मोठी बातमी! पुणे-नांदेड विमानसेवा अनिश्चित काळासाठी स्थगित; कारण काय तर, धावपट्टीवर…

१. नांदेड विमानतळाच्या धावपट्टीवॉर आढळून आले खड्डे
२. पुणे-नांदेड विमानसेवा स्थगित
३. डीजीसीएने आदेश दिल्यामुळे सेवा बंद:
|
पुणे: नांदेड विमानतळाच्या धावपट्टीवर खड्डे आढळून आल्याने  ‘डीजीसीए’ (नागरिक हवाई वाहतूक महासंचालनालय) ने नांदेड विमानतळावरची प्रवासी सेवा अनिश्चित काळासाठी स्थगित केली आहे. प्रवाशांच्या सुरक्षेच्या दृष्टीने हा निर्णय घेतला असल्याचे ‘डीजीसीए’ सांगितले आहे. नांदेड विमानतळ बंद झाल्याने याचा थेट फटका पुणे – नांदेड विमानसेवेला बसला आहे. स्टार एअर कंपनीची पुणे – नांदेड विमानसेवा ती देखील अनिश्चित काळासाठी स्थगित करण्यात आली आहे.

पुणे – नांदेड ही  विमानसेवा ‘उडान’ योजनेत असल्याने त्याला प्रवासी तिकीट दर कमी होते. त्यामुळे सामान्य प्रवाशांच्या दृष्टीने ही सेवा किफायतशीर अशी होती. पुणे – नांदेड ही आठवड्यातील तीन दिवस सोमवार,बुधवार व शुक्रवारी अशी होती. अवघ्या ७० मिनिटात कमी खर्चात हा प्रवास होत असल्याने प्रवाशांचा याला चांगला प्रतिसाद होता. मात्र धावपट्टीवर त्रुटी आढळल्याने ही सेवा स्थगित करण्यात आली आहे.

डीजीसीएचा आदेश आणि सेवा बंद

‘डीजीसीए’ ने नांदेड विमानतळावरील सर्व प्रवासी वाहतूक थांबवण्याचे आदेश दिल्याने स्टार एअर कंपनीने आपली पुणे-नांदेड विमानसेवा तात्काळ थांबवली आहे. जोपर्यंत पुढील आदेश येत नाही, तोपर्यंत ही सेवा बंद राहील असे कंपनीने स्पष्ट केले आहे. ही सेवा आठवड्यातून तीन दिवस सुरू होती, ज्यामुळे पुणे आणि नांदेड येथील प्रवाशांना मोठा दिलासा मिळाला होता. मात्र, आता सेवा बंद झाल्याने प्रवाशांची मोठी गैरसोय होणार आहे.

धावपट्टीच्या दुरुस्तीची मागणी 

डीजीसीएच्या या कठोर निर्णयामुळे नांदेड विमानतळावर तातडीने दुरुस्तीची कामे करण्याची आवश्यकता निर्माण झाली आहे. प्रवाशांच्या सुरक्षिततेसाठी ही कार्यवाही अत्यंत महत्त्वाची आहे. नांदेड विमानतळ प्रशासनाने लवकरच दुरुस्तीची कामे हाती घेऊन विमानसेवा पूर्ववत सुरू करावी अशी मागणी आता जोर धरत आहे.

प्रवाशांची गैरसोय

ही सेवा आठवड्यातून तीन दिवस सुरू होती. पुणे आणि नांदेडदरम्यान प्रवास करणारे व्यावसायिक, विद्यार्थी व सामान्य प्रवासी यांना आता रेल्वे अथवा रस्त्याने प्रवास करावा लागणार आहे. पुणे-नांदेड प्रवासाला विमानाने फक्त दीड तास लागत होता; परंतु आता १०-१२ तासांचा प्रवास करावा लागणार असल्याने प्रवाशांनी नाराजी व्यक्त केली आहे.

‘डीजीसीए’ने जाहीर केली ‘बर्ड हिट’

विमान वाहतुकीच्या दृष्टीने पक्ष्यांची धडक ही एक गंभीर आणि धोका निर्माण करणारी बाब मानली जाते. अशा घटनांमुळे विमानाचे उड्डाण किंवा लँडिंग अडचणी तर येतात शिवाय विमानाचा अपघात होण्याचीही भीती असते. यामुळे प्रवाशांच्या सेवेवर प्रश्नचिह्न निर्माण होते. ‘डीजीसीए’ ने प्रसिद्ध केलेल्या आकडेवारीनुसार जानेवारी ते जून २५ पर्यंत देशात सर्वात जास्त पक्ष्याची धडक बसण्याची घटना दिल्ली येथील राजीव गांधी विमानतळावर झाली आहे,तर सर्वात कमी घटना पुणे विमानतळावर घडली आहे.दिल्लीत ४१ तर पुण्यात ११ पक्षी धडकण्याची नोंद झाली आहे.