साईबाबाचं दर्शन घेऊन परत जाताना कारला भीषण आग; शिक्षकाचा होरपळून मृत्यू
शिर्डीवरून साईबाबाचं दर्शन घेऊन जाणाऱ्या शिक्षकावर काळाने घाला घातला आहे. घरी परत जाताना कारला अचानक आग लागल्या यात होरपळून त्यांचा मृत्यू झाला आहे. या गाडीतून प्रवास करणारे अन्य दोघं मात्र आश्चर्यकारकरित्या बचावले आहेत. धाराशिवमधील उमरगा -हैदराबाद राष्ट्रीय महामार्गावरील दाबका गावाजवळ ही दुर्घटना घडली. उमरगा पोलीस घटनास्थळी दाखल झाले असून वाचलेल्या दोन्ही व्यक्ती उडवाउडवीची उत्तरे देत असल्याने घातपात असल्याचा संशय बळावला आहे. मयत व्यक्ती हैदराबाद येथील शिक्षक असल्याचं समोर आलं आहे.
देवदर्शनास जाताना भीषण अपघात; 4 वर्षांच्या बालकाचा मृत्यू तर 7 जण गंभीर
घटनास्थळावरून मिळालेल्या माहिनुसार, हैदराबाहून तीन जण शिर्डी येथे साईबाबाच्या दर्शनासाठी आले होते. दर्शनानंतर तीघंही हैदरबादकडे परत निघाले होते. दरम्यान उमरगा -हैदराबाद राष्ट्रीय महामार्गावरील दाबका गावाजवळ असताना कारने अचानक पेट घेतला. काही समजण्याच्या आत संपूर्ण कारने पेट घेतला. यात दोन जण कसेतरी कारमधून बाहेर पडले मात्र एकाला बाहेर पडता आलं नाही. त्यांचा होरपळून मृत्यू झाला. घटनेची माहिती मिळताच उमरगा पोलीस ठाण्याचे पोलिस तात्काळ घटनास्थळी दाखल झाले. मृतदेह ताब्यात घेतला आणि पोस्टमार्टमसाठी पाठवण्यात आला. दरम्यान यातून बचावलेल्या दोघांना पोलिसांनी चौकशीसाठी ताब्यात घेतलं आहे. त्यांची चौकशी केली असता त्या दोघांनी उडवाउडवीची उत्तरं दिली. त्यामुळे अपघात की घातपात याबाबत संशय व्यक्त करण्यात येत आहे.
मोठी बातमी! तलावात पोहायला गेले अन् दमछाक झाली; ४ शाळकरी मुलांचा बुडून दुर्दैवी मृत्यू
पोलिसांनी सांगितलं की, आम्ही सर्व बाजूंनी या प्रकरणाचा तपास करत आहे. कार दुर्घटनेतून वाचलेल्या दोघांची कसून चौकशी करण्यात येत आहे. दोघांच्या उत्तरांमध्ये विसंगती आढळलाी. त्यामुळे आणखी कसून चौकशी करण्यात येणार असल्याचं उमरगा पोलिसांनी सांगितले. दरम्यान, दुर्घटनेनंतर मृतदेह शवविच्छेदनासाठी शासकीय रुग्णालयात पाठवण्यात आला असून आगीचं नेमके कारण पोलिसांकडून शोधण्यात येत आहे.
.png "Videos"){kind=small}
