नाशिक : नाशिक येथील सिन्नर महामार्गावर भीषण अपघात घडला आहे. गुरुवारी दुपारी महामार्गावर जाणाऱ्या एसटी बसने ३ ते ४ दुचाकीस्वारांना चरडल्याची धक्कादायक घटना घडली आहे. या अपघातात तब्बल ६ जणांचा मृत्यू झाल्याची घटना घडली आहे.
सिन्नर महामार्गावरील शिंदे पळसे गावाजवळ हा अपघात झाला असून एस टी बसचा ब्रेक फेल झाल्यामुळे हा अपघात घडल्याचे बोलले जात आहे. अपघातानंतर लगेचच बसने पेट घेतला. या अपघातानंतर बसने पेट घेतल्याने प्रवाशांनी धावत्या बसमधून उडी मारली. सध्या इथे बचावकार्य सुरू आहे. या अपघातात १० ते १२ जण जखमी झाले आहेत. जखमींना जिल्हा रुग्णालयामध्ये उपचारासाठी दाखल करण्यात आलं आहे.
.png "Videos"){kind=small}
