
पत्नीच्या चारित्र्यावर संशय, झोपेतच कुऱ्हाडीने वार करून हत्या; पतीला न्यायालयाने सुनावली 'ही' मोठी शिक्षा
आरोपीला दारूचे व्यसन होते. दारूच्या नशेत तो पत्नीच्या चारित्र्यावर संशय घेऊन तिच्याशी मारहाण करीत असे. त्याच्या त्रासाला कंटाळून मुलगा आणि सून वेगळे राहत होते. त्यामुळे घटनेच्या वेळी आरोपी आणि त्याची पत्नी दोघेच घरात राहत होते. मृत महिला आणि तिची मुलगी एकाच कंपनीत काम करीत होत्या. घटनेच्या दिवशी आई कामावर आली नसल्याने तसेच तिचा फोनही लागत नसल्याने मुलगी आणि जावई तिच्या घरी गेले. घराचा दरवाजा आतून बंद होता. त्यांनी लाथ मारून दरवाजा उघडला असता महिला रक्ताच्या थारोळ्यात पडलेली दिसली. तिच्या शेजारी खून करण्यासाठी वापरलेली कुऱ्हाड होती. त्याच खोलीत आरोपी पांघरूण घेऊन झोपलेला होता. मुलीने वडिलांना घटनेबाबत विचारले असता, आपणच पत्नीच्या डोक्यात कुऱ्हाडीने वार करून तिचा खून केल्याची कबुली दिल्याचे फिर्यादीत नमूद आहे. त्यानंतर मुलीने पोलिसांत तक्रार दाखल केली.
मुलीची साक्ष ठरली निर्णायक
सहाय्यक सरकारी वकील एन. पी. कोंघे यांनी सरकार पक्षाची बाजू मांडली. खटल्यात आठ साक्षीदारांचे जबाब नोंदविण्यात आले. आरोपीच्या मुलीने वडिलांविरोधात दिलेली साक्ष, आरोपीच्या कपड्यांवरील रक्ताचे डाग तसेच वैद्यकीय अहवाल हे पुरावे महत्त्वाचे ठरले. उपलब्ध पुराव्यांच्या आधारे अतिरिक्त सत्र न्यायाधीश एच. एम. भोसले यांनी आरोपीला दोषी ठरवत जन्मठेप आणि दहा हजार रुपये दंडाची शिक्षा सुनावली.
Ans: बालासाहेब मारुती जाधव (वय ५६, रा. बुर्केगाव, हवेली) याला पत्नीच्या हत्येप्रकरणी जन्मठेप आणि १० हजार रुपये दंडाची शिक्षा सुनावण्यात आली.
Ans: २३ जुलै २०२४ रोजी पत्नी झोपेत असताना चारित्र्यावर संशय घेत आरोपीने तिच्या डोक्यात कुऱ्हाडीने वार करून तिची हत्या केली.
Ans: मुलीने दिलेली निर्भय साक्ष, आरोपीच्या कपड्यांवरील रक्ताचे डाग आणि वैद्यकीय अहवाल हे महत्त्वाचे पुरावे ठरले.