खोक्याचा आका कोण? सुरेश धस किती धुतल्या तांदळाचे!', धनंजय मुडेंचे बंधू अजय मुंडेंचे गंभीर आरोप
संतोष देशमुख हत्या प्रकरण आणि वाल्मिक कराडवरून धनंजय मुंडेवर भाजपचे आमदार सुरेश धस सातत्यांने आरोप करत आहेत. धनंजय मुंडे यांनी मंत्रिपदाचा राजीनामाही दिला आहे. त्यानंतर सुरेश धस यांनी मुंडेंच्या मातोश्री शेतावरील घरावर का रहायला गेल्या? असा आरोप केला होता. त्यावर धनंजय मुंडेंचे बंधू अजय मुंडेंनी पत्रकार परिषद घेत सर्व आरोपांचं खंडन केलं आहे. खोक्याचा आका कोण? सुरेश धस यांना सुद्धा सह आरोपी करण्याची मागणी केली आहे.
”मागील दोन दिवसांपासून सुरेश धस यांची मुलाखत पाहात आहे. त्यात धनंजय मुंडे यांच्या आईबद्दल ते बोलत आहेत.आमच्या बाई परळीला राहात होत्या. त्यांचे चुलत भाऊ नाराज आहेत. कौटुंबिक कलह असल्याचा आरोप केला. पण आमच्या बाई परळीत राहत होत्या. मात्र त्या गावी राहात आहेत. धनंजय मुंडे त्यांच्या आई सोबतच राहतात. धस यांच्या आरोपांना अर्थ नाही. आमच्या बाई त्याच्या विषयी जे बोलले गेले. किती दिवस गप्प बसायचे. त्यांचे सर्व कार्यकर्ते गप्प बसणार. देशमुख यांच्या प्रकारात न्याय मिळाला पाहिजे. धनंजय मुंडे नेतृत्व व्हायला 20 वर्ष लागली. त्यांच्यावर आरोप नसताना त्यांना बदनाम केलं जात आहे. ते अनेक आजाराला सामोरे जात आहेत. आमचं कुटुंब त्यांच्या नाराज नाही. आम्ही सर्वजण त्यांच्या सोबत आहोत. आमच्या घराच काम सुरू आहे. गावाला जाऊन राहणं गुन्हा आहे का? धनंजय मुंडे देखील तिथेच राहतात”
”सुरेश धस यांचा जावई शोधा. संतोष देशमुख यांना न्याय मिळाला पाहिजे. त्यामुळे आम्ही बोलत नाही. सुरेश धस किती धुतल्या तांदळाचे आहेत हे माहीत आहे. त्या खोक्याचा आका नक्की कोण आहे. सुरेश धसांना खोक्या प्रकरणात सह आरोपी केलं पाहिजे. आमच्यावर आता कौटुंबिक आरोप केले जात आहेत. मात्र त्याला काही अर्थ नाही. कोणी तरी बोललं पाहिजे म्हणून मी इथे बोलायला आलो आहे. आरोप पत्र आम्ही पूर्ण वाचलं नाही. ज्यांच्यावर आरोपी आहेत त्यांना कडक शासन झालं पाहिजे, ही आमची मागणी आहे. धनंजय मुंडे यांना बदनाम केलं जात आहे”
बीडच्या मस्साजोगमध्ये जी घटना झाली दुर्दैवी आहे, मात्र नाहक बदनामी सुरू आहे. सुरेश धस यांनी पुरावे दिले पाहिजेत. कोणाकडे किती टिप्पर आहे, याबाबत त्यांनी rc बुक ची मागणी केली पाहिजे. आज कुटुंबावर आले म्हणून पुढे येऊन बोलत आहोत. माझ्या मोठ्या बहीण भावा बद्दल बोलण संयुक्तिक वाटत नाही, असंही अजय मुंडे यांनी पत्रकार परिषदेत स्पष्ट केलं.
.png "Videos"){kind=small}
