Devendra Fadnavis : भाजप कार्यकर्त्यांच्या मेळाव्यात देवेंद्र फडणवीस यांनी संबोधित करताना आरक्षणावरून मोठे वक्तव्य करीत शरद पवारांवर जोरदार हल्लाबोल केला. शरद पवार यांना कधीच मराठा आरक्षण द्यायचे नव्हते. आणि ते त्यांनी कधी दिलेच नाही. मंडल आयोगाच्या बैठकीत ते सांगू शकले असते, परंतु त्यांनी ते केले नाही. एवढेच नाही तर सुप्रिया सुळेंनी महाविकास आघाडीचे सरकार असताना सुप्रिया सुळेंनी आरक्षणाशिवाय दुसरे प्रश्नच नाहीत का, असे वक्तव्य करीत या प्रश्नाला बगल दिली होती. तसेच, शरद पवारांना या दोन समाजाला केवळ झुलवत ठेवायचे आहे.
मराठा आरक्षणाला मोठा शरद पवारांचा विरोध
मराठा आरक्षणाला सर्वात मोठा विरोध शरद पवार (sharad Pawar) यांनी केला असल्याचं मोठं वक्तव्य राज्याचे उपमुख्यमंत्री देवेंद्र फडणवीस (Devendra Fadnavis) यांनी केलं. स्वत:च्या नेतेपदासाठी शरद पवारांनी दोन समाजाला झुंझवत ठेवल्याचे फडणवीस म्हणाले.
शरद पवारांना फक्त दोन समाजाला झुंझवत ठेवायचे
मराठा आरक्षणाशिवाय दुसरे प्रश्न नाहीत का? असं वक्तव्य सुप्रिया सुळे यांनी केल्याचे देवेंद्र फडणवीस म्हणाले. शरद पवार यांच्या मनात असतं तर त्यांनी मंडल आयोगाच्या वेळीच मराठा समाजाला आरक्षण दिले असते असे फडणवीस म्हणाले. त्यांना कधी मराठा समाजाला आरक्षण द्यायचेच नव्हतं. त्यांना फक्त दोन समाजाला झुंझवत ठेवायचे होते असे म्हणत फडणवीसांनी शरद पवारांवर टीका केली.
.png "Videos"){kind=small}
