Cyclone Shakti: महाराष्ट्रावर मोठं संकट! मुंबईसह ‘या’ जिल्ह्यांना शक्ती वादळाचा धोका, आयएमडीने दिला अलर्ट

Cyclone Shakti Alert : हवामान विभागाकडून 'शक्ती' चक्रीवादळाचा इशारा जारी करण्यात आला आहे. 'शक्ती' चक्रीवादळाचा परिणाम महाराष्ट्रातील काही जिल्ह्यांमध्ये ४ ऑक्टोबर ते ७ ऑक्टोबर दरम्यान जाणवू शकतो.

Cyclone Shakti Alert News in Marathi : मान्सून संपला असला तरी, देशाच्या अनेक भागात पाऊस सुरूच आहे. याचदरम्यान आता भारतीय हवामान विभागाने (IMD) ‘शक्ती’ चक्रीवादळाचा इशारा जारी केला आहे. हवामान विभागाने दिलेल्या माहितीनुसार, महाराष्ट्रातील काही निवडक जिल्ह्यांमध्ये या चक्रीवादळाचा परिणाम जाणवू शकतो, ज्यामुळे मुसळधार पाऊस आणि जोरदार वारे वाहण्याची शक्यता आहे. आयएमडीच्या मते, ‘शक्ती’ चक्रीवादळाचा परिणाम ४ ऑक्टोबर ते ७ ऑक्टोबर दरम्यान महाराष्ट्रातील काही जिल्ह्यांमध्ये जाणवू शकतो.

“भाजपा मित्र उद्योजकाला कंत्राट देण्यासाठी कुकर्म…”, मिठी नदी स्वच्छता, निविदा प्रक्रियेत घोळ

या जिल्ह्यांवर परिणाम

आयएमडीने मुंबई, रायगड, रत्नागिरी, पालघर आणि सिंधुदुर्ग या किनारी जिल्ह्यांसाठी अलर्ट जारी केला आहे. ४ ते ५ ऑक्टोबर दरम्यान या जिल्ह्यांमध्ये शक्ती चक्रीवादळामुळे ताशी ४५-६५ किलोमीटर वेगाने वारे वाहण्याची शक्यता आहे.

मच्छिमारांसाठी इशारा

आयएमडीनुसार वाऱ्याचा वेग आणखी वाढू शकतो. यामुळे मुसळधार पाऊस व सोसाट्याच्या वाऱ्याचा फटका बसणार आहे. मच्छिमारांना समुद्रापासून दूर राहण्याचा इशारा देण्यात आला आहे. हवामान खात्याने पूर्व विदर्भ आणि मराठवाड्यासह उत्तर कोकण भागात मुसळधार ते अतिमुसळधार पावसाचा इशारा जारी केला आहे.

सरकारने सूचना जारी

शक्ति चक्रीवादळामुळे कोकण किनाऱ्यावर दाट ढगांसह मुसळधार पाऊस पडण्याची शक्यता आहे. शक्तीला तोंड देण्यासाठी महाराष्ट्र सरकारनेही तयारी सुरू केली आहे. या चक्रीवादळाच्या काळात महाराष्ट्र सरकारने पर्यटकांसाठी विशेष इशारा जारी केला आहे, ज्यामध्ये लोकांना समुद्रकिनाऱ्यांपासून दूर राहण्याचा सल्ला देण्यात आला आहे.

यंदा October Heat पासून दिलासा

नैऋत्य मान्सून परतल्यानंतर ऑक्टोबरमध्ये कडक उन्हाचा सामना करावा लागतो. मात्र यंदा ऑक्टोबर २०२५ पावसाळ्याच्या आणि तापमानाच्या अंदाजात, भारतीय हवामानशास्त्र विभागाने (IMD) म्हटले आहे की, राज्यासह देशातील बहुतेक भागात ऑक्टोबर ते डिसेंबर या कालावधीत सामान्यपेक्षा जास्त पाऊस पडण्याची शक्यता आहे, कमाल तापमान सामान्यपेक्षा कमी किंवा सामान्य पातळीच्या जवळ राहील.

महाराष्ट्रात ऑक्टोबर आल्हाददायक राहील

“ऑक्टोबर, नोव्हेंबर आणि डिसेंबरसाठी मल्टी-मॉडेल एन्सेम्बल तंत्राचा वापर करून तयार केलेल्या अंदाजांवरून असे दिसून येते की महाराष्ट्रात सामान्यपेक्षा जास्त पाऊस पडण्याची अपेक्षा आहे. फक्त वायव्य भारताच्या काही भागात, राजस्थान, हरियाणा, चंदीगड, दिल्ली, पंजाब, हिमाचल प्रदेश आणि उत्तराखंडमध्ये सामान्यपेक्षा कमी पाऊस पडण्याची अपेक्षा आहे.” आयएमडीच्या दीर्घकालीन अंदाजानुसार, ऑक्टोबरमध्ये देशात सरासरीपेक्षा ११५ टक्के जास्त पाऊस पडू शकतो. “भारताचा बहुतांश भाग ऑक्टोबरमध्ये सामान्यपेक्षा जास्त पाऊस पडेल,” असे महापात्रा म्हणाले. “याचा अर्थ असा की पावसाळा सुरूच राहील, जो शेती आणि पाण्याच्या उपलब्धतेसाठी फायदेशीर आहे, परंतु त्यामुळे पूर येण्यासारखे धोके देखील निर्माण होऊ शकतात.”

तोरणगण घाटात सलग तीन वाहनांचा अपघात; सुदैवाने जीवितहानी नाही