First Nepal, then Kerala, finally Niranjan of Bhatukali will return again to the soil of Amravati; Arrangements made by Guardian Minister Yashomati Thakur
अमरावती: श्रीशिवप्रतिष्ठान हिंदुस्थान संघटनेचे संस्थापक संभाजी उर्फ मनोहर भिडे (Sambhaji Bhide) यांनी महात्मा गांधींच्या संदर्भात केलेल्या आक्षेपार्ह विधानानंतर माजी मुख्यमंत्री पृथ्वीराज चव्हाण यांनी विधानसभेत आक्रमक होत संभाजी भिडेंवर अटक करण्याची मागणी केली होती. यानंतर त्यांना ‘गुरुजींना अटक करण्याची भाषा करता तुम्हाला जगायचे आहे का’? अशा धमकीचा ई-मेल आल्याने एकच खळबळ उडाली आहे. ही घटना ताजी असताना, आता माजी मंत्री व काँग्रेस नेत्या अमरावतीच्या (Amravati) तिवसा मतदारसंघाच्या काँग्रेसच्या आमदार यशोमती ठाकूर (MLA Yashomati Thakur) यांना जीवे मारण्याची धमकी आली आहे. ट्विटरवरुन त्यांना जीवे मारण्याची धमकी देण्यात आली आहे. ((Death threat to Yashomati Thakur on Twitter, police search for the person who threatened))
संभाजी भिडेविरोधात घेतली होती आक्रमक भूमिका
दरम्यान, संभाजी भिडे यांनी महात्मा गांधी (Mahatma Gandhi) यांच्याबद्दल अमरावतीमध्ये वादग्रस्त वक्तव्य केले होते. संभाजी भिडे यांच्याविरोधात आंदोलन करताना यशोमती ठाकूर यांनी आक्रमक होत हरामखोरे असं वक्तव्य केले होते. यावरुन यशोमती ठाकूर यांना ट्विटरवरून धमकी आले असल्याचे सांगितले जात आहे. यशोमती ठाकूर यांना धमकीचे ट्वीट आल्यानंतर त्यांच्या निवासस्थानी पोलिसांचा बंदोबस्त वाढवण्यात आला आहे. दुसरीकडे संभाजी भिडेंना अटक व्हावी यासाठी आज यशोमती ठाकूर अमरावतीत आंदोलन करत आहेत.
तुमचा दाभोळकर करु…
तुमचा देखील दाभोळकर करु…, ‘दाभोळकर असाच ओरडत होता. एक दिवस जन्नतमध्ये पाठवला. टराटरा फाडून टाकला. हरामखोर कोण आहे बाई स्पष्ट करा.’ अशा शब्दात हे ट्वीट करत त्यांना धमकी देण्यात आली आहे. कैलास सूर्यवंशी नावाच्या तरुणाने ट्विटरवरून ही धमकी दिली आहे. सध्या या धमकी प्रकरणी अमरावती पोलिसांकडून तपास सुरु आहे. अशी माहिती मिळाली आहे. दरम्यान, माजी मुख्यमंत्री पृथ्वीराज चव्हाण यांना काल धमकीचा मेल आल्याची घटना ताजी असताना, आता माजी मंत्री व काँग्रेस नेत्या अमरावतीच्या (Amravati) तिवसा मतदारसंघाच्या काँग्रेसच्या आमदार यशोमती ठाकूर (MLA Yashomati Thakur) यांना जीवे मारण्याची धमकी आली आहे. त्यामुळं एकच खळबळ उडाली आहे.
.png "Videos"){kind=small}
