Pune ZP News: दौंडला मिळाले पुणे जिल्हा परिषदेचे अध्यक्षपद! पवार कुटुंबाचा विश्वासू चेहरा

गेल्या चार वर्षांच्या प्रतिक्षेनंतर पुणे जिल्हा परिषदेला अध्यक्ष आणि उपाध्यक्ष मिळणार आहेत. अध्यक्षपद आणि उपाध्यक्षांची निवड निश्चित झाली असली तरी त्यासाठी होणारी निवडणुकीची औपचरिकता मात्र होणार आहे.

• पुणे जिल्हा परिषदेच्या अध्यक्षपदी वीरधवल जगदाळे आणि उपाध्यक्षपदी विवेक वळसे पाटील यांची वर्णी
• जिल्हा परिषद निवडणुकीत राष्ट्रवादी काँग्रेसने ७३ पैकी ५१ जागा जिंकून आपले एकहाती वर्चस्व राखले
• उपमुख्यमंत्री अजित पवार यांच्या निधनानंतर झालेल्या या निवडणुकीत पक्षाने आपला बालेकिल्ला शाबूत

Pune ZP News: पुणे जिल्हा परिषदेवर राष्ट्रवादी काँग्रेसची एकहाती सत्ता आली. त्यानंतर जिल्हा परिषदेचे अध्यक्षपद कोणत्या नेत्याला मिळणार, याबाबत अनेक प्रश्न उपस्थित होत होते. अखेर पुणे जिल्हाचे अध्यक्षपद आणि उपाध्यक्षपदांवर नियुक्त्या करण्यात आल्या आहे. यावेळी पुणे जिल्हा परिषदेचे अध्यक्षपद दौंड तालुक्याला मिळाले आहे. दौंडचे वीरधवल जगदाळे यांची अध्यक्षपदी, तर आंबेगाव तालुक्याचे विवेक वळसे पाटील यांच्या नावाची घोषणा करण्यात आली आहे.

गेल्या अनेक वर्षांपासून पुणे जिल्हा परिषद ही राष्ट्रवादी काँग्रेसचा बालेकिल्ला मानला जातो. जिल्हा परिषद निवडणुकीच्या प्रचारादरम्यानच उपमुख्यमंत्री अजित पवार यांचे विमान अपघातात निधन झाले. त्यानंतर झालेल्या निवडणुकीत राष्ट्रवादीने पुन्हा एका जिल्हा परिषदेवर आपले वर्चस्व प्रस्थापित केलं आहे. दरम्यान, विद्यमान उपमुख्यमंत्री सुनेत्रा पवार यांच्याकडून अध्यक्षपदी कुणाला संधी मिळणार, याबाबत राजकीय वर्तुळात जोरदार चर्चा सुरू होती. महत्त्वाची बाब म्हणजे, शरद पवार यांच्या राष्ट्रवादीतील उमेदवारांनीही घड्याळाच्या चिन्हावर निवडणूक लढवली होती. त्यामुळे या पक्षातील नेत्यालाही जिल्हा परिषदेवर संधी मिळणार का, असा प्रश्न विचारला जात होता.

Pune Politics: पुणे महापालिकेत महायुतीत बिघाडी? आठवले गटाची भाजपवर उघड नाराजी

अखेर, राष्ट्रवादी काँग्रसने इंदापूर तालुक्यातील जिल्हा परिषद सदस्य श्रीमंत ढोले यांची पक्षाच्या गटनेतेपदी निवड केली. त्यामुळे अध्यक्षपदासाठी श्रीमंत ढोले यांच्याही नावाची चर्चा होती. पण गटनेतेपदी निवड करण्यात आलेला नेते अध्यक्ष होईल, असे नाही असे सांगण्यात आले. त्यानंतर ढोले यांना अध्यक्षपद मिळणार नसल्याचे स्पष्ट झाले.

गेल्या चार वर्षांच्या प्रतिक्षेनंतर पुणे जिल्हा परिषदेला अध्यक्ष आणि उपाध्यक्ष मिळणार आहेत. अध्यक्षपद आणि उपाध्यक्षांची निवड निश्चित झाली असली तरी त्यासाठी होणारी निवडणुकीची औपचरिकता मात्र होणार आहे. जिल्हा परिषदेच्या अध्यक्षपदाच्या या निवडणुकीसाठी जिल्हाधिकारी जितेंद्र डुडी हे पीठासीन अधिकारी म्हणून काम करतील. अध्यक्षपदाच्या निवडीसाठी सकाळी ११ ते दुपारी १ या वेळेत उमेदवारी अर्ज स्वीकारले जातील. त्यानंतर दुपारी ३ वाजता विशेष सभा सुरू होईल, त्यानंतर अर्जांची छाननी होईल. उमेदवारी अर्जांच्या छाननीनंतर १५ मिनिटांचा वेळ दिला जाईल. त्यानंतर अंतिम यादी जाहीर केली जाईल. हात उंचावून मतदान घेतले जाईल. पण एकच अर्ज आल्यास ही निवड बिनविरोध घोषित केली जाईल.

Maharashtra Weather Alert: पुढील 48 तास धोक्याचे! वादळी पाऊस आणि गारपिटीचा धोका वाढला, 21 जिल्ह्यांना येलो अलर्ट

पण ही निवडणुकीची प्रक्रिया केवळ औपचारिकता आहे. ड तालुक्यातील खडकी-देऊळगाव गटातून विजयी झालेले वीरधवल जगदाळे यांची पुणे जिल्हा परिषदेच्या अध्यक्षपदी निवड निश्चित झाल्याने त्यांच्या कार्यकर्त्यांमध्ये उत्साहाचे वातावरण आहे. त्यांच्या नवाची घोषणा होताच कार्यकर्त्यांनी मोठा जल्लोष केला. वीरधव जगदाळे हे अजित पवार यांचे विश्वासू सहकारी मानले जातात. जगदाळे हे सलग तीन वेळा जिल्हा परिषदेवर निवडून गेले आहेत. त्यांना प्रशासकीय कामाचाही चांगला अनुभव आहे.

तसेच, पवार कुटुंबाशी त्यांचे अत्यंत निकटचे संबंध असल्याने त्यांच्या नावावर शिक्कामोर्तब करण्यात आल्याचे राष्ट्रवादीच्या नेत्यांचे म्हणणे आहे. दौंडला दुसऱ्यांदा जिल्हा परिषदेचे अध्यक्षपद मिळाले असून, यापूर्वी वैशाली आबणे या पदावर कार्यरत होत्या. अनेक वर्षांनंतर दौंड शहराला लाल दिवा मिळाल्याने कार्यकर्त्यांनी फटाके फोडून आनंद व्यक्त केला.