माळेगाव : बारामती तालुक्यातील पाहुणेवाडी परिसरातील तावरे वस्तीमधील बंद घरात भरदिवसा घरफोडी करुन अज्ञात चोरांनी ४५ ग्रॅम सोन्याचे दागिने व रोख रक्कम ३० हजार रुपयांसह २ लाख ५५ हजार रुपयांचा मुद्देमाल चोरुन नेला.
अज्ञात चोरट्या विरोधात गुन्हा दाखल
याबाबत चंद्रकांत बाळासो जाधव (रा.तावरेवस्ती पाहुणेवाडी ता.बारामती) यांनी फिर्याद दिली असून माळेगांव पोलिसांनी अज्ञात चोरट्या विरोधात गुन्हा दाखल केला आहे.फिर्यादी हे शिक्षक असून ते वडील बाळासाहेब नारायण जाधव ,आई सुनीता आणी पत्नीसह रहात आहेत.शेजारी संदीप पोपट तावरे यांच्या लग्नाची सत्यनारायण पुजा असल्याने फिर्यादीची आई घराला कुलूप लावून गेल्या होत्या.
दि ७ रोजी दुपारी दीड वाजता फिर्यादीचे वडील घरी आले असता त्यांच्या घराचा दरवाजा उचकटल्याचे दिसून आले.यावेळी घराची पाहणी केली असता चोरट्यांनी घरातील रोख रक्कम तीस हजार व दोन लाख पंचवीस हजार रुपयांचे साडे चार तोळे वजनाचे सोन्याचे दागिने चोरुन नेल्याचे दिसून आले.सदर चोरीचा तपास उपनिरीक्षक अमोल खटावकर करीत आहेत.
.png "Videos"){kind=small}
