'वाह रे बीड'! हवेत गोळीबार करून Video काढणाऱ्या धनंजय मुंडेंच्या कार्यकर्त्याला पोलिसांनी उचललं
गुन्हेगारीच्या घटनांवरून बीड जिल्हा सध्या राज्यात चर्चेचा मुद्दा बनला आहे. सरपंच संतोष देशमुख यांच्या हत्येनंतर वाल्मिक कराड आणि मंत्री धनंजय मुंडे यांच्यावर आरोप होत असतानाच आता दुसरा व्हिडिओ समोर आला आहे. हवेत गोळीबार करून व्हिडीओ काढणाऱ्या राष्ट्रवादी अजित पवार गटाचे मंत्री धनंजय मुंडे यांच्या कार्यकर्त्यावर गुन्हा दाखल करण्यात आला असून परळी पोलिसांनी आज (दि.26) त्याला अटक केली आहे.
धनंजय मुंडे यांचा कार्यकर्ता कैलास फड याचा हवेत गोळीबार करतानाचा व्हिडिओ सामाजिक कार्यकर्त्या अंजली दमानिया यांनी ट्विट केला होता. या व्हिडिओच्या आधारे पोलिसांनी परळी शहर पोलीस ठाण्यात गुन्हा दाखल केला होता. आता याच कैलास फडला परळी पोलिसांनी ताब्यात घेतलं आहे. दरम्यान न्यायालयात हजर केले असताना कैलास फडला एक दिवसांची पोलीस कोठडीही सुनावण्यात आली आहे. त्याच्याकडून परवानाधारक पिस्तूल पोलिसांनी ताब्यात घेण्यात आलं आहे.
ब्रेकिंग
हवेत गोळीबार करून व्हिडिओ काढणाऱ्या धनंजय मुंडे यांच्या कार्यकर्त्यावर गुन्हा दाखल
राष्ट्रवादी अजित पवार गटाचे मंत्री धनंजय मुंडे यांचा कार्यकर्ता कैलास फड याचा हवेत गोळीबार करतानाचा व्हिडिओ ट्विट केला होता . या व्हिडिओच्या आधारे पोलिसांनी परळी शहर पोलीस ठाण्यात… pic.twitter.com/dlOjd5xv1k
— Mrs Anjali Damania (@anjali_damania) December 24, 2024
सामाजिक कार्यकर्त्या अंजली दमानिया यांनी X प्लॅटफॉर्मवर हा व्हिडिओ शेअर करत गंभीर आरोप केले आहेत. “वाह रे बीड आणि वाल्मिक कराडांची दहशत ! आणि एक पिस्तुल धारी . दाउतपुर ता.परळी येथील सरपंच कांता फड व मुलगा कुणाल फड अवैध शस्त्र बाळगून दहशत पसरवतात ? वाल्मीक कराड व धनंजय मुंडे यांच्या छत्रछायेखाली? ही तक्रार सुद्धा एसपी नवनीत कावत यांना दिली. कारवाईची अपेक्षा” असं त्यांनी म्हटलं होतं. त्यानंतर पोलिसांकडून फड यांच्यावर गुन्हा दाखल करण्यात आला असून त्याला अटक देखील करण्यात आली आहे.
Explainer : हिवाळ्यातच का वाढतो हवा प्रदूषणाचा धोका?; थंड हवेशी काय आहे संबंध? वाचा सविस्तर
तसंच महाराष्ट्रातील सर्व शस्त्र परवान्यांची ताबडतोब चौकशी लावा. जिथे गरज नाही असे सगळे शास्त्र परवाने रद्द करा. महाराष्ट्र छत्रपती शिवाजी महाराजांचा आहे गुंडांचा नाही. इन्स्टाग्रामवर अशी reels दाखवल्यावर नवी पिढी यातून कोणती प्रेरणा घेणार? कष्ट न करता पिस्तुल दाखवून पैसे कमावणं, त्यांना सोपं असेच त्यांना वाटते. आपला देश असा असणार आहे का ? हे देशाबद्दल vision असणार आहे का ? ताबडतोब बीड मधील सगळ्या शस्त्र परवान्यांची चौकशी लावा. गरज नसलेले सगळे परवाने रद्द करा, अशी मागणी त्यांनी मुख्यमंत्री देवेंद्र फडणवीस यांच्याकडे केली आहे.
.png "Videos"){kind=small}
