इको कारचा टायर फुटला; कार पलटी, बुलेटस्वार जखमी

सातारा- पुणे महामार्गावर इको कारचा टायर फुटल्याने समोर चालणाऱ्या बुलेटवर आदळून कार पलटी होऊन डिवाडरला धडकल्याने त्यामधील दोन महिलासह चालक आणी बुलेटस्वार गंभीर जखमी झाले.

वाई : सातारा- पुणे महामार्गावर इको कारचा टायर फुटल्याने समोर चालणाऱ्या बुलेटवर आदळून कार पलटी होऊन डिवाडरला धडकल्याने त्यामधील दोन महिलासह चालक आणी बुलेटस्वार गंभीर जखमी झाले. या घटनेची माहिती भुईंज पोलिसांना समजताच टीम अपघात स्थळावर दाखल होऊन जखमींना तातडीने ऊपचारासाठी सातारा येथील शासकीय रुग्णालयात रुग्णवाहिकेतून पाठवले .

अपघातात दोन महिलांचा समावेश होता. भुईंज पोलिसांनी दिलेल्या माहितीनुसार, जिता ता. पेण जिल्हा रायगड येथील रहिवासी असलेले येथून अंजना विकला म्हात्रे वय ४३, रतन किशोर ठाकुर, ५२ किशोर केशव ठाकुर वय ५९, विलास शिवाजी म्हात्रे वय ४५ असे चार जण इको कार क्र.एम.एच.०६ ऐ. झेड १९३३ मधून कराड येथे औषधे ऊपचारासाठी निघाले असता, त्यांची कार भुईंज ता. वाई गावच्या हद्दीतील भुईंज पोलिस ठाण्यापासून २०० मिटर अंतरावर सकाळी १० वाजून ५५ मिनिटांनी आली असता, कारचा पाठीमागील चालक बाजूचा टायर फुटल्याने चालकाचा कारवरील ताबा सुटल्याने कार समोर चालत असणाऱ्या बुलेटवर जाऊन आदळल्याने बुलटस्वार निलेश श्रीपाल मुगदुम वय ४४ रा. पुणे महामार्गावर फरफटत गेला आणी कार डिवाडरला जाऊन धडकुन ती पलटी झाल्याने कारमधील आणी बलेटस्वार असे सर्वजण गंभीर जखमी झाले आहेत.

[read_also content=”झेडपी आरोग्य भरतीची परीक्षा ‘या’ कारणामुळे ढकलली पुढे https://www.navarashtra.com/maharashtra/zp-health-recruitment-exam-postponed-due-to-this-reason-nrdm-324341.html”]

दरम्यान सर्व जखमींना भुईंज पोलिसांनी रुग्णवाहिकेतून सातारा येथील सातारा हॉस्पिटल मध्ये ऊपचारासाठी दाखल केले आहे. या अपघाताची नोंद भुईंज पोलिस ठाण्यात झाली आहे. महा मार्गावरील अपघातग्रस्त वाहने भुईंज पोलिस कर्मचाऱ्यांनी उचलुन बाजुला काढुन काही वेळातच तुंबलेली वाहतूक सुरळीत केली.