद्धच्या दुसऱ्या सामन्यासाठी ‘या’ भारतीय खेळाडूला मिळाली संधी https://www.navarashtra.com/sports/this-player-chance-for-south-africa-second-match-332134.html”]
मुख्यमंत्री एकनाथ शिंदेंना जीवे मारण्याचा धमकीचा निनावी फोन आला आहे. (Death threats phone call) स्फोट घडवून जीवे मारण्याची धमकी शिंदेंना देण्याती आली आहे. यामुळं ठाण्यातील घरी व वर्षा शासकीय निवासस्थानी सुरक्षा वाढवली आहे. या धमकीची गुप्तचर विभागाला मिळाली माहिती आहे, एका महिन्यापूर्वीच जीवे मारण्याची धमकीचं पत्र आलं होतं. त्यानंतर आता धमकीचा निनावी फोन आला आहे, त्यामुळं मुख्यमंत्री एकनाथ शिंदेंची सुरक्षा वाढवण्यात आली आहे. याआधी सुद्धा शिंदेंना नक्षलवाद्यांकडून जीवे मारण्याची धमकी आली होती. धमकीचा निनावी फोन कोणी केला याचा पोलीस शोध घेताहेत.
.png "Videos"){kind=small}
