फडणवीस सरकारचा धमाका! एकाच दिवसात ३४ हजार कोटींची गुंतवणूक, ३३ हजार नवीन नोकऱ्यांची निर्मिती

महाराष्ट्र सरकारची ऐतिहासिक कामगिरी! एकाच दिवसात १७ सामंजस्य करारांवर स्वाक्षरी करून ३४,००० कोटी रुपयांची गुंतवणूक राज्यात आणली. यामुळे ३३,००० नवीन रोजगार निर्माण होणार. वाचा, कोणत्या जिल्ह्यांना मिळणार सर्वाधिक फायदा.

1. फडणवीस सरकारचा धमाका!
2. एकाच दिवसात ३४ हजार कोटींची गुंतवणूक
3. कोणत्या जिल्ह्यांत किती गुंतवणूक?

महाराष्ट्रासाठी शुक्रवारचा दिवस खूप महत्त्वाचा ठरला. राज्य सरकारने आज (२९ ऑगस्ट) विविध कंपन्यांसोबत जवळपास ३४,००० कोटी रुपयांच्या गुंतवणुकीसाठी वेगवेगळ्या क्षेत्रांत १७ सामंजस्य करारांवर (MoU) स्वाक्षरी केली. या गुंतवणुकीमुळे राज्यात सुमारे ३३,००० नवीन रोजगाराच्या संधी निर्माण होणार आहेत.

मुख्यमंत्री देवेंद्र फडणवीस (Devendra Fadnavis) यांनी ही माहिती देताना सांगितले की, राज्य सरकारने एकाच दिवसात गुंतवणुकीशी संबंधित १७ महत्त्वाचे करार केले आहेत. या करारांमुळे सुमारे ३४ हजार कोटी रुपयांची गुंतवणूक महाराष्ट्रात येणार असून, यामुळे अंदाजे ३३ हजार तरुणांना नोकऱ्या मिळतील.

See more

महाराष्ट्र सरकार ने आज विभिन्न कंपनियों के साथ करीब ₹34,000 करोड़ के निवेश हेतु विभिन्न क्षेत्रों में 17 एमओयू पर हस्ताक्षर किए। इन समझौतों के माध्यम से राज्य के विभिन्न क्षेत्रों में लगभग 33,000 नए रोजगार के अवसर सृजित होंगे।

( मुंबई | 29-8-2025)#Maharashtra #Mumbai… pic.twitter.com/eZrcrwfVJf

— Devendra Fadnavis (@Dev_Fadnavis) August 29, 2025

हे देखील वाचा: मोठी बातमी! पुणे-नांदेड विमानसेवा अनिश्चित काळासाठी स्थगित; कारण काय तर, धावपट्टीवर…

कोणत्या जिल्ह्यांत किती गुंतवणूक?

मुख्यमंत्री फडणवीस यांनी सांगितले की, हे सामंजस्य करार इलेक्ट्रिक बस आणि ट्रक, सोलर मॉड्यूल्स, संरक्षण उत्पादन आणि जीसीसी (GCC) सारख्या क्षेत्रातील विश्वासार्ह कंपन्यांसोबत करण्यात आले आहेत.

• उत्तर महाराष्ट्राला मोठा फायदा: यापैकी पाच करार उत्तर महाराष्ट्राशी संबंधित असून, त्यांची एकूण किंमत सुमारे ९,८६६ कोटी रुपये आहे. यात नाशिक, अहमदनगर आणि नंदुरबार जिल्ह्यांत गुंतवणूक होईल.
• पुणे विभागात गुंतवणूक: पुणे विभागासाठी पाच करार झाले असून, त्यातून ११,९६६ कोटी रुपयांची गुंतवणूक येणार आहे.
• विदर्भासाठी सहा करार: विदर्भ विभागासाठी सहा करार करण्यात आले असून, त्यांची एकूण किंमत ११,६४२ कोटी रुपये आहे. गडचिरोली, चंद्रपूर आणि नागपूरसारख्या जिल्ह्यांना याचा मोठा फायदा मिळेल.
• रायगडमध्येही गुंतवणूक: याशिवाय, रायगड जिल्ह्यात जवळपास ३,००० कोटी रुपयांची गुंतवणूक केली जाईल, ज्यामुळे मोठ्या प्रमाणावर तरुणांना रोजगार मिळेल.

एकंदरीत, या गुंतवणुकीमुळे महाराष्ट्राच्या आर्थिक विकासाला गती मिळणार असून, रोजगाराच्या संधींची वाढ होऊन तरुणांना मोठा दिलासा मिळणार आहे.